স্তেত/য়ু.তি.শিংগী পৱার অমসুং রিনিউএবল ইনর্জী মন্ত্রীশিংগী কনফরেন্স রাজস্থানগী উদয়পুরদা ওক্তোবর ১৪দগী ১৫, ২০২২ ফাওবা পাঙথোক্লি‍। হৌদোকপগী থৌরম অদু পৱার অমসুং এন.আর.ই.গী কেন্দ্র মন্ত্রী শ্রী আর.কে.সিংহনা থৌরম মপু ওইনা শরুক য়াখি‍। পৱারগী রাজ্য মন্ত্রী শ্রী কৃষ্ণন পাল গুরজারসু থৌরমদুদা শরুক য়াখি‍। থৌরম অদুদা স্তেত অমসুং য়ু.তি.শিংগী প্রিন্সিপাল সেক্রেতরীশিংগী লোয়ননা দিপুতী সি.এম./ পৱার/ এন.আর.ই. মন্ত্রীশিংসু শরুক য়াখি‍।

শ্রী আর.কে. সিংহনা সরপ্লস জেনেরেসন কেপাসিতী, নেস্নেল গ্রিদ শেমগৎপা, য়ুমথোঙ খুদিংদা মৈ ফংহনবা অমদি খুঙ্গঙগী লমদা মৈ ফংহনবগী ফীভম ফগৎহনবা য়াওবা পৱার সেক্তরদা হৌখিবা চহি খরসিদা মায় পাক্না পায়খৎখিবা থৌরাংশিং পাউদমখি অমদি মীথুং পুম্নমক্কী মফমদা মখোয়গী ঙাক্লৌ অমদি থৌদাংগীদমক্তা নুংঙাইবা ফোঙদোকখি‍।

হৌখিবা থা ৪-৫সিদা মৈগী দিমান্ত ১১%গী চাংদা হেনগৎলক্লি হায়বা ৱাফম থমখি‍। অদুম ওইনমক মালেমগী ওইনা ইনর্জী ক্রাইসিস লৈরিঙ মনুং ওইরগসু, লৈঙাক্না দিমান্দ অদু পীবা ঙম্ননবা হোৎনখি‍। মালেমগী ওইনা কোইলাগী মমল হেনগৎখ্রে, অদুবু ঐখোয়না মৈগী মমল কন্ত্রোল তৌদুনা থম্বা ঙমখি‍।

মালেমগী অচৌবা শেন্মিৎলোনশিংগী মনুংদা মালেমগী ওইবা অইং অশাগী চাং দিগ্রী ২গী মখাদা থম্নবা পায়খৎলিবা থৌরাং পরিং চুম্না চৎলিবা লৈবাক ভারতখক্তা ওইরি‍। ভারতকী পর কেপিতা ইমিসন মালেমগী চাংচত্তা পাবদা শুপ্নতগী ১/৩ খক্তনি, অদুগা চাওখৎলবা লৈবাকশিংগীনা মালেমগী চাংচৎকী শরুক ৩দগী ৫ ফাওবনি‍।

ঐখোয়না মীপুম খুদিংদা মৈ ফংহনবা ঙম্লে হায়বা ৱাফম থম্লদুনা পুং ২৪ চুপ্না মৈ নীংথিনা চাং নাইনা ফংহনবা, নেস্নেল গ্রিদকী সাইবর সিক্যুরিতী, রিনিউএবল ইনর্জী ইন্তিগ্রেসন অসিনচিংবদা লৈরিবা শিংনবশিং খুজিল থৌরাং য়াত্তুনা অমদি স্তেকহোল্দর পুম্নমক খুৎশম্ননা চৎমিন্নবা অমদি তেংবাংনবগী খুত্থাঙদা ৱাখৈ পুরকপা মথৌ তারি হায়না শ্রী সিংহনা ফোঙদোকখি‍।

ঐখোয়গী দিমান্ত ২০৩০ ফাওবদা শরুক অনি হেনগৎলক্কনি, অমদি মসিগীদমক্তা অচৌবা কেপাসিতী হাপচিনবা মথৌ তারক্কনি অমদি মসিগীদমক অচৌবা শেন্ফম থাদবা মথৌ তাগনি হায়বা ৱাফম থমখি‍। ভারতপু মহাক্কী ইনর্জী ত্রাঞ্জিসন ত্রেজেক্তরীগী পন্থুং ফংহনবদা মতেং পাংনবগীদমক পৱার সিস্তেম মতমগা চুনহনবা অমদি গ্রীন হায়দ্রোজেন, স্তোরেজ, ওফসোর ৱিন্দ অসিনচিংবা অনৌবা তেক্নোলোজীশিং য়োকখৎপদসু শেল থাদবা মথৌ তাগনি‍। মসি ফংবা ঙম্নবগীদমক লৈবাক শিনবা থুংনা লৈরিবা দিসকোমশিং মথৌ নীংথিনা তৌদুনা লৈবা ঙম্নবগীদমক অফবা অমদি তুং কোইগদবা শেলথুমগী থৌওংশিং ইনবা তশেংনমক মথৌ তাই‍।

পৱার অমসুং এন.আর.ই.গী কেন্দ্র মন্ত্রীনা পৱার সেক্তরগী লৈরিবা পান্দমশিং অসি ফংবা ঙম্নবগীদমক স্তেতশিংদগী তেংবাং নিখি।

পৱার য়ুতিলিতীশিংগী পর্ফোর্মেন্সগী রিপোর্তসু ঙসি ফোঙখি‍।

***

(Release ID: 1867879) Visitor Counter : 95