مرکزی وزیر داخلہ جناب امت شاہ نے مرکزی سرکار کی طرف سے  جاری کی گئی گائیڈ لائن کے مطابق آفات کی تلافی کے تعلق سے جاری سرگرمیوں  کے لئے تین ریاستوں ، اترپردیش، پنجاب اور گوا کو سال 22-2021 کے لئے مرکزی حصے کی شکل میں 488.00کروڑ روپے  جاری کرنے کو آج منظوری دے دی۔

15ویں  مالیاتی کمیشن کی سفارشوں کی بنیاد پر مرکز سرکار نے سال 22-2021 سے سال 26-2025کے لئے ایس ڈی ایم ایف کی مد میں32031 کروڑ روپے اور قومی آفات تخفیف فنڈ (این ڈی ایم ایف)کے مد میں 13693کروڑ روپے جاری کئے ہیں۔ اس فنڈ کا استعمال مقامی سطح پر اور کمیونٹی کی بنیاد پر مداخلتوں کوشامل کرتے ہوئے آفات سے ہوئے نقصان کی تلافی کی سرگرمیوں کو جاری کرنے کے لئے کیا جانا ہے، جو آفات سے جوکھم کو کم کرے گا اور ماحولیات کے مطابق بستیوں اور روزی روٹی کی روایتوں کو بڑھاوا دے گا۔

مرکزی وزیر داخلہ جناب امت شاہ نے ہمیشہ اس بات پر زور دیا ہے کہ 1990 کی دہائی سے قبل حکومت ہند کا راحت پر مرکوز نظریہ تھا، جس میں زندگی اور املاک کو بچانے کی کوئی گنجائش نہیں تھی اور یہ منصوبہ عمل کا حصہ نہیں تھا۔ اب وزیر اعظم جناب نریندر مودی کے وژن کے مطابق ہم نے قبل از وقت انتباہ ، سرگرم روک تھام ، تلافی اور پہلے سے تیاری کی بنیاد پر زندگی اور املاک کو بچانے کے لئے ایک سائنسی پروگرام تیار کیا ہے۔

مرکزی سرکار نے 5فروری 2021کو قومی سطح پر این ڈی ایم ایف کو تشکیل دیا تھا۔ ریاستی سرکاروں کو اپنی اپنی ریاستوں میں ایس ڈی ایم ایف قائم کرنے کی صلاح دی گئی تھی۔ ایس ڈی ایم ایف اور این ڈی ایم ایف  کی تشکیل کے تعلق سے  گائیڈ لائن مرکزی سرکار پہلے ہی جاری کرچکی ہے۔

  مرکزی سرکار 21ریاستوں کو ، ان کے ذریعے ایس ڈی ایم ایف کی تشکیل کے بعد ایس ڈی ایم ایف کے مرکزی حصے کے طورپر 3382.24کروڑ روپے کی رقم پہلے ہی جاری کرچکی ہے۔

************

ش ح-ج ق–ن ع

U. No.10889