روڈ ٹرانسپورٹ اور ہائی ویز کے مرکزی وزیر جناب نتن گڈکری نے کہا کہ آٹوموبائل انڈسٹری کو مزید ای گاڑیاں بنانے کے لیے مصروف کیا جا رہا ہے۔ پونے، مہاراشٹر میں کمپنی کے چکن پلانٹ میں پہلی میڈ ان انڈیا مرسڈیز بینز لگژری الیکٹرک کار (580   4میٹک ) کا آغاز کرتے ہوئے انہوں نے کہا کہ متبادل ایندھن پر مبنی آٹوموبائل انڈسٹری کو تبدیل کرنے کی کوششیں کی جا رہی ہیں۔ انہوں نے کہا کہ حکومت کی پالیسی ہے ، درآمدی متبادل، لاگت کے اعتبار سے مؤثر، آلودگی سے پاک اور مقامی ۔ وزیرموصوف  نے پیٹرول اور ڈیزل پر حیاتیاتی ایندھن کے  ماحول دوست ہونے  اور لاگت کے اعتبار سے مؤثر ہونے کی اہمیت کا اعادہ کیا ۔

وزیر نے کہا کہ ہمارے پاس نوجوان ہنر مند باصلاحیت انجینئروں کی سب سے زیادہ تعداد ہے جو قابل اور ذہین ہیں اور تحقیق اور ترقی میں اپنا تعاون پیش کریں  گے ۔انہوں نے کہا کہ آٹوموبائل انڈسٹری جی ایس ٹی سے ریاستی اور مرکزی حکومتوں کو زیادہ سے زیادہ ریونیو میں اپنا تعاون پیش کرتی  ہے۔

وہیکل اسکریپنگ پالیسی کے بارے میں بات کرتے ہوئے انہوں نے کہا کہ ہمارے پاس ایک کروڑ دو لاکھ گاڑیاں اسکریپنگ کے لیے تیار ہیں لیکن اس وقت صرف 40 یونٹس ہیں۔ وزیر نے ملک کے ہر ضلع میں 4 اسکریپنگ یونٹس کھولنے کی تجویز پیش کی اور اس طرح 2000 یونٹس کھولنے کی تجویز پیش  کی۔

جناب گڈکری نے پونے اور پمپری میونسپل کارپوریشن کے علاقے سے گزرنے والے این ایچ -48 کے  این ڈی اے  (چندانی) چوک سے راویت/کیوالے سیکشن کا بھی معائنہ کیا۔ معائنہ کا کلیدی توجہ اس سیکشن کے ساتھ ٹریفک سے متعلق مسائل کو حل کرنا اور وکاد جنکشن، بھمکار چوک جنکشن اور راویت جنکشن  کی بہتری پر تھا۔

*****

U.No: 11135

ش ح۔اک۔س ا

(ریلیز آئی ڈی: 1865748) وزیٹر کاؤنٹر : 125