نوجوانوں  میں  منشیات کی لعنت کے خطرناک اثرات   کے بارے میں  آگاہی کی فوری ضرورت    کو ذہن میں  رکھتے ہوئے اور نوجوانوں میں  این سی سی کے  زبردست اثرات کو تسلیم کرتے ہوئے سماجی انصاف اورتفویض  اختیارات کی وزارت کی جانب سے   این سی سی کیڈٹوں  کے ساتھ بات چیت اور منشیات کے خلاف  عز م  کا مظاہرہ کرنے کے لئے  پروگرام کا اہتمام کیا گیا ۔ یہ پروگرام  آج یہاں ڈاکٹر امبیڈ کر انٹر نیشنل سینٹر میں منعقد کیا گیا۔

بات چیت کے اس  پروگرام کی مشترکہ صدارت دفاع کے مرکز ی وزیر جناب راج ناتھ سنگھ اور سماجی انصاف اور تفویض اختیار ات کے مرکزی وزیر ڈاکٹر وریندر کمار نے کی ۔اس پروگرام میں لائیو  اسٹریم کے ذریعہ ملک  میں  این سی سی   کے کئی  ریاستوں کے ڈائریکٹوریٹ نے بھی شرکت کی ۔پروگرام میں سماجی انصاف اورتفویض اختیار ا  ت کے وزیر مملکت جناب رام داس اٹھاولے اور سکریٹری محترمہ انجلی  بھانورا  بھی موجود تھیں۔

وزیر دفاع جناب راج ناتھ سنگھ نے قوم سے خصوصاََ نوجوانوں سے اپیل کی کہ وہ منشیات کی لت  کے خلاف متحدہوں اور  اس سے لڑنے کے لئے اتحاد کا مظاہرہ کریں۔اس لعنت کو  ہندوستان کے لئے ایک  بڑی رکاوٹ  قراردیتے ہوئے انہوں نے کہا کہ  اگر ہندوستان کو اپنی مکمل صلاحیتوں کو حاصل کرنا ہے تو اس رکاوٹ کو دور کرنا ہوگا۔ جناب راج ناتھ سنگھ ایک تقریب میں  نیشنل کیڈٹ کور این سی سی اور این سی سی کیڈٹوں اور نوجوانوں کے ساتھ بات چیت کررہے  تھے ،جس کا اہتمام  آج نئی دلی میں سماجی انصاف اور  تفویض  اختیارات کی جانب سے کیا گیا تھا ۔

مرکزی وزیر دفاع جناب راج ناتھ سنگھ نے کہا کہ ہندوستان دنیا کی ایک سپر پاور بننے کی سمت میں  گامزن ہے لیکن کچھ حدیں ہیں ، جو ہمیں  ہماری حقیقی صلاحیت کے حصول سے روک رہی ہیں۔ منشیات کی لت  ، ان میں سے اس طرح کی ایک حد ہے ۔  انہوں نے کہا کہ تمام خوبیوں کے باوجود  ہمارا ملک ابھی تک ترقی یافتہ ملکوں کی صف  میں  کھڑا نہیں  ہوسکا ہے  اور ایسے کچھ لوگ  خاص کر نوجوان ہیں جو  منشیات کی گرفت میں  ہیں۔ حالانکہ ملک کے نوجوان  ہندوستان کا مستقبل ہیں۔وہ  ملک کا ستون ہیں ۔ اگر ان کی نشے کی لت جاری رہی تو پھر ان کے مستقبل کا آسانی سے اندازہ لگایا جاسکتا ہے۔ لہٰذا ہمیں اسی طرح منشیات کے خلاف عہد کرنے کی ضرورت ہے ،جس طرح ہم نے اپنی آزادی کے لئے کی تھی ۔

وزیردفاع راج ناتھ سنگھ نے این سی سی کیڈٹوں سے  تین –چار کیڈٹس کا ایک گروپ بنانے کی اپیل کی اور  کہا کہ وہ   منشیات کے عادی نوجوانوں تک  پہنچیں اور انہیں منشیات کے استعمال کے مضر اثرات کے بارے میں آگاہ کریں ۔ ا نہوں نے ان سے  یہ بھی کہا کہ وہ  پہلے منشیات کے استعمال کے  نقصان پہنچانے والے اثرات کے بارے میں معلومات حاصل کریں اور پھر ساتھ  ہی ساتھ  اس بات کی کوشش کریں کہ کس طرح آسانے سے مختلف مقامات پر حکومت کی جانب سے قائم کئے گئے نشہ چھڑانے کے مراکز تک رسائی حاصل کی جائے۔اس کے ذریعہ کیڈٹس  ان نوجوانوں کی   مدد کرسکیں گے ، جو  منشیات کے چنگل سے خود کوآزاد کرانا چاہتے ہیں ۔ وزیر دفاع نے کہا کہ ہمارے این سی سی کے  کیڈٹ  ہماری مسلح افواج کے  لئے دوسرے  اوتار ہیں ۔اگر ہماری  فورسز  بیرونی دشمنوں سے ملک کی حفاظت کررہی ہیں تو ہمارے این سی سی کے کیڈٹ  منشیات جیسے اندرونی دشمنوں سے  ملک کی حفاظت  کرسکتے ہیں۔

وزیر دفاع نے کہا کہ این سی سی کے کیڈٹوں کی سرگرم شمولیت کے ساتھ سماجی انصاف اور تفویض اختیارات کا محکمہ اس ابھیان کو  نئی بلندیوں تک لے جاسکتا ہے اور  نشہ مکت بھارت کا اپنا مقصد حاصل کرسکتا ہے ۔

اس موقع پر سماجی انصاف اور تفویض اختیارات کے مرکز ی وزیر ڈاکٹر وریندر کمار نے این سی سی کیڈٹوں سے اپیل کی کہ وہ منشیات کی لت کو روکنے والی مہم کا حصہ بنیں  ۔ انہوں نے کہا کہ یہ ان کی ذمہ داری ہے کہ وہ حکومت کی مدد کریں  اور معاشرے کےاس سنگین مسئلے کو حل کرنے میں  اپنا تعاون دیں ۔

انہوں نے کہا کہ میں امید کرتا ہوں کہ  آپ سبھی کے تعاون سے ہم  ہندوستان کو منشیات سے پاک  ملک بناسکیں گے۔انہوں نے کہا کہ یہ انقلاب  تھمنا نہیں  چاہئے بلکہ اسے مزید توانائی حاصل ہونی چاہئے اور یہ  ایک ایسے شعلے میں تبدیل ہونا چاہئے ، جو آسانی سے منشیات کے استعمال  کے خلاف جدوجہد میں مددگار ثابت ہو۔ انہوں نے یہ بھی کہا کہ نشے کے عادی لوگوں  اس لعنت سے دور رکھنے کے  لئے ایک راستہ  ہموار کیا جائے۔

*************

ش ح۔ح ا۔ رم

U-10193

 

(Release ID: 1858889) Visitor Counter : 118