فرانس کی وزیر محترمہ کریسولا زہاراپولو نے ، جو ہندوستان کے دورے پر ہیں، سائنس اور ٹیکنالوجی کے مرکزی وزیر مملکت (آزاد چارج)، ارضیاتی سائنسی کے مرکزی وزیر مملکت (آزاد چارج)، وزیر اعظم کے دفتر میں وزیر مملکت، ڈی اوپی ٹی، انتظامی اصلاحات، شکایات عامہ، پنشن خلا اور ایٹمی توانائی کے وزیر مملکت ڈاکٹر جتیندر سنگھ سے نورتھ بلاک ، نئی دہلی میں ملاقات کی اور نیوکلیئر انرجی کے شعبے میں فرانس اور ہندوستان کے اشتراک پر تبادلہ خیال کیا۔ ان کے ہمراہ ایک اعلیٰ سطح کا فرانسسی وفد بھی آیا ہے۔

دونوں فریقوں نے مہاراشٹر کے رتناگری ضلع کے جیتا پور مقام پر نیوکلیئر پاور ریکٹر کے قیام میں تیزی لانے کے اقدامات پر بات چیت کی۔ یہ ایک مشترکہ منصوبہ ہے۔

حکومت ہند نے فرانس کی تکنیکی مدد سے 1650 میگاواٹ والے چھ نیو کلیر پاور ریکٹرز کے قیام کو اصولی طور پر منظوری پہلے ہی دے دی ہے اور اس طرح ستمبر 2008 میں فرانس کے ساتھ دستخط ہوئے جامع نیوکلیائی معاہدے کے تحت 9900 میگاواٹ کی کل صلاحیت والے سب سے بڑے نیو کلیئر پاور پیدا کرنے والے مقام کا منصوبہ تکمیل کو پہنچے گا۔

فرانسسی کمپنی ای ڈی ایف نے گزشتہ سال نیوکلئر پاور کاورپوریشن آف انڈیا (این پی سی آئی ایل) کو جیتا پور میں چھ یوروپین پر یشارائزڈ ریکٹرز (ای پی آر ایس ) کے قیام کے لے تکنیکی وتجارتی پیشکش سونپی تھی۔ اس سال مئی میں ای ڈی ایف سے ایک اعلیٰ سطحی ٹیم ہندوستان آئی تھی اور این پی سی آئی ایل کے افسران سے اس سلسلے میں تفصیلی بات چیت کی تھی۔

ڈاکٹر جتیندر سنگھ نے فرانسسی وزیر کو یقین دلایا کہ دونوں فریق جلد از جلد تکنیکی ، مالی اور سول نیوکلئر ضابطوں کو پورا کرلیں گے اور محترمہ کریسولا زہاراپولو کے اعلان کے مطابق 2023 کے اوائل میں فرانس کے صدر میکرون کے دورے سے قبل یہ کام کرلیا جائے گا۔ فرناس کے وزیر خزانہ برونو لامیر بھی دسمبر کے وسط میں ہندوستان کا دورہ کرنے والے ہیں۔

دونوں ملکوں کے درمیان گرم جوشانہ تعلقات کا ذکر کرتے ہوئے ڈاکٹر ڈاکٹر جتیندر سنگھ نے کہا کہ ہندوستان کے وزیر اعلیٰ جناب نریندر مودی نے اپنے تین روزہ دورہ یورپ کے دوران پیرس میں فرانس کے صدر میکرون سے ملاقات کی تھی، دونوں رہنماؤں نے دوطرفہ اور عالمی معاملات سمیت مختلف امور پر بات چیت کی اور جناب مودی نے کہا کہ پندرہ اور فرانس ترقی کے سفر مین اپنے اشتراک پر نازاں ہیں اوریہ ساجھیدی مختلف شعبوں کا احاطہ کررہی ہے۔

آج کی میٹنگ میں دونوں فریقوں نے جیتا پور ای پی آر پروجکٹ کی کامیابی کے عزم کو دوہرایا جس سے بھروسہ مند، سستی اور ماحولیات کے لئے کم مضر توانائی حاصل ہوسکے گی اور دونوں نے زیر التواء معاملات کو جلد از جلد نمٹانے کا عہد کیا۔

این پی سی آئی ایل کو یونٹوں کی تعمیر اور چالو کرنے کی ذمہ داری دی گئی ہے اور ہندوستان میں ہر طرح کی منظوری حاصل کرنے کا کام اس کے ذمہ ہوگا۔ اس میں ہندوستانی انضباطی اتھارٹی کی جناب سے ای پی ٹیکنالوجی کا سرٹیکفیشن شامل ہے۔

ڈاکٹر جتیندر سنگھ نے کہا کہ نیوکلیائی پاور صاف ستھری اور ماحولیات کے لئے سازگار ہے اور اس کے ساتھ ساتھ ملک کی بھاری توانائی کی مانگ کو پورا کرنے کی اہل بھی ہے۔

ڈاکٹر جتیندر سنگھ نے کہا کہ صاف ستھری توانائی کے مختلف وسیلوں بشمول نیوکلیائی پاور کے ذریعہ نیٹ زیر وٹارگٹ حاسل کئے جاسکیں گے۔ اس سلسلے میں 6780 میگاواٹ کی موجودہ صلاحیت کو بڑھا کر 2031 تک 22480 میگاواٹ کرنے کا منصوبہ ہے جو کہ موجودہ پروجیکٹوں کی تکمیل سے ممکن ہوگا۔

****

U.No:11561

ش ح۔رف۔س ا