গুজরাতকী লোথলদা লৈরিবা ইন্দস ভেলী সিভিলাইজেসনগী পুৱারী ওইরবা মফম অসিদা পোর্ত, শিপ্পিং অমসুং ৱাতরৱেজ মন্ত্রালয়না নেস্নেল মেরিতাইম হেরিতেজ কমপ্লেক্স (এন.এম.ঐচ.সি.) অমা শারি। ভারত্তা মসিগুম্বা মখলগী অমত্তা ঙাইরবা কমপ্লেক্স অসিনা ভারতকী ইনাক খুল্লবা অমসুং তোঙানবা মতৌ চেনবা মেরিতাইমগী চৎনবী কয়া উৎকনি। এন.এম.ঐচ.সি. প্রোজেক্ত অসি প্রধান মন্ত্রী, শ্রী নরেন্দ্র মোদীনা উরেপ উয়ুং তমখিবনি অমসুং প্রোজেক্ত অসিগী মাস্তর প্লানগী অয়াবনা মার্চ ২০১৯দা পীখিবনি।

প্রোজেক্ত অসি তোঙানবা ফেজশিংদা লোইশিনবগী থৌরাং য়াৎপনিঃ

ফেজ ১-এ.দা ইন্দিয়ন নেভী অমসুং কোস্ত গার্দনা শিজিন্নগদবা গেল্লরী ৫ অমসুং নেভেল গেল্লরী অমগা লোয়নবা ম্যুজিয়ম বিলদিং কমপ্লেক্সকী শরুক অমা য়াওরি অমসুং একর ৩৫গী লমদা শাবগী থৌরাং য়াওরি। ফেজ অসি লুপা করোর ৭৭৪.২৩ চঙনা ই.পি.সি. মোদকী মখাদা শাবনি।

ফেজ ২-বি. অসিদা বেলেন্স গেলরী, লাইত হাউস, ৫-দি. দোম, বগিচা কমপ্লেক্স অসুং অতোপ্পা ইনফ্রাস্ত্রকচর য়াওনা লেমহৌরিবা ম্যুজিয়ম লোইশিনবগী থৌরাং য়াওরি। ফেজ অসি ই.পি.সি. মোদকী মখাদা শেমগৎপগী থৌরাং লৈরি।

ফেজ ২দা স্তেতশিংগী পেভিলিয়ন, লোথল সিতী, হোস্তেল য়াওবা মেরিতাইম ইন্সতিত্যুত, ইকো রিজোর্ত, মেরিতাইম অমসুং নেভেল থীম পার্ক, ক্লাইমেত চেঞ্জ থীম পার্ক, মোন্যুমেন্ত থীম পার্ক অমসুং এদভেঞ্চর অমসুং এম্যুসমেন্ত পার্ক য়াওরি। ফেজ অসিগী মখাদা লৈবা কম্পোনেন্তশিং অসি পি.পি.সি. মোদকী মখাদা লোইশিনগনি।

এম.ও.পি.এস.দবল্যু. অমসুং আয়ুশকী কেন্দ্র মন্ত্রী, শ্রী সর্বানন্দ সোনোৱালনা অসুম্না হায়খি, “মসিদি এদুতেনমেন্তকী পান্দমগা লোয়নবা এম.ও.পি.এস.দবল্যু.গী সাগরমালা স্কিমগী মখাদা পায়খৎপা অচৌবা প্রোজেক্ত অমনি। মেরিতাইমগী হেরিতেজশিংবু খ্বাইদগী নৌবা তেক্নোলোজী শিজিন্নদুনা মীয়ামদা খঙহন্নবগীদমক্তা য়ুজর ফ্রেন্দলী ওইবা মওংদা কাপথোক্তুনা উৎকনি। ই.পি.সি. অমসুং পি.পি.সি. মোদ য়াওবা এন.এম.ঐচ.সি.গী প্রোজেক্ত অসি লোইশিনবদা পুন্না লুপা করোর ৩৫০০ চঙগনি। এন.এম.ঐচ.সি. ফেজ ১এ.গী থবকশিং অসি মার্চ ২০২৪ ফাওবদা লোইশিন্নবা থৌরাং য়াৎলি”।

গুজরাত সরকারনা প্রোজেক্তশিং অসিদা য়াম্না মরু ওইবা থৌদাং লৌরি। মখোয়না এস.ঐচ.১দগী এন.এম.ঐচ.সি.গী মফমদা গুন্ধী-লোথল-সরাগৱালা ফাওদুনা চৎপা কিলোমীতর ১১.৫৮গী শোরোকপু লেন ৪ ওন্থোকপা, মফম অসিদা ঈশিং পীবা অমসুং এন.এম.ঐচ.সি.দা ৬৬ কে.ভি.গী পাৱর সপ্লাই পীবা য়াওনা এক্সতর্নেল ইনফ্রাস্ত্রকচর শেমগৎপদা তেংবাংদুনা প্রোজেক্ত অসিদা অচৌবা মতেং পাংলি।

এন.এম.ঐচ.সি.গী মশক থোকপা মায় পাকপশিং:

• আর্থৱর্ক ১০০% লোইশিনখ্রে (ক্যুবিক মীতর লাখ ১.৭)
• মীতর ৩২০০গী বাউন্দরী ফেন্সিং লোইশিনখ্রে
• উ-চারা ১২০০ থাখ্রে
• পাইল ৩০৪ য়ুংখ্রে
• ইন্দিয়ন পোর্ত, রেল অমসুং রোপৱে কোর্পোরেসন লিমিতেদ (আই.পি.আর.সি.এল.), মুম্বাইবু মন্ত্রালয়না এন.এম.ঐচ.সি. প্রোজেক্ত মায় পাক্না লোইশিনবগী ইমপ্লিমেন্তিং এজেন্সী ওইনা নোমিনেত তৌখ্রে।
• মমিং লৈরবা আর্কিতেকচর ফর্ম, এম./এস. হফীজ কন্ত্রেক্তর (এ.ঐচ.সি.)বু এন.এম.ঐচ.সি. প্রোজেক্তকী প্রিন্সিপল মেনেজমেন্ত কন্সলতেন্ত (পি.এম.সি.) ওইনা খনখ্রে। ফেজ ১এ.গী মখাদা পীরিবা গেল্লরী ৫গী কন্সেপ্ত দিজাইন অমসুং প্লানশিং য়াৎখ্রেঃ

ক) গেল্লরী- ১ ওরিএন্তেসন অমসুং ওসীনিক মীথোলোজী

খ) গেল্লরী - ২ হরপ্পনঃ পিওনিয়র সীফেরর

গ) গেল্লরী - ৩ হরপ্পন মতুংগী খোঙচৎ ত্রাজেক্তরী –ক্লাইমেত চেঞ্জনা পীবা শাফু

ঘ) গেল্লরী – ৪ ভারতকা গ্রেকো-রোমান মালেমগা মরী লৈনবা/পাউ ফাওনবা

ঙ) গেল্লরী – ৫ অখন্নবা একজিবিসনশিং

• ইন্দিয়ন নেভীগী ওফিসিএলশিংগা খন্ন-নৈনদুনা এ.ঐচ.সি.না গেল্লরী ৬কী কন্সেপ্ত দিজাইন (ইন্দিয়ন নেভী ওইরকপগী খোঙচৎ)গী থবকশিং পায়খৎলি অমসুং গেল্লরী অসিদা থমগদবা পোৎলমশিংগী পরিং থাজিনখ্রে।
• এন.এম.ঐচ.সি. ফেজ ১এ. শেমগৎ-শাগৎপা, চাংয়েং তৌবা অমসুং হৌবগী ই.পি.সি. কন্ত্রেক্ত অসিনা মার্চ ৯, ২০২২দা তাতা প্রোজেক্ততা পীখ্রে অমসুং মার্চ ৬, ২০২৪ ফাওবদা লোইশিনবগী পান্দম থম্লি।
• ফেজ ১বি. অমসুং ফেজ ২গী তেন্দর পীবগী থবক হৌজিক চত্থরি অমসুং দিসেম্বর ২০২২ ফাওবদা লোইশিনবগী পান্দম থম্লি।
• স্তাফ ক্বার্তর শাবগীদমক্তা একর ২৫গী অহেনবা লম মশক খঙদোক্লে।

এন.এম.ঐচ.সি. প্রোজেক্ত অসিবু স্তেকহোলদর অমসুং মরী লৈনবা ইন্সতিত্যুসনশিংগা চাং নাইনা রিভিয়ু মীফম পাংথোক্তুনা মায় পাক্না লোইশিনবা ঙম্নবগীদমক্তা সরকার অমসুং পোর্ত, শিপ্পিং অমসুং ৱাতরৱেজ মন্ত্রী, শ্রী সর্বানন্দ সোনো ৱালনা খ্বাইদগী অৱাংবা থাক্তা লেপ্তনা য়েংশিল্লি।

****

(Release ID: 1858258) Visitor Counter : 105