২০২১দা ইকাই খুম্নরবা প্রধান মন্ত্রীনা তৌখিবা প্রো-পিপল এনাউন্সমেন্ত অমসুং পি.এম.জি.কে.এ.ৱাই.গী মখাদা এদিস্নেল ফুদ সেক্যুরিতী মাইপাক্না ইমপ্লিমেন্ত তৌখিবগী পরিং চত্থরকপা ওইনা কেন্দ্রগী মন্ত্রীনা থা ৩ গী মতম হায়বদি ওক্তোবরদগী দিসেম্বর ২০২২ ফাওবা মখা তানা প্রধান মন্ত্রী গরীব কল্যান অন্ন য়োজনা (পি.এম.জি.কে.এ.ৱাই. – ফেস VII) শাংদোকপগী অয়াবা পীখ্রে।

মালেমনা কোবিদকী চৈথেংশিং অমসুং তোঙান-তোঙানবা মরমশিংনা থোকহনবা ইনসেক্যুরিতী মায়োক্নরিঙৈ তানফম অসিদা ভারতনা মীচম প্রজাগীদমক ফংহন্নবা অমসুং হোংনা ফংহন্নবা তঙাই ফদবা খোঙথাংশিং লৌখৎপগা লোয়ননা মাগী শোত্থরবা শরুকশিংগীদমক ফুদ সেক্যুরিতী মাইপাক্না ঙাক্তুনা থমদুনা লাকখি।

লাইচৎ মনুংদা মীয়াম্না অৱাবা মতম মায়োক্নখিবা অদুবু খঙলদুনা সরকারনা লায়রবা অমসুং খুন্নাইগী শোত্থরবা শরুকশিংবু নবরাত্রি, দশহরা, মিলাদ-উন-নবি, দীপাৱলি, ছথ পুজা, গুরুনানক দেব জয়েন্তি, খৃস্তমাস অসিনচিংবা লাক্কদৌরিবা মরু ওইবা কুহ্মৈশিং অসি মখোয়না হরাও তয়াম্বগা লোয়ননা পাঙথোকপা ঙম্নবা মখোয়বু সপ্পোর্ত তৌনবা পি.এম.জি.কে.এ.ৱাই. অসি থা অহুমগী মতম অমগা শাংদোক্নবা ৱারেপ লৌখ্রে। মসি ঙমহন্নবগী ৱাখল্লোনগা লোয়ননা সরকারনা পি.এম.জি.কে.এ.ৱাই.বু থা অহুম শাংদোক্নবা অয়াবা পীখি, অসুম তৌবনা মখোয়না শেলগী অৱাবা লৈতনা চেং-হৱাইইং লায়না ফংবগী কান্নবশিং মখা তানা ফংলগনি।

য়াইফ-থৌরাংগী স্কিম অসিগী মখাদা দাইরেক্ত বেনিফিত ত্রান্সফর (দি.বি.তি.)না কোনশিল্লিবশিং য়াওনা নেস্নেল ফুদ সেক্যুরিতী এক্ত (নফসা) [অন্তোদয় অন্ন য়োজনা অমসুং প্রাইওরিতী হাউসহোল্দস]গী মখাদা কোনশিল্লিবা বেনিফিসরী পুম্নমক্তা লেম্না থা অমদা মীওই অমদা চেং-হৱাই কে.জি. ৫ পীরি।

পি.এম.জি.কে.এ.ৱাই.গী ফেস- VI ফাওবদা ভারত সরকারগী চংখিবা শেল অসি লুপা করোর লাখ ৩.৪৫ রোম ওইখি। স্কিম অসিগী ফেস- VIIগীদমক লুপা করোর ৪৪,৭৬২গী অহেনবা চাদিংগা লোয়ননা ফেস পুম্নমক্কী ওইনা পি.এম.জি.কে.এ.ৱাই.গী অপুনবা চাদিং অসি লুপা করোর লাখ ৩.৯১ ওইখি।

পি.এম.জি.কে.এ.ৱাই. ফেস VIIগী ওইনা চেং-হৱাইগী অপুনবা আউতগো অসি এল.এম.তি. ১২২ ওইরবা য়ানা লৈ। ফেস I- VIIগী চেং-হৱাইগী এগ্রিগেৎ এলোকেসন অসি এল.এম.তি. ১১২১ ওইখি।

হৌজিক ফাওবদা পি.এম.জি.কে.এ.ৱাই. অসি মখাদা পীরিবা অসিদা থা ২৫ ওপরেসন তৌখি:

• ফেস I অমসুং II (থা ৮) : এপ্রিল’২০দগী নবেম্বর’২০
• ফেস-III দগী V (থা ১১) : মে’২১ দগী মার্চ’২২
• ফেস-VI (থা ৬) : এপ্রিল’২২ দগী সেপ্তেম্বর’২২

কোবিদ-১৯ লাইচৎকী অৱাবা মতমগী মনুংদা হৌখিবা পি.এম. গরীব কল্যান অন্ন য়োজনা (পি.এম.-জি.কে.এ.ৱাই.) অসিনা চেং-হৱাই মরাং কাইনা লৈতবনা মরম ওইদুনা অৱাবা মায়োক্নদনবা লৈতা-লায়রবা অমসুং শোত্থরবা ইমুং-মনুংশিং/বেনিফিসরীশিংদা ফুদ সেক্যুরিতী পীদুনা লাকখি। মসিনা বেনিফিসরীশিংদা মহৌশানা পীবা থাগী ফংফম থোকপা চেং-হৱাইশিংগী চাংদা শরুক অনি হেনগৎহনবা ঙমখি।

মমাংগী ফেসশিংদগী ফংখিবা এক্সপরিয়েন্স অদুদগী খঙজিন্দুনা পি.এম.জি.কে.এ.ৱাই.- VII অসিসু মমাংদা মাইপাকপা ঙমখিবা অৱাংবা থাক অদুমক য়ৌবা ঙমগনি পান্নরি।

******