ওক্তোবর ৮, ২০২২দা হৌদোকখিবা নোর্থ ইস্তর্ন কাউন্সিলগী প্লেনরী সেসনগী অনিশুবা নুমিৎনা গৃহ মন্ত্রালয় অমসুং কো-ওপরেসনগী কেন্দ্র মন্ত্রী অমদি এন.ই.সি.গী চেয়র্মেন, শ্রী অমিত শাহগী লুচিং মখাদা কান্নবা ৱারেপ কয়াগা লোয়ননা ঙসি লোইশিনখ্রে।

ঙসিগী থৌরমদা শরুক য়াখিবা শক্নাইরবা মীওইশিংগী মরক্তা এম.দোনর, তুরিজম অমসুং কলচরগী মন্ত্রী অমসুং এন.ই.সি.গী ভাইস চেয়র্মেন, শ্রী জি. কিশন রেদ্দী, এম.ও.এস. অমসুং এন.ই.সি.গী মেম্বর, শ্রী বি.এল. ভর্মা, অৱাং নোংপোক লমদমশিংগী ইকায় খুম্ননীংঙাই ওইরবা রাজ্যপাল অমসুং মুখ্য মন্ত্রীশিং, দেপ্যুতী সি.এম., কেন্দ্র অমসুং রাজ্য সরকারগী বিভাগ কয়াগী মরু ওইবা ওফিসরশিং য়াওখি। মখোয়শিংবু এন.ই.সি.গী সেক্রেতরী, শ্রী কে. মোজেস চলায়না ইকায় খুম্নবা উৎখি।

এন.ই.আর. রাজ্যশিংগী রাজ্যপালশিংনা অৱাং নোংপোক লমদম চাউখৎহনবগী থৌরাং য়াৎলিবশিংদা হেন্না তেংবাংগদবা পাউতাক অমসুং ফীদবেক কয়া থমখি।

এন.ই.আর.গী ইকায় খুম্ননীংঙাই ওইরবা মুখ্য মন্ত্রী অমদি দেপ্যুতী সি.এম.শিংনা লৈবাক অসিনা মপুং ওইনা চাউখৎনবগীদমক্তা কেন্দ্র অমসুং রাজ্যগী মরক্তা লৈনরিবা তেংবাংনবগী থৌওং হেন্না কনশিনবগী মথৌ তাবগী মতাংদা মশাগী ৱারোল ফোংদোক্নখি।

নিনিশুবা নুমিৎকী মীফমদা জনুৱারী ২০২১দা পাংথোকখিবা ৬৯শুবা প্লেনরী সেসনগী এক্সন তেকন রিপোর্তকী প্রোসিদিং অমসুং তেব্লিংগী কনফর্মেসন লৌবা অমসুং অৱাং নোংপোক রাজ্যশিংদা এফোরেস্তেসনগী থৌওংগী প্রোগ্রেসকী পাউদমদা অখন্নবা মিৎয়েং চঙখি।

প্লেনরী মীফম অসিনা অৱাং নোংপোক লমদমদা হৌজিক চত্থরিবা তোঙান-তোঙানবা সোসিএল অমসুং দিভেলপমেন্ত প্রোজেক্তশিংগী হৌজিক্কী ফিভম হঙ্গৎনা য়েংশিনখি। লাক্কদৌরিবা মতমশিংগীদমক্তা কেন্দ্র অমসুং রাজ্য সরকারশিংনা স্ত্রেতজিক রোদমেপ অমা শেম্নবা খুৎশম্ননা থবক পায়খৎমিন্নরি।

এম.দোনরগী সেক্রেতরী, শ্রী লোক রঞ্জন্না প্লেনরী সেসনগী অহানবা নুমিত্তা খন্ন-নৈনখিবা হীরমশিং লান্থোকখি। মসিগী মনুং চনবশিংদি:

১) অৱাং নোংপোক লমদম্বু গ্রোথ ইঞ্জিন ওইনা য়েংবা অমসুং মরী লৈনবা থৌরাং য়াৎপা।

২) মখোয়গী মশাগী রাজ্যশিংগী ‘প্রাইওরিতী অমসুং মায় পাকপগী ৱারী’গী প্রজেন্তেসন লান্থোকপা অমসুং ‘তেলিকোম, ব্রোদবেন্দ অমসুং ইন্তর্নেত কন্নেক্তিবিতীগী রিজনেল প্লান্নিং’, প্রাইমরী সেক্তর দিভেলপমেন্ত অমসুং তুরিজমগুম্বা মরু ওইবা হীরমশিংগী মতাংদা খন্ন-নৈনখিবা।

৩) আত্মানির্ভর ভারতকী পান্দম ফংনবগীদমক্তা এম.এস.এম.ই. সেক্তর অমসুং এস.ঐচ.জি., হোর্তিকলচর অমসুং ইন্দস্ত্রীশিং মপাঙ্গল লৈহনবা।

৪) এজুকেসন অমসুং হেল্থকেয়র সেক্তরগী লমদা এন.জি.ও. অমসুং প্রাইভেত স্তেকহোলদরশিংগী মরক্তা তেংবাংনবা।

এন.ই.সি.গী সেক্রেতরী, শ্রী মোজেস চলায়না নোর্থ ইস্তর্ন কাউন্সিলনা মশাগী চহি ৫০ মপুং ফারে হায়খি অমসুং এন.ই.আর.গী গোলদন জুবিলী থৌরম পাংথোকপগী ৱাহৌদোক থমখি। 

থৌরম অসিদা ৱা ঙাঙবদা, শ্রী জি. কিশন রেদ্দীনা অৱাং নোংপোক লদম চাউখৎপা হায়বসি লৈবাক চাউখৎপগী য়াম্না মরু ওইবা ৱাফম অমনি হায়খি। রেলৱেজ, রোদৱেজ, ৱাতরৱেজ, এয়রৱেজ অমসুং তেলিকম্ম্যুনিকেসন ওইরো, অৱাং নোংপোক লমদম্না সেক্তর খুদিংদা চাউখৎলক্লি অমসুং মিৎয়েং শানবা পি.এম. শ্রী নরেন্দ্র মোদীজীগী লুচিং মখাদা ভারত সরকারনা লদম অসি চাউখৎপগী হীরম্বু লম খুদিংমক্তা খ্বাইদগী অহানবা মিৎয়েং চঙলি। কেন্দ্রগী মন্ত্রীশিংগী কাউন্সিলনা এন.ই.আর.দা চাং নাইনা চত্তুনা মীয়াম অমসুং লৈঙাক্কী মরক্তা লৈবা অহাঙবা মেন্নবা হোৎনরি। মসিগুম্বা চাউখৎ-থৌরাংগী খোঙচৎ অসিদা কেন্দ্র অমসুং রাজ্য সরকারনা খুৎশম্নরি অমসুং লমদম অসিগী চাউখৎ-থৌরাংদা এম.দোনরনা হীরম খুদিংদা তেংবাংগনি হায়না শ্রী রেদ্দীনা স্তেকহোলদরশিংদা হায়খি।

অৱাং নোংপোক ভার্তকী নহা ওইরিবা মতিক লৈবা মীওইশিংবু পুক্নিং থৌগৎলদুনা, ইকায় খুম্ননীংঙাই ওইরবা দিগ্নিতরীশিংনা ক্লাস ১২গী বোর্দ পরিখাদা মকোক মথং তারবশিংদা এন.ই.সি. নেতাজী এৱার্দ পীদুনা ইকায় খুম্নখি।

শ্রী অমিত শাহনা ঙসিগী থৌরমসিদা অৱাং নোংপোক ভারতকী আর্তিসান অমসুং ফিশা-লোন্সা তৌবা মীওইশিংগীদমক্তা কত্থোক্লবা এন.ই.ঐচ.ঐচ.দি.সি. মোবাইল এপ্লিকেসন পুথোকখি। এন.ই.ঐচ.ঐচ.দি.সি.না মোবাইল এপ্লিকেসন অসিগী খুত্থাংদা মখোয়গী আর্তিসান অমসুং ফিশা-লোন্সা তৌবা মীওইশিংবু ওনলাইন্দা রেজিস্তর তৌবা, অচুম্বা দেতা খোম্বা য়াগনি। মসিনা অখন্ননা শেম্লবা ওনলাইন কোর্স কয়াগী খুত্থাংদা মখোয়শিংদা ত্রেনিং পীগনি অমসুং মখোয়গী ৱাকৎশিংগী মতাংদসু মরী লৈননা তেংবাংগনি। এপ অসিনা মখোয়দা সরকারগী মরু ওইবা স্কিম, খোঙথাং অমসুং লাক্কদৌরিবা থৌরমশিংগী মতাংদা খঙহনগনি।

ইকায় খুম্ননীংঙাই ওইরবা গৃহ মন্ত্রী, শ্রী অমিত শাহনা মহাক্কী ৱারোলদা পি.এম. শ্রী নরেন্দ্র মোদীজীগী লুচিং মখাদা সরকারনা লদম অসিদা শান্তি পুরক্নবা অমসুং কন্নেক্তিবিতী লৈহন্নবা মমাংগী চহি ৮দগী অখন্নবা মিৎয়েংগা লোয়ননা হোৎনদুনা লাক্লি হায়খি। কেন্দ্র সরকারগী স্কিমশিংনা অৱাং নোংপোক ভারতকী মীয়ামদা শোইদনা য়ৌহন্নবগীদমক্তা অখন্নবা থবক থৌরম কয়াসু পায়খৎলি। মহাক্না রাজ্য ৮গী স্তেকহোলদর অমসুং পার্ত্নরশিংদা অৱাং নোংপোক ভারতকী মীয়াম খুদিংদা তোঙানবা স্কিমগী লাস্ত মাইল দেলিভরীগীদমক্তা থম্লকপা মখোয়গী পাউতাক অমসুং ফীদবেক খুদিংমক খন্নগনি হায়বগী থাজবা পীখি। এন.ই.এস.এ.সি.গী মতাংদা ৱা ঙাঙবদা, শ্রী অমিত শাহনা অৱাং নোংপোক লমদম চাউখৎপদা লৈরিবা মখোয়গী অখন্নবা থৌদাংদা মিৎয়েং চঙলদুনা, তুরিজম, লৌউ-শিংউ, কন্নেক্তিবিতীগুম্বা মরু ওইবা মিৎয়েং চঙবা হীরমশিংনা স্পেস সাইন্স অমসুং তেক্নোলোজীগা লোয়ননা মশক থোকপা তেংবাং ফংলগনি হায়না ফোংদোকখি।

#NECগী প্লান্নিং এদভাইজর, সি.ঐচ. শ্রী সি.ঐচ. খার্সিংনা ঙসিগী মশক নায়বা মীথুংলেনশিংদা ভোত ওফ থেংক্স পীদুনা ঙসিগী সেসন লোইশিনখি।

“অৱাং নোংপোক্না চাউখৎপা মতমদখক্তা ভারতনা চাউখৎকনি। মসিদি ভারতকী লাইবক হোংহনগদবা অস্তা লক্ষমীনি। ইকায় খুম্ননীংঙাই ওইরবা প্রধান মন্ত্রী, শ্রী নরেন্দ্র মোদীজীগী মসিগুম্বা মিৎয়েং অসিগা লোয়ননা ঐখোয়গী অৱাং নোংপোক্কী রাজ্য ৮, #AshtaLakshmiগী লোইনাইদ্রবা মতিক কয়াবু মপাঙ্গল হেন্না লৈহন্নবগীদমক্তা দোনর মন্ত্রালয়না থৱাই য়াওনা হোৎনরি”।

***

(Release ID: 1866345) Visitor Counter : 88