بہت چھوٹی، چھوٹی اور درمیانی صنعتوں کی وزارت
این ایس آئی سی اورآندھراپردیش میڈٹیک زون لمیٹڈ کے درمیان صحت کے شعبے میں اشتراک سے متعلق ایک مفاہمت نامے پردستخط کئے گئے
Posted On:
22 SEP 2022 10:56AM by PIB Delhi
بہت چھوٹی ، چھوٹی اور درمیانہ درجہ کی صنعتوں ایم ایس ایم ایز کے مرکزی وزیرجناب نارائن رانے نے ایم ایس ایم ای کی وزارت ، حکومت ہند کے سرکاری ملکیت کے کاروباری ادارے ، نیشنل اسمال انڈسٹریز کارپوریشن لمیٹڈ (این ایس آئی سی ) اورآندھراپردیش میڈٹیک زون لمیٹڈ (اے ایم ٹی زیڈ )درمیان حفظان صحت کے شعبے میں تعاون واشتراک کے مقصد سے ایک مفاہمت نامے پردستخط کئے جانے کی تقریب میں شرکت کی ۔ ایم ایس ایم ای کے سکریٹری جناب بی بی سوائین اوردیگر سینئر عہدیدار بھی اس موقع پرموجود تھے ۔
اس مفاہمت نامے پراین ایس آئی سی کے سی ایم ڈی جناب گورانگ دیکشت اور اے ایم ٹی زیڈ کے ایم ڈی اورسی ای او ڈاکٹرجتیندر شرمانے دستخط کئے ۔
اس موقع پر جناب نارائن رانے نے اظہار خیال کرتے ہوئے کہا کہ این ایس آئی سی اوراے ایم ٹی زیڈ کے درمیان مفاہمت نامہ پردستخط کیاجانا ، حفظان صحت کے شعبے میں ایم ایس ایم ایز کی مسابقت اور مقابلہ آرائی کی صلاحیت میں اضافے کئے جانے کی جانب ایک اہم قدم ہے ۔ انھوں نے یہ بھی کہاکہ دونوں تنظیمیں ، اپنی اپنی مہارتوں کو بروئے کارلاسکتی ہیں اورحفظان صحت کے شعبے میں ایم ایس ایم ایز کے لئے شاندار مواقع پیداکرسکتی ہے ۔ جس سے کہ مختلف عالمی اتحاد قائم ہوں گے اوراس شعبے کے لئے ہنرمند افرادی قوت تیارکرنے کے ساتھ ساتھ جدیدترین طبی ٹیکنولوجیز تک رسائی بھی حاصل ہوسکے گی ۔ وزیرموصوف نے مفاہمت نامے کے مطابق اقدامات کرنے اوربھارت کو طبی آلات /حفظان صھت کے شعبے میں ایک عالمی مینوفیکچرر اوربرآمدکنندہ ملک بنانے کے لئے این ایس آئی سی اور اے ایم ٹی زیڈ کو اپنی نیک خواہشات پیش کیں۔
**********
(ش ح ۔ع م۔ ع آ)
U -10545
(Release ID: 1861430)
Visitor Counter : 147