প্রধান মন্ত্রী শ্রী নরেন্দ্র মোদীনা হয়েং অহমেদবাদকী নরেন্দ্র মোদী স্তদিয়মদা পাংথোক্কদবা অচৌবা থৌরম অমদা ৩৬শুবা নেসনেল গেমস হৌদোক্কনি। নেসনেল গেমসতা শরুক য়ারিবা লৈবাক অসিগী মফম কয়াদগী লাকপা শান্নরোয়শিংদা প্রধান মন্ত্রীনা ৱা ঙাংগনি। হৌদোকপা থৌরম অদুদা য়ুথ এফেয়ার্স অমসুং স্পোর্তসকী য়ুনিয়ন মিনিস্তর শ্রী অনুরাগ থাকুর অমসুং অতোপ্পা শক্নাইরবশিং শরুক য়াগনি।

নেসনেল গেমস গুজরাত্তা অহানবা ওইনা পাংথোক্লি। মসি সেপ্তেম্বর ২৯, ২০২২দগী ওক্তোবর ১২, ২০২২ ফাওবা পাংথোক্কনি। খ্বাইদগী চাউবা নেসনেল গেমস ওইনা, মশান্না ৩৬তা লৈবাক অসিগী তোঙান-তোঙানবা মফম কয়াদগী লাকপা শান্নরোয়শিং, কোচশিং অমসুং ওফিসিএল ১৫,০০০ রোম্না শরুক য়াগনি। গুজরাতকী সহর ৬ হায়বদি অহমেদবাদ, গান্ধীনগর, সুরত, বাদোদারা, রাজকোত অমসুং ভাবনগরদা শান্নবগী থৌরমশিং পাংথোক্কনি। মতম অদুগী চীফ মিনিস্তর অমসুং হৌজিক প্রধান মন্ত্রী ওইরিবা নরেন্দ্র মোদীগী লমজিং মখাদা গুজরাত্তা মালেম থাক্কী শান্নবগী মচাক-মথুমশিং শেমগৎনবগী খোঙচৎ হৌখিবনি অমসুং মসিনা অতেনবা মতমগী মনুংদা রাজ্য অসিনা গেমশিংগী থৌরাং তৌবদা মতেং পাংখি।

*****