تجارت اور صنعت، امور صارفین، خوراک اور سرکاری نظام تقسیم اور ٹیکسٹائل کے مرکزی وزیر جناب پیوش گوئل نے مشورہ دیا ہے کہ بین الاقوامی ڈیری فیڈریشن (آئی ڈی ایف) کو ترقی پذیر ممالک میں چھوٹے ڈیری فارموں کو زیادہ پیداواری، پائیدار، ماحول دوست، معیاری اور منافع بخش بنانے کے لیے متعلقہ، عصری، عملی اور کفایتی حل تلاش کرنے کی خاطر ٹھوس کوشش کرنی چاہیے۔  وہ آج گریٹر نوئیڈا میں بین الاقوامی  ڈیری فیڈریشن کی ورلڈ ڈیری سمٹ 2022 (ڈبلیو ڈی ایس 2022) سے خطاب کر رہے تھے۔

 

 

جناب گوئل نے بین الاقوامی ڈیری فیڈریشن سے اپیل کی ہے  کہ وہ ملک میں ماہرین کی ایک چھوٹی کمیٹی کو فارم کی سطح پر تحقیق کرنے، ہندوستان میں مختلف موسمی حالات کا مطالعہ کرنے اور اسے عالمی معیارات اور عالمی اخراج کے پیرامیٹرز کے مطابق ڈھالنے میں مدد کرنے کی خاطر حل تلاش کرنے کے امکانات تلاش کرے۔ انہوں نے کہا کہ میں آپ کو یقین دلاتا ہوں کہ ہندوستان مسئلے کا نہیں بلکہ حل کا حصہ بننا چاہتا ہے۔

دنیا کی دودھ کی پیداوار کے تقریباً ایک چوتھائی کے ساتھ، ڈیری مصنوعات کے دنیا کے سب سے بڑے پروڈیوسر کے طور پر ہندوستان کی پوزیشن کو واضح کرتے ہوئے، گوئل نے  اس اعتما د کااظہار کیا کہ عالمی ڈیری مارکیٹ میں ہندوستان کا حصہ آنے والے برسوں میں بین الاقوامی شراکت میں اضافے کے ساتھ ساتھ حکومت، کوآپریٹو سیکٹر اور کسانوں کے مضبوط اقدامات کی وجہ سے نمایاں طور پر بڑھے گا۔ اس سے ہندوستان کے چھوٹے اور دور دراز علاقوں کے کسانوں کو بہت فائدہ ہوگا۔ انہوں نے امید ظاہر کی کہ وہ اپنی ضرورت کی اضافی آمدنی حاصل کریں گے اور اپنے بچوں کی غذائیت میں بھی مدد کرپائیں گے۔ گوئل نے یہ بھی کہا کہ ملک کی دودھ کی پیداوار کا ایک تہائی حصہ کسانوں نے اپنے گھریلو استعمال کے لیے رکھا ہے۔

 

 

معیار اور پائیداری کے بارے میں بات کرتے ہوئے، گوئل نے عالمی اخراج پر زراعت کے اثرات کو کم کرنے کے لیے عالمی کوششوں کا حصہ بننے کی خاطر ہندوستان کی خواہش کا اعادہ کیا۔ اس تفاوت کی تصویر کو واضح کرتے ہوئے جہاں زمین کے چھوٹے حصے کے مالک کسان ہندوستان میں بڑی تعداد میں ڈیری کا کاروبار کر رہے ہیں جبکہ ترقی یافتہ ممالک میں نسبتاً کم کسان ڈیری کا کاروبار کر رہے ہیں، وزیرموصوف نے ڈیری سے متعلق تمام اسٹیک ہولڈرز پر زور دیا کہ وہ چھوٹے کسانوں کی مدد کے لیے عصری اور مناسب حل تلاش کریں۔  2047 میں اپنی آزادی کی 100 ویں سالگرہ کے موقع پر اپنے 1.3 بلین لوگوں میں سے ہر ایک کو خوشحالی اور ترقی کے ثمرات پہنچانے کے ہندوستان کے عزم کا اعادہ کرتے ہوئے، جناب گوئل نے چھوٹے مالکان کی زراعت کو منافع بخش بنانے کی طرف توجہ مرکوز کوششوں پر زور دیا۔

 

 

اس بات کا ذکرکرتے ہوئے کہ ہندوستان کے کسان، ماحول کے تئیں اپنی ذمہ داری کے بارے میں بہت زیادہ باشعور ہیں، جناب گوئل نے کہا کہ قدرتی طور پر، اپنی فطرت اور فلسفیانہ نقطہ نظر کی وجہ سے، وہ پائیداریت میں پختہ یقین رکھتے ہیں۔ جناب گوئل نے کہا کہ ہمارے ڈیری فارمرز ہمیشہ سے بہت بیدار رہے ہیں۔ فطرت میں موجود الوہیت کے لیے ہندوستانیوں کے گہرے احترام اور تعظیم کا ذکر کرتے ہوئے جناب گوئل نے کہا کہ ہمارے ڈیری فارمرز اپنے کاروبار کے ماحولیاتی اثرات کے بارے میں ہمیشہ باشعور رہے ہیں۔ انہوں نے مثال کے طور پر، گائے کے گوبر کا کھاد کے طور پر بڑے پیمانے پر استعمال کا حوالہ دیا، جس سے کیمیائی کھادوں اور جراثیم کش ادویات کی ضرورت اور بائیو گیس جیسے ایندھن کی پیداوار میں نمایاں کمی واقع ہوتی ہے۔ انہوں نے کہا کہ یہ کاشتکاری کے کاربن فوٹ پرنٹ کو کم کرنے کی کوششوں میں بھی ایک اہم تعاون ہے۔

 

 

جناب گوئل نے کہا کہ فطرت کا یہ احترام صرف ڈیری میں ہی نہیں بلکہ ہماری کاشتکاری اور ماہی گیری کے طورطریقوں میں بھی دیکھا جاسکتا ہے۔ انہوں نے وضاحت کی کہ ہندوستان دنیا کی تقریباً 17 فیصد آبادی کی مدد کرتا ہے اور اس کے باوجود نقصان دہ عالمی گرین ہاؤس گیسوں کے اخراج میں 3 فیصد سے بھی کم حصہ ہے۔ اس سلسلے میں جناب گوئل نے کہا کہ اگر ہمارے کسانوں کے سامنے پائیداری کے لیے مفید اور کفایتی حل پیش کیے جائیں تو انھیں تیزی سے اپنایا جائے گا۔

جناب گوئل نے دنیا کے ترقی پذیر اور کم ترقی یافتہ ممالک کو  ماحولیاتی تبدیلی سے نمٹنے کے لیے ٹیکنالوجی، کم لاگت، مناسب ٹیکنالوجی اور کم لاگت کے وسائل کے ساتھ گرین ہاؤس گیسوں کے اخراج کو کم کرنے کے اپنے وعدوں کو پورا کرنے میں ترقی یافتہ ممالک کی ناکامی پر تشویش کا اظہار کیا۔ انہوں نے کہا کہ یہ آلودگی سے متعلق اصول کا فطری نتیجہ ہونا چاہئے تھا۔ انہوں نے آئی ڈی ایف پر زور دیا کہ وہ ایک ایسی عالمی کوشش شروع کرنے پر غور کرے جس میں وہ ممالک جو گرین ہاؤس گیسوں کے اخراج میں زیادہ تعاون کرتے ہیں وہ کم ترقی یافتہ ممالک میں موسمیاتی بحران کو کم کرنے میں مدد کے لیے مناسب ٹیکنالوجی اور فنڈز فراہم کر سکتے ہیں۔ انہوں نے کہا کہ اس میں ایشیا اور افریقہ کے بہت سے ممالک شامل ہوں گے، جن نے اپنی عہدبستگی کا اظہار کیا ہے لیکن ضروری نہیں کہ مناسب ٹیکنالوجی اور وسائل ہوں۔

 

 

جناب گوئل نے کہا کہ ترقی پذیر دنیا کی طرف سے موسمیاتی تبدیلی کی  تخفیف میں مدد کرنے کا عہد ایک دہائی سے زیادہ پہلے کیا گیا تھا اور پیرس میں سی اوپی - 21 میں اس کا اعادہ کیا گیا تھا جہاں ہندوستان نے آب و ہوا کے اہداف کو حاصل کرنے کی سمت میں دنیا کو جوڑنے میں اہم کردار ادا کیا تھا۔ جناب گوئل نے کہا کہ سی او پی 21 کے 7 سال گزرنے کے بعد بھی ہم ابھی تک صرف نعرے سن رہے  ہیں  اور کوئی کارروائی نظر نہیں آرہی ہے۔ انہوں نے کہا کہ وہ پوری ترقی پذیر دنیا کی طرف سے بات کر رہے ہیں اگر وہ کہتے ہیں کہ موسمیاتی تبدیلی کی بات آتی ہے تو ‘ہمارا مطلب کاروبار’ ہے۔

 

 

جناب گوئل نے اس اعتماد کا اظہار کیا کہ ہندوستان کے ڈیری شعبہ  کا  موازنہ ترقی یافتہ دنیا کی مشینی ڈیری صنعت سے کرنے والے کسی بھی تجزیہ میں جب استحکام کی بات آتی ہے تو ہندوستان ایک فاتح کے طور پر سامنے آئے گا۔ انہوں نے یہ بھی کہا کہ جب ترقی پذیر ممالک کے خدشات پر ایمانداری سے بات کی گئی تو ترقی یافتہ دنیا کے بہت سے حصے اس کے بارے میں بہت حساس تھے۔ انہوں نے مثال کے طور پر اقتصادی تعاون اور تجارتی معاہدے (ای سی ٹی اے) پر دستخط کرنے کے لیے آسٹریلیائی حکومت کے ساتھ ہندوستان کی بات چیت کا حوالہ دیا۔ انہوں نے کہا کہ جب انہوں نے ہندوستان میں چھوٹے کسانوں کی حالت زار اور جن رکاوٹوں اور مشکلات میں کسان کام کرتے ہیں، انہیں مشترک کیا توانہوں نے  ان کسانوں کے لیے بہت حساسیت، گہری سمجھ اور بے پناہ تعریف محسوس کی۔

 

 

***********

 

 

ش ح ۔  ع ح ۔

U. No.10314

(Release ID: 1859753) Visitor Counter : 122