ରାଜ୍ୟ / କେନ୍ଦ୍ର ଶାସିତ ଅଞ୍ଚଳର ର ଶକ୍ତି ଏବଂ ଅକ୍ଷୟ ଶକ୍ତି ମନ୍ତ୍ରୀଙ୍କ ସମ୍ମିଳନୀ 14 ରୁ 15 ଅକ୍ଟୋବର, 2022 ରେ ରାଜସ୍ଥାନର ଉଦୟପୁର ଠାରେ ଅନୁଷ୍ଠିତ ହେଉଛି। ଉଦ୍‌ଘାଟନୀ ଅଧିବେଶନରେ ଶ୍ରୀ ଆର.କେ. ସିଂ, କେନ୍ଦ୍ର ଶକ୍ତି ଏବଂ ଅକ୍ଷୟ ମନ୍ତ୍ରୀ ଅଧ୍ୟକ୍ଷତା କରିଥିଲେ। ଏହି ଅବସରରେ ଶ୍ରୀ କୃଷ୍ଣ ପାଲ ଗୁଜର, ଶକ୍ତି ରାଷ୍ଟ୍ରମନ୍ତ୍ରୀ ମଧ୍ୟ ଉପସ୍ଥିତ ଥିଲେ। ଏହି କାର୍ଯ୍ୟକ୍ରମରେ ରାଜ୍ୟ ଏବଂ କେନ୍ଦ୍ର ଶାସିତ ଅଞ୍ଚଳର ର ମୁଖ୍ୟ ସଚିବଙ୍କ ସହ ଡେପୁଟି ସିଏମ୍ / ଶକ୍ତି / ଏନଆରଇ ମନ୍ତ୍ରୀମାନେ ମଧ୍ୟ ଯୋଗ ଦେଇଥିଲେ।

ବିଦ୍ୟୁତ୍ କ୍ଷେତ୍ରରେ ଅତିରିକ୍ତ ଉତ୍ପାଦନ କ୍ଷମତା, ଜାତୀୟ ଗ୍ରୀଡର ବିକାଶ, ସମସ୍ତ ପରିବାରକୁ ସାର୍ବଜନିନ ସୁବିଧା ତଥା ଗ୍ରାମାଞ୍ଚଳକୁ ଯୋଗାଣରେ ଉନ୍ନତି ଆଣିବାରେ ଶ୍ରୀ ଆର.କେ ସିଂ ଗତ ବର୍ଷଗୁଡିକରେ ପ୍ରାପ୍ତ ହୋଇଥିବା ସଫଳତା ଉପରେ ଆଲୋକପାତ କରିଥିଲେ ଏବଂ ସମସ୍ତ ମାନ୍ୟଗଣ୍ୟ ବ୍ୟକ୍ତିଙ୍କୁ ସେମାନଙ୍କର ସହଯୋଗ ଏବଂ ଅବଦାନ ପାଇଁ ଅଭିନନ୍ଦନ ଜଣାଇଥିଲେ।

ଏହା ସୂଚନା ପ୍ରଦାନ କରାଯାଇଥିଲା ଯେ ଗତ 4-5 ମାସ ଧରି ବିଦ୍ୟୁତ୍ ଚାହିଦା ପ୍ରାୟ 11% ବୃଦ୍ଧି ପାଉଛି। କିନ୍ତୁ ବିଶ୍ବର ଶକ୍ତି ସଙ୍କଟ ଦେଖାଦେଇଥିବା ସମୟରେ ମଧ୍ୟ ସରକାର ଏହି ଚାହିଦା ପୂରଣ କରିବାରେ ସଫଳ ହୋଇଛନ୍ତି। ଆନ୍ତର୍ଜାତୀୟ ସ୍ତରରେ କୋଇଲା ମୂଲ୍ୟ ବୃଦ୍ଧି ପାଇଛି କିନ୍ତୁ ଆମେ ବିଦ୍ୟୁତ୍ ମୂଲ୍ୟକୁ ନିୟନ୍ତ୍ରଣରେ ରଖିବାରେ ସଫଳ ହୋଇଛୁ।

ସୂଚନା ଦିଆଯାଇଥିଲା ଯେ ଭାରତ ହେଉଛି ଏକମାତ୍ର ପ୍ରମୁଖ ଅର୍ଥନୀତି ଯାହାର କାର୍ଯ୍ୟ ବିଶ୍ବର ର ତାପମାତ୍ରାକୁ 2 ଡିଗ୍ରୀ ମଧ୍ୟରେ ସୀମିତ ରଖିବାରେ ସଫଳ ହୋଇଛି। ଭାରତର ମୁଣ୍ଡପିଛା ନିର୍ଗମନ ବିଶ୍ବର ହାରାହାରି ମାତ୍ର 1/3, ଅନ୍ୟ ପକ୍ଷରେ ବିକଶିତ ଦେଶଗୁଡ଼ିକ ଏହି ପରିମାଣ ବିଶ୍ବର ହାରାହାରି ଠାରୁ 3-5 ଗୁଣା ଅଧିକ ରହିଛି।  

ଶ୍ରୀ ସିଂ ସୂଚନା ପ୍ରଦାନ କରିଛନ୍ତି ଯେ ଆମେ ବିଦ୍ୟୁତ୍ ପାଇଁ ସାର୍ବଜନୀନ ସୁବିଧା ହାସଲ କରିଛୁ, ତଥାପି 24x7 ଗୁଣାତ୍ମକ ଶକ୍ତିର ନିରନ୍ତର ଉପଲବ୍ଧତା, ଜାତୀୟ ଗ୍ରୀଡର ସାଇବର ସୁରକ୍ଷା, ଅକ୍ଷୟ ଶକ୍ତି ସମନ୍ବିତକରଣ ଇତ୍ୟାଦି ବିଦ୍ୟମାନ ଆହ୍ବାନଗୁଡିକ ନୀତିଗତ କାର୍ଯ୍ୟ ମାଧ୍ୟମରେ ଏବଂ ସମସ୍ତ ହିତାଧିକାରୀଙ୍କ ସହଯୋଗ ଏବଂ ସହବନ୍ଧନ ମାଧ୍ୟମରେ ସମାଧାନ ହେବା ଆବଶ୍ୟକ।

ଏହା ଉପରେ ଗୁରୁତ୍ବ ପ୍ରଦାନ କରାଯାଇଥିଲା ଯେ 2030 ସୁଦ୍ଧା ଆମର ଚାହିଦା ଦୁଇ ଗୁଣା ହେବାକୁ ଯାଉଛି, ଯେଉଁଥି ପାଇଁ ବୃହତ କ୍ଷମତା କୁ ସାମିଲ୍ କରିବାକୁ ପଡିବ, ଯାହା ପରବର୍ତ୍ତୀ ସମୟରେ ବିପୁଳ ପୁଞ୍ଜି ବିନିଯୋଗ ଆବଶ୍ୟକ କରିବ। ବିଦ୍ୟୁତ୍ ପ୍ରଣାଳୀକୁ ଆଧୁନିକୀକରଣ କରିବା ଏବଂ ଗ୍ରୀନ୍ ହାଇଡ୍ରୋଜେନ୍, ଷ୍ଟୋରେଜ୍, ଅଫଶୋର ୱିଣ୍ଡ ଇତ୍ୟାଦି ନୂତନ ଜ୍ଞାନକୌଶଳକୁ ପ୍ରୋତ୍ସାହିତ କରିବା ପାଇଁ ପୁଞ୍ଜି ବିନିଯୋଗ ମଧ୍ୟ ଆବଶ୍ୟକ ହେବ ଯାହା ଭାରତକୁ ଏହାର ଶକ୍ତି ପରିବର୍ତ୍ତନ ମାର୍ଗ ହାସଲ କରିବାରେ ସାହାଯ୍ୟ କରିବ । ଏଥିପାଇଁ, ସମଗ୍ର ଦେଶରେ ଡିସକମ୍ ଉନ୍ନତ ତଥା ସ୍ଥାୟୀ ଆର୍ଥିକ ଅଭ୍ୟାସ ଅନୁସରଣ କରିବା ଅତ୍ୟନ୍ତ ଜରୁରୀ ଅଟେ ଯଦ୍ବାରା ଏହାର ଉପଯୋଗୀତା ସୁନିଶ୍ଚିତ ହୋଇପାରିବ। 

କେନ୍ଦ୍ର ଶକ୍ତି ଏବଂ ଏନଆରଏ ମନ୍ତ୍ରୀ ବିଦ୍ୟୁତ୍ କ୍ଷେତ୍ର ସମ୍ମୁଖରେ ସ୍ଥିର ହୋଇଥିବା ଏହି ଲକ୍ଷ୍ୟ ହାସଲ କରିବାରେ ରାଜ୍ୟମାନଙ୍କ ସହଯୋଗ ଲୋଡିଛନ୍ତି।

ପାୱାର ୟୁଟିଲିଟିର କାର୍ଯ୍ୟଦକ୍ଷତା ଉପରେ ମଧ୍ୟ ଆଜି ରିପୋର୍ଟ ପ୍ରକାଶ ପାଇଛି।

BS

(रिलीज़ आईडी: 1867906) आगंतुक पटल : 175