آئی این ایس اجے کو 32 سال کی شاندار خدمات انجام دینے کے بعد 19 ستمبر 22 کو سبکدوش کر دیا گیا ۔ تقریب کا انعقاد نیول ڈاکیارڈ، ممبئی میں روایتی انداز میں کیا گیا، جس میں قومی پرچم، بحری جھنڈا اور جہاز کے ڈی کمیشننگ پننٹ کو آخری بار غروب آفتاب کے وقت نیچے اتارا گیا، جو جہاز کی کمیشنڈ سروس کے اختتام کی علامت ہے۔

آئی این ایس اجے کو 24 جنوری 1990 کو پوٹی، جارجیا میں سابقہ ​​یو ایس ایس آر میں  شامل کیا گیا تھا اور یہ فلیگ آفیسر کمانڈنگ، مہاراشٹر نیول ایریا کے آپریشنل کنٹرول کے تحت 23 ویں پٹرول ویسل اسکواڈرن کا حصہ تھا۔ یہ جہاز 32 سال سے زیادہ عرصے سے فعال بحری خدمات میں تھا اور اپنے شاندار سفر کے دوران، اس نے کارگل جنگ کے دوران  آپریشن تلوار اور 2001 میں آپریشن پراکرم سمیت کئی بحری آپریشنز میں حصہ لیا تھا۔

وائس ایڈمرل اجیندر بہادر سنگھ، فلیگ آفیسر کمانڈنگ انچیف، ویسٹرن نیول کمانڈ اس تقریب کے مہمان خصوصی تھے۔ جہاز کے پہلے کمانڈنگ آفیسر وائس ایڈمرل اے جی تھپلیال اے وی ایس ایم بار (ریٹائرڈ) مہمان خصوصی تھے۔

تقریب میں 400 سے زائد اہلکاروں نے شرکت کی جن میں فلیگ آفیسرز، آرمی، آئی اے ایف اور سی جی کے سینئر افسران، کمیشننگ عملے کے افسران اور افراد، سابقہ ​​کمیشن کے عملے کے ساتھ ساتھ بحری جہاز کے موجودہ عملے اور اہل خانہ نے شرکت کی۔ مہمان خصوصی نے تقریب میں موجود لوگوں سے خطاب کرتے ہوئے جہاز کی گرانقدر خدمات پر روشنی ڈالی۔

 

**********

 

(ش ح ۔اک۔ ع آ)

U -10453

 

(Release ID: 1860807) Visitor Counter : 106