ਯੂਨੀਅਨ ਪਬਲਿਕ ਸਰਵਿਸ ਕਮਿਸ਼ਨ ਦੁਆਰਾ 4 ਸਤੰਬਰ, 2022 ਨੂੰ ਆਯੋਜਿਤ ਨੈਸ਼ਨਲ ਡਿਫੈਂਸ ਅਕੈਡਮੀ ਅਤੇ ਨੇਵਲ ਅਕੈਡਮੀ ਪ੍ਰੀਖਿਆ, (II) 2022 ਦੇ ਲਿਖਤੀ ਭਾਗ ਦੇ ਨਤੀਜੇ ਦੇ ਅਧਾਰ 'ਤੇ, ਹੇਠਾਂ ਦੱਸੇ ਗਏ ਰੋਲ ਨੰਬਰਾਂ ਵਾਲੇ ਉਮੀਦਵਾਰਾਂ ਨੇ ਨੈਸ਼ਨਲ ਡਿਫੈਂਸ ਅਕੈਡਮੀ ਦੇ ਆਰਮੀ, ਨੇਵੀ ਅਤੇ ਏਅਰ ਫੋਰਸ ਵਿੰਗਾਂ ਵਿੱਚ ਦਾਖਲੇ ਲਈ 2 ਜੁਲਾਈ, 2023 ਤੋਂ ਸ਼ੁਰੂ ਹੋਣ ਵਾਲੇ 150ਵੇਂ ਕੋਰਸ ਅਤੇ ਇੰਡੀਅਨ ਨੇਵਲ ਅਕੈਡਮੀ ਦੇ 112ਵੇਂ ਕੋਰਸ (ਆਈਐੱਨਏਸੀ) ਲਈ ਰੱਖਿਆ ਮੰਤਰਾਲੇ ਦੇ ਸਰਵਿਸਿਜ਼ ਸਿਲੈਕਸ਼ਨ ਬੋਰਡ (ਐੱਸਐੱਸਬੀ) ਦੁਆਰਾ ਇੰਟਰਵਿਊ ਲਈ ਯੋਗਤਾ ਪੂਰੀ ਕੀਤੀ ਹੈ। ਨਤੀਜਾ ਕਮਿਸ਼ਨ ਦੀ ਵੈੱਬਸਾਈਟ www.upsc.gov.in 'ਤੇ ਵੀ ਉਪਲਬਧ ਹੈ। 

 ਸਾਰੇ ਉਮੀਦਵਾਰਾਂ ਦੀ ਉਮੀਦਵਾਰੀ, ਜਿਨ੍ਹਾਂ ਦੇ ਰੋਲ ਨੰਬਰ ਸੂਚੀ ਵਿੱਚ ਦਰਸਾਏ ਗਏ ਹਨ, ਆਰਜ਼ੀ ਹੈ। ਇਮਤਿਹਾਨ ਵਿੱਚ ਦਾਖਲੇ ਦੀਆਂ ਸ਼ਰਤਾਂ ਦੇ ਅਨੁਸਾਰ, “ਉਮੀਦਵਾਰਾਂ ਨੂੰ ਲਿਖਤੀ ਨਤੀਜੇ ਦੀ ਘੋਸ਼ਣਾ ਦੇ ਦੋ ਹਫ਼ਤਿਆਂ ਦੇ ਅੰਦਰ ਭਾਰਤੀ ਫੌਜ ਦੀ ਭਰਤੀ ਵੈੱਬਸਾਈਟ joinindianarmy.nic.in 'ਤੇ ਆਪਣੇ ਆਪ ਨੂੰ ਔਨਲਾਈਨ ਰਜਿਸਟਰ ਕਰਨ ਲਈ ਬੇਨਤੀ ਕੀਤੀ ਜਾਂਦੀ ਹੈ। ਇਸ ਉਪਰੰਤ ਸਫਲ ਉਮੀਦਵਾਰਾਂ ਨੂੰ ਚੋਣ ਕੇਂਦਰ ਅਤੇ ਐੱਸਐੱਸਬੀ ਇੰਟਰਵਿਊ ਦੀਆਂ ਤਾਰੀਖਾਂ ਅਲਾਟ ਕੀਤੀਆਂ ਜਾਣਗੀਆਂ, ਜੋ ਰਜਿਸਟਰਡ ਈ-ਮੇਲ ਆਈਡੀ 'ਤੇ ਦੱਸੀਆਂ ਜਾਣਗੀਆਂ। ਕੋਈ ਵੀ ਉਮੀਦਵਾਰ ਜੋ ਸਾਈਟ 'ਤੇ ਖੁਦ ਨੂੰ ਪਹਿਲਾਂ ਹੀ ਰਜਿਸਟਰ ਕਰ ਚੁੱਕਾ ਹੈ, ਨੂੰ ਅਜਿਹਾ ਕਰਨ ਦੀ ਲੋੜ ਨਹੀਂ ਹੋਵੇਗੀ। ਕਿਸੇ ਵੀ ਪੁੱਛਗਿੱਛ/ਲੌਗਇਨ ਸਮੱਸਿਆ ਦੇ ਮਾਮਲੇ ਵਿੱਚ, ਈ-ਮੇਲ dir-recruiting6-mod[at]nic[dot]in ਨੂੰ ਭੇਜੀ ਜਾਵੇ।

 "ਉਮੀਦਵਾਰਾਂ ਨੂੰ ਐੱਸਐੱਸਬੀ ਇੰਟਰਵਿਊ ਦੌਰਾਨ ਸਬੰਧਿਤ ਸਰਵਿਸ ਸਿਲੈਕਸ਼ਨ ਬੋਰਡਾਂ (ਐੱਸਐੱਸਬੀ’ਸ) ਨੂੰ ਉਮਰ ਅਤੇ ਵਿਦਿਅਕ ਯੋਗਤਾ ਦੇ ਅਸਲ ਸਰਟੀਫਿਕੇਟ ਪੇਸ਼ ਕਰਨ ਲਈ ਵੀ ਬੇਨਤੀ ਕੀਤੀ ਜਾਂਦੀ ਹੈ।" ਉਮੀਦਵਾਰਾਂ ਨੂੰ ਯੂਨੀਅਨ ਪਬਲਿਕ ਸਰਵਿਸ ਕਮਿਸ਼ਨ ਨੂੰ ਅਸਲ ਸਰਟੀਫਿਕੇਟ ਨਹੀਂ ਭੇਜਣੇ ਚਾਹੀਦੇ। ਕਿਸੇ ਵੀ ਹੋਰ ਜਾਣਕਾਰੀ ਲਈ, ਉਮੀਦਵਾਰ ਕਿਸੇ ਵੀ ਕੰਮਕਾਜੀ ਦਿਨ ਕਮਿਸ਼ਨ ਦੇ ਗੇਟ 'ਸੀ' ਦੇ ਨੇੜੇ ਸੁਵਿਧਾ ਕਾਊਂਟਰ 'ਤੇ ਵਿਅਕਤੀਗਤ ਤੌਰ 'ਤੇ ਜਾਂ ਟੈਲੀਫੋਨ ਨੰਬਰ 011-23385271/011-23381125/011-23098543 'ਤੇ ਸਵੇਰੇ 10:00 ਵਜੇ ਤੋਂ 17:00 ਵਜੇ ਤੱਕ ਸੰਪਰਕ ਕਰ ਸਕਦੇ ਹਨ।  

 ਇਸ ਤੋਂ ਇਲਾਵਾ ਐੱਸਐੱਸਬੀ/ਇੰਟਰਵਿਊ ਨਾਲ ਸਬੰਧਤ ਮਾਮਲੇ ਲਈ ਉਮੀਦਵਾਰ ਫੌਜ ਨੂੰ ਪਹਿਲੀ ਪਸੰਦ ਦੇ ਤੌਰ 'ਤੇ ਚੁਣਨ ਲਈ ਟੈਲੀਫੋਨ ਨੰਬਰ 011-26175473 'ਤੇ ਜਾਂ joinindianarmy.nic.in 'ਤੇ, ਪਹਿਲੀ ਪਸੰਦ ਵਜੋਂ ਨੇਵੀ/ਨੇਵਲ ਅਕੈਡਮੀ ਲਈ 011-23010097/ ਈਮੇਲ: ਅਫਸਰ-ਨੇਵੀ[at]nic[dot]in ਜਾਂ joinindiannavy.gov.in 'ਤੇ, ਅਤੇ ਹਵਾਈ ਸੈਨਾ ਲਈ ਪਹਿਲੀ ਪਸੰਦ ਦੇ ਤੌਰ 'ਤੇ ਟੈਲੀਫੋਨ ਨੰਬਰ 011-23010231 Extn.7645/7646/7610 ਜਾਂ www.careerindianairforce.cdac.in ‘ਤੇ ਸੰਪਰਕ ਕਰ ਸਕਦੇ ਹਨ।

 ਉਮੀਦਵਾਰਾਂ ਦੀਆਂ ਮਾਰਕ-ਸ਼ੀਟਾਂ, ਅੰਤਿਮ ਨਤੀਜੇ ਦੇ ਪ੍ਰਕਾਸ਼ਨ ਦੀ ਮਿਤੀ ਤੋਂ ਪੰਦਰਾਂ (15) ਦਿਨਾਂ ਦੇ ਅੰਦਰ (ਐੱਸਐੱਸਬੀ ਇੰਟਰਵਿਊਆਂ ਦੀ ਸਮਾਪਤੀ ਤੋਂ ਬਾਅਦ) ਕਮਿਸ਼ਨ ਦੀ ਵੈੱਬਸਾਈਟ 'ਤੇ ਪਾ ਦਿੱਤੀਆਂ ਜਾਣਗੀਆਂ ਅਤੇ ਇਹ ਤੀਹ (30) ਦਿਨਾਂ ਦੇ ਸਮੇਂ ਲਈ ਵੈੱਬਸਾਈਟ 'ਤੇ ਉਪਲਬਧ ਰਹਿਣਗੀਆਂ।

 ਨਤੀਜਿਆਂ ਲਈ ਇੱਥੇ ਕਲਿੱਕ ਕਰੋ:

Click Here for results:

 **********

 ਐੱਸਐੱਨਸੀ/ਆਰਆਰ