الیکٹرانکس  اورانفارمیشن ٹکنالوجی   اور ہنر مندی کی ترقی اور انٹر پرینیورشپ کے وزیر مملکت  جناب راجیوچندر شیکھر نے  آج سریندر نگر / راجکوٹ   ، گجرات  میں کہا  کہ درجہ دوم  اور درجہ سوم کے شہر  جلد ہی  اختراعات   اور انٹر پرائز ز کے مراکز بن سکتے ہیں اور انہیں  ان علاقوںمیں  ڈجیٹل بنانے   اور ہنر مندی کی سرگرمیوں  کو  آگے بڑھانے  پر توجہ مرکوز کرنی چاہئے ۔

اگلی دہائی کو  ہندوستان  کے تکنیکی دور کا،  جو نوجوان ہندوستانیوں کے لئے زبردست مواقع لے کر آئے گا، حوالہ دیتے ہوئے جناب چندرشیکھر نے کہا ‘‘ یہ خیال  کہ صرف آئی آئی ٹیز  اختراعات کو آگے  بڑھاسکتی ہیں ،مہجور ہوچکا ہے۔ اگلا بڑا آئیڈیا کسی سے بھی اور کہیں سے بھی آسکتا ہے۔ مابین النظام   میدانوں  میں  ٹکنالوجی کے استعمال کا زبردست دائرہ ہے۔ ہندوستانی نوجوان  ، اسٹارٹ اپس  اور طلبا ء کو ان مواقع  سے فائدہ اٹھانا چاہئے  اور پور ے ملک کے لئے ایسی راہ  پیدا کرنی چاہئے جس کی وہ پیروی کرسکے۔’’

وزیرموصوف نے ان تاثرات کا اظہار سی یو شاہ یونیورسٹی  ،سریندر نگر میں  ‘‘ نیا ہندوستان  ، نوجوان ہندوستانیوں  کے لئے – مواقع کا تکنیکی دور ’’  کے موضوع  پر   طلبا سے خطاب کرتے ہوئے  کیا اور انہوں نے ان سے اپیل کی کہ اگلےدس سالوں کو  گجرات کا تکنیکی دور بنانے کے لئے  سخت محنت کریں ۔

اس بات پر زوردیتے ہوئے کہ  صنعت 4.0 ایسا مستقبل ہے ،جس میں  مینوفیکچرنگ ایک بڑا کردار ادا کرے گی۔ جناب راجیو چندر شیکھر نے کہا کہ  وزیر اعظم  جناب نریندر مودی  نے  سیمی کان تجارت ، الیکٹرانکس  اور ابھرتی  ٹکنالوجی میں  مواقع  سے فائدہ اٹھانے کی غرض  سے پہلےسے ہی  آتم نربھر بھارت کا نقشہ  تیار کردیا ہے ۔وزیراعظم جناب مودی ، نئے عزائم  کے ساتھ   ہندوستانی نوجوانوں کے لئے ایک نئے ہندوستان کی تعمیر کررہے ہیں تاکہ ہم ایک ٹریلین یوایس ڈالر ڈجیٹل اقتصاد  / پانچ ٹریلین یوایس ڈالر اقتصاد کے ہدف کو حاصل کرسکیں  نیز ٹکنالوجی میں   ایک قابل اعتماد شریک کے طورپر  اور عالمی ویلیو چین میں  ایک اہم   کردار ادا کرنے والے ملک کے طورپر ابھرسکیں ۔

وزیراعظم جناب نریندر مودی کے نئے ہندوستان کے آئیڈیا کو  آگے بڑھانے میں   ایک قائد  ہونے کے لئے  گجرات کو مبارکباد دیتے ہوئے جناب چندرشیکھر نے کہا ‘‘ گجرات  ، ملک میں  پہلی ریاست ہے ، جو  خوداپنی سیمی کنڈکٹر  پالیسی لے کر آئی ہے۔ ریاست کے طلبا اور اسٹارٹ اپس   ،گجرات کا تکنیکی دور لانے میں   ایک ساتھ مددگار ہوسکتے ہیں۔

 ہنرمندی کی کوششوں کے بارے میں  جناب چندرشیکھر نے کہا کہ  حکومت کا  مقصد ، ہندوستان کو صلاحیت کا ایک مرکز  بنانا ہےاوراس مقصدکے لئے  مختلف  فعال اقدامات  جیسے کہ 5000 ہنر مندی سے متعلق پروگرامس  ،  قومی تعلیمی  پالیسی   ، جو یونیورسٹیوں  کو   ہنر مندی کے مراکز  بننے کی  سہولت بہم  پہنچاتی  ہے،  دوہری ڈگریوں کی اجازت دیتی ہے اور ڈگری وغیرہ کے ساتھ سرٹیفکیشن  کی سہولت بہم  پہنچاتی ہے، کئے گئے ہیں۔

وزیرموصوف نے طلبا کے ساتھ سوال وجواب کے ایک جلسے  میں  شرکت  کی  اور 5- جی  مواقع  سے لے کر گجرات میں  ایم ایس ایم ایز  کی ترقی اور ڈاٹا کی حفاظت  کے قانون   کے موضوعات  پر  ان کے سوالوںکا جواب  دیا۔

بعدمیں  جناب چندرشیکھر   راجکوٹ کے لئے روانہ ہوگئے ، جہاں وہ  آر کے یونیورسٹی میں   اسٹارٹ اپ کے ساتھ   مصروف  ہوئے اور  صنعت  ،  اکیڈمیوں    اور شہر کے دوسری  ممتاز شخصیات کے ساتھ  ایک میٹنگ منعقد کی  اور وزیراعظم جناب نریندر مودی   کے تمام ہندوستانیوںکو بااختیار بنانے کے وژن  -سب کا ساتھ سب کا وکاس  کو شئیر کیا۔

*************

ش ح۔اک۔ رم

 

U-11030

 

(Release ID: 1865045) Visitor Counter : 120