ਕੇਂਦਰੀ ਸੜਕ ਟਰਾਂਸਪੋਰਟ ਅਤੇ ਰਾਜਮਾਰਗ ਮੰਤਰੀ ਸ਼੍ਰੀ ਨਿਤਿਨ ਗਡਕਰੀ ਨੇ ਕਈ ਟਵੀਟ ਕਰਦੇ ਹੋਏ ਕਿਹਾ ਕਿ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਗਤੀ ਸ਼ਕਤੀ ਦੇ ਵਿਜ਼ਨ ਨੂੰ ਅੱਗੇ ਵਧਾਉਂਦੇ ਹੋਏ, ਗੁਵਾਹਾਟੀ ਵਿੱਚ ਮੌਜੂਦਾ ਸਰਾਯਘਾਟ ਪੁਲ਼ ਦੇ ਨੇੜੇ ਬ੍ਰਹਿਮਪੁੱਤਰ ਨਦੀ ‘ਤੇ 996.75 ਕਰੋੜ ਰੁਪਏ ਲਾਗਤ ਵਾਲੀ ਰੇਲ-ਸਹਿ-ਸੜਕ ਪੁਲ਼ ਪ੍ਰੋਜੈਕਟ ਨੂੰ ਪ੍ਰਵਾਨਗੀ ਦੇ ਦਿੱਤੀ ਗਈ ਹੈ। ਇਸ ਖਰਚ ਨੂੰ ਐੱਨਐੱਚਏਆਈ ਅਤੇ ਰੇਲ ਮੰਤਰਾਲੇ ਦੁਆਰਾ ਸਾਂਝਾ ਕੀਤਾ ਜਾਵੇਗਾ। ਉਨ੍ਹਾਂ ਨੇ ਕਿਹਾ ਕਿ ਐਪ੍ਰੋਚ/ਵਾਯਾਡਕਟਸ ਯਾਨੀ ਪੁਲ਼ਾਂ ‘ਤੇ ਆਉਣ ਵਾਲੀ 322 ਕਰੋੜ ਰੁਪਏ ਦੀ ਲਾਗਤ ਐੱਨਐੱਚਏਆਈ ਦੁਆਰਾ ਖਰਚ ਕੀਤੀ ਜਾਵੇਗੀ।

ਸ਼੍ਰੀ ਗਡਕਰੀ ਨੇ ਕਿਹਾ ਕਿ ਪੁਲ਼ ਅਸਾਮ ਦੇ ਉੱਤਰੀ ਛੋਰ ਨੂੰ ਦੱਖਣੀ ਛੋਰ ਯਾਨੀ ਬ੍ਰਹਿਮਪੁੱਤਰ ਨਦੀ ਦੇ ਪਾਰ ਗੁਵਾਹਾਟੀ ਨਾਲ ਜੋੜੇਗੀ। ਉਨ੍ਹਾਂ ਨੇ ਕਿਹਾ, ਇੱਕ ਵਾਰ ਪੁਲ਼ ਦਾ ਨਿਰਮਾਣ ਪੂਰਾ ਹੋਣ ‘ਤੇ, ਇਸ ਨਾਲ 75,000 ਤੋਂ ਜ਼ਿਆਦਾ ਪੀਸੀਯੂ ਯਾਨੀ ਪੈਸੰਜਰ ਕਾਰ ਯੂਨਿਟਸ ਦੇ ਵਰਤਮਾਨ ਭਾਰੀ ਆਵਾਜਾਈ ਦੇ ਨਾਲ ਨਦੀ ‘ਤੇ ਨਿਰਵਿਘਨ ਅਤੇ ਰਣਨੀਤਿਕ ਸੰਪਰਕ ਮਿਲੇਗਾ। 

***

ਐੱਮਜੇਪੀਐੱਸ