نئی دہلی، 15اکتوبر، 2022/  بھارتی فضائیہ کے افسران کی بیویوں کی بہبود کی ایسوسی ایشن (اے ایف ڈبلیو ڈبلیو اے ) نے آج اپنی 62ویں سالگرہ منائی ۔ اس موقعے پر اے ایف ڈبلیو ڈبلیو اے نے نئی دلی کے سوبرتو پارک میں  بھارتی فضائیہ کے آڈیٹوریم میں ایک ثقافتی پروگرام کا انعقاد کیا۔ خواتین اور بچوں کی ترقی نیز اقلیتی امور کی مرکزی وزیر محترمہ اسمرتی زبین ایرانی مہمان خصوصی تھیں اور وزیر دفاع جناب راج ناتھ سنگھ نے بھی اعزازی مہمان کے طور پر اس تقریب میں شرکت کی۔ اے ایف ڈبلیو ڈبلیو اے کی صدر محترمہ نیتا چودھری بھی اس موقعے پر موجود تھیں۔

یہ تقریب اے ایف ڈبلیو ڈبلیو اےکی ایک خصوصی مہم کے اختتام پر منعقد کی گئی جسے نیٹاتھون کہا گیا۔ جس میں تقریباً 3000 خواتین نے (جو سبھی اے ایف ڈبلیو ڈبلیو اے کی ارکان ہیں) اجتماعی طور پر 41000 سے زیادہ اونی ٹوپیاں بُنیں۔ انہوں نے یہ ٹوپیاں محض تین مہینے کی مدت میں تیار کی ہیں۔ اے ایف ڈبلیو ڈبلیو اے نے محض تین مہینے میں اتنی بڑی تعداد میں ٹوپیاں بُن  کر گنز عالمی ریکارڈ قائم کیا (41541)۔  ایوارڈ کا اعلان گنز عالمی ریکارڈ کے ایڈجوڈیکیٹر نے کیا۔ اے ایف ڈبلیو ڈبلیو اے کی صدر محترمہ نیتا چودھری نے اپنی ایسوسی ایشن کی طرف سے یہ ایوارڈ حاصل کیا۔

 

محترمہ اسمرتی زبین ایرانی نے اس موقعے پر نیٹا تھون کے انعام یافتگان کو دیگر مختلف زمروں میں بھی ایوارڈ عطا کیے۔

اس قابل تحسین حصولیابی پر اے ایف ڈبلیو ڈبلیو اے کو مبارکباد دیتے ہوئے محترمہ اسمرتی زبین ایرانی نے کہا کہ نیٹا تھون میں بھارتی فضائیہ کے افسران کی بیویوں کی شرکت واقعی قابل ستائش ہے۔ انہوں نے کہا کہ اے ایف ڈبلیو ڈبلیو اے کی طرف سے پسماندہ اور غریب لوگوں کو اس تقسیم سے راحت فراہم ہوگی۔ انہوں نے سنگنیوں کا حوصلہ بڑھانے کے لیے اے ایف ڈبلیو ڈبلیو اے کو اون کی بُنی ہوئی ٹوپیاں تقسیم کرنے کا بھی وعدہ کیا۔

محترمہ نیتا چودھری نے اپنے خطاب میں کہا کہ یہ خوشی کی بات ہےکہ اے ایف ڈبلیو ڈبلیو اے نے ایک عالمی ریکارڈ قائم کیا ہے۔ انہوں نے کہا کہ اس کوشش کا مقصد پسماندہ لوگوں کی مدد کرنا ہے۔ سبھی ارکان نے تھوڑی تھوڑی کوشش کی ہے ۔ گنز ریکارڈ اپنے اندر ایک خوشی کی بات ہے  اور مجھے اس پر فخر ہے اور اے ایف ڈبلیو ڈبلیو اےپر فخر ہے۔انہوں نے مزید کہا کہ اس سےثابت ہو گیا ہے اگر توجہ اور وقف کرنے سے کام لیا جائے تو اس سے کوئی معمولی گھریلو خاتون غیر معمولی بن سکتی ہے۔ نیٹا تھون اب ایک سماجی سرگرمی بن گئی ہے جس میں خواتین بڑے پیمانے پر شامل ہوئی ہیں۔ اور بُنائی کے قدیم فن کو جلا ملی ہے۔

یہ بنی ہوئی ٹوپیاں ملک کے بے گھر اور غریب لوگوں کو عطیہ کی جائیں گی تاکہ وہ آنے والے سردیوں کے مہینے میں آرام محسوس کر سکیں۔ نیٹا تھون کا انعقاد 15 جولائی 2022 کو پورے بھارت میں کیا گیا تھا جو آج اے ایف ڈبلیو ڈبلیو اے کے دن کی تقریبات پر ختم ہوا ہے۔

بھارتی فضائیہ کے افسران کی بیویوں کی بہبود کی ایسوسی ایشن بھارتی فضائیہ کے کنبوں کے لیے بہبود کی ایک تنظیم ہے اس ایسوسی ایشن کی ارکان کو سنگنی کہا جاتا ہے  جس کا مقصد بچوں کی مجموعی ترقی اور سماج کے ضرورت مند طبقوں کو سہارا دینا اس کےبنیادی مقاصد ہیں۔ یہ ایسوسی ایشن معمر افراد ، معذوربچوں اور یتیموں کی بھی مدد کرتی ہے۔

 

Congratulations to the AFWWA for setting a Guinness Book of Record in knitting maximum woollen caps. @IAF_MCC Sanginis from length & breath of the country knitted more than 41,500 woollen caps which will be distributed among lesser privileged citizens during winters. pic.twitter.com/7APqRzcQVX

— Smriti Z Irani (@smritiirani) October 15, 2022

 

ش ح ۔ اس۔ ت ح ۔                                               

15.10.2022

U - 11462

(Release ID: 1868170) Visitor Counter : 125