جیوتی انٹرپرائزز کے جیوتی راؤ ریراپلی نے آج پنجی، گوا میں منعقدہ جی ای ایم سیلر سمواد میں جی ای ایم پورٹل پر اپنے تجربات کا اشتراک کرتے ہوئے کہا ’’ہم جی ای ایم پورٹل پر رجسٹر ہونے کے بعد، ہماری ایجنسی کو زبردست رسپانس مل رہا ہے۔ میری کمپنی سروس سے متعلق ہے۔ ہم جی ای ایم کے ذریعے افرادی قوت فراہم کرتے ہیں۔ کاغذ کے بغیر نظام ہموار کام فراہم کرتا ہے۔ جی ای ایم پر رجسٹر ہونے کے بعد، میرا کاروبار 2 لاکھ 80 ہزار سے بڑھ کر 2 کروڑ ہو گیا ہے‘‘۔

 

دفاعی شعبے میں کام کرنے والے ندھی انٹرپرائزز کے آشیش رنجن کو بھی ایسا ہی تجربہ ہے۔ وہ کہتے ہیں ’’ہم نے 2019 میں جی ای ایم پورٹل پر رجسٹریشن کرایا ہے۔ جی ای ایم پورٹل کے فوائد یہ ہیں کہ ہمیں آل انڈیا سطح کے آرڈر ملتے ہیں، اس سے کاروبار کو بہت فائدہ ہوا ہے۔ جب بولی لگانے کے لیے تعداد بڑھتی ہے تو شفافیت بڑھ جاتی ہے‘‘۔

 

گوا کے گورنمنٹ ای-مارکیٹ پلیس وینڈرز نے آج پنجی میں منعقدہ جی ای ایم سیلر سمواد میں اپنے تجربات کا اشتراک کیا۔ اس تقریب نے ریاست کے جی ای ایم فروخت کنندگان کو جی ای ایم کی نئی خصوصیات اور افعال سے واقف ہونے کا موقع فراہم کیا جو ان کے لیے پورٹل پر کام کرنے کے لیے مزید سازگار بناتی ہے۔

 

قیام کے بعد سے، جی ای ایم نے 3.02 لاکھ کروڑ سے زیادہ مالیت کے 1 کروڑ سے زیادہ لین دین کی سہولت فراہم کی ہے۔ گوا سے، 9417 وینڈرز نے پلیٹ فارم پر خود کو رجسٹر کیا ہے، جس سے پلیٹ فارم کے آغاز سے 231.05 کروڑ کی آرڈر ویلیو پیدا ہوئی ہے۔ اجتماع سے خطاب کرتے ہوئے، ایڈیشنل سکریٹری (فنانس)، حکومت گوا اور ریاستی نوڈل آفیسر برائے جی ای ایم، وکاس گاونیکر نے کہا کہ اس عمل میں مکمل شفافیت ہے۔ انہوں نے کہا کہ اس پلیٹ فارم میں ادائیگی کا ایک بہت ہی فوری نظام ہے اور حکومت  اسے مزید آگے بڑھانے کی کوشش کر رہی ہے۔ اس موقع پر سکریٹری نے گوا میں تمام جی ایس ٹی رجسٹرڈ تاجروں سے جی ای ایم پورٹل پر رجسٹر ہونے کی اپیل کی۔ گاونیکر نے مزید کہا کہ جی ای ایم پورٹل  وینڈرز  کے ساتھ ساتھ حکومت کے لیے ہر صورت میں کامیابی کی ضامن  ہے۔

ریاستوں اور مرکز کے زیر انتظام علاقوں کے ڈائریکٹر (جی ای ایم) نشانت دینگوال نے جی ای ایم پورٹل پر ایک تفصیلی پریزینٹینشن پیش کی۔ جی ای ایم کے ریاستی کاروباری سہولت کار کینتھ الفانسو بھی میڈیا کی بات چیت میں موجود تھے، جس کی نظامت  پریس انفارمیشن بیورو کے ڈپٹی ڈائریکٹر گوتم ایس کمار نے  کی۔

 

گورنمنٹ ای مارکیٹ پلیس (جی ای ایم) کے بارے میں:

گورنمنٹ ای مارکیٹ پلیس (جی ای ایم)، ملک کا نیشنل پبلک پروکیورمنٹ پورٹل سامان اور خدمات کی خریداری کے لیے ایک  مکمل  آن لائن مارکیٹ پلیس ہے۔ اسے 9 اگست 2016 کو شروع کیا گیا تھا، جو کہ عزت مآب وزیر اعظم جناب نریندر مودی کے عوامی خریداری کی ازسرنو تعریف کے وژن کے حصے کے طور پر کیا گیا تھا۔ جی ای ایم سرکاری خریداروں اور پبلک سیکٹر کے اداروں کے ذریعہ خریداری کے طریقے میں بنیادی تبدیلیاں لانے میں کامیاب رہا ہے۔ جی ای ایم کنٹیکٹ لیس، پیپر لیس اور کیش لیس ہے اور تین ستونوں- کارکردگی، شفافیت، اور شمولیت پر کھڑا ہے۔

یہ  بات قابل ذکر ہے کہ جی ای ایم نے مالی سال 22۔2021  میں ایک ہی مالی سال میں ہندوستانی  ایک لاکھ کروڑ روپے کی خریداری کی قیمت کے سنگ میل کو عبور کیا ہے۔ اپنے قیام کے بعد سے، جی ای ایم نے ہندوستانی  3.02 لاکھ کروڑ  روپے سے زیادہ مالیت کے  ایک  کروڑ سے زیادہ لین دین کی سہولت فراہم کی ہے۔ یہ ملک بھر میں خریداروں اور فروخت کنندگان سمیت تمام اسٹیک ہولڈرز کے تعاون سے ہی ممکن ہوا ہے۔

جی ای ایم کے خریدار کی بنیاد میں مرکزی اور ریاستی حکومت کے تمام محکمے، کوآپریٹو سوسائٹیز اور پبلک سیکٹر کے ادارے شامل ہیں۔ جی ای ایم کے سیلر بیس کی متفاوت نوعیت واضح طور پر’جامعیت‘ کے بنیادی ستون کی عکاسی کرتی ہے۔ بڑی کمپنیوں اور گروہوں سے شروع ہونے والے، بیچنے والے کی بنیاد میں ملک بھر سے خواتین کاروباری، سیلف ہیلپ گروپس اور ایم ایس ایم  فروخت کنندگان   شامل ہیں۔ مزید برآں، ایم ایس ایم ای اور ایس ایچ جیز کے لیے بغیر کسی رکاوٹ کے آن بورڈنگ کے تجربے کو یقینی بنانے کے لیے جی ای ایم پورٹل پر خصوصی انتظامات بھی تشکیل دیئے گئے ہیں۔ یہ بات قابل ذکر ہے کہ 62 ہزار رجسٹرڈ سرکاری خریدار اور 50.90 لاکھ  فروخت کنندگان  اور خدمات فراہم کرنے والے جی ای ایم آپریشنز کے حجم  اور پیمانے کی واضح دلیل  ہیں۔

اپنے قیام کے بعد سے، جی ای ایم مسلسل ترقی کر رہا ہے اور نئی مصنوعات اور خدمات کے زمرے مسلسل شامل کیے جا رہے ہیں۔ فی الحال، جی ای ایم پر تقریباً 300 سروس کیٹیگریز اور 10000 سے زیادہ پروڈکٹ کیٹیگریز دستیاب ہیں۔ ان زمروں میں مصنوعات اور خدمات کی پیشکش کے تقریباً 44 لاکھ کیٹلاگ موجود ہیں۔ مزید برآں، جی ای ایم ایک ابھرتا ہوا پلیٹ فارم ہے اور پورٹل میں نئی ​​خصوصیات اور افعال کو شامل کرنے کے لیے مسلسل کام کرتا ہے۔

۔۔۔۔۔۔۔۔۔۔۔

ش ح۔ا ک ۔ن ا۔

U- 10666

                          

(Release ID: 1862239) Visitor Counter : 112