زراعت اور کسانوں کی بہبود کے مرکزی وزیر جناب نریندر سنگھ تومر وزارت کے ایک اعلیٰ سطحی وفد کے ساتھ آج جی 20 چوٹی کانفرنس میں شرکت کے لئے تین روزہ دورے پر بالی، انڈونیشیا پہنچے۔ جناب تومر نے بالی میں کینیڈین وزیر برائے زراعت اور زرعی خوراک محترمہ میری کلاڈ بیبیو اور آسٹریلیا کے معاون وزیر برائے تجارت اور مینوفیکچرنگ جناب ٹم آئرس کے ساتھ الگ الگ دو طرفہ ملاقاتیں کیں۔

 

اپنی دو طرفہ ملاقاتوں میں جناب  تومر نے اگلے سال ہندوستان کی میزبانی میں ہونے والی جی -20ایگری چوٹی کانفرنس کے لیے دونوں وزراء کو دعوت دی۔ اس کے علاوہ، انہوں نے جوار کے بین الاقوامی سال - 2023 کے لئے جو ہندوستان کی سرپرستی میں منایا جائے گا، ان کی حمایت طلب  کی۔ آسٹریلیا اور کینیڈین وزراء نے انھیں اپنے تعاون کا یقین دلایا۔

***********

(ش ح ۔ اک۔ ع آ)

U -10755

(Release ID: 1862845) Visitor Counter : 83