হাউসিং অমসুং অর্বান এফিয়র্স মন্ত্রালয় (এম.ও.ঐচ.য়ু.এ.)না ঙসি লই দিল্লীদা পাঙথোকপা থৌরম অমদা 'ইন্দিয়া ৱাতর পিৎচ পাইলত-স্কেল স্তার্ত অপ চেল্লেঞ্জ'কী মখাদা স্তার্ত অপ হুম্ফু তরা তরেৎ (৭৬) হৌদোকখ্রে। খনগৎলবা স্তার্ত-অপশিংবু ঈশিং সপ্লাই তৌবা, শীজিন্নরবা ঈশিং মেনেজমেন্ত, ঈশিং লৈবা মফম হিংগৎহনবা অমসুং লৈনুংগী ঈশিং মেনেজমেন্ত অসিনচিংবশিংগী হীরমদা থবক পায়খৎনবা শেলগী ওইবা শৌঙাক ওইনা লুপা লাখ ২০-২০গী মতেং পীরগনি হায়না শ্রী হর্দীপ সিংহ পুরি, কেন্দ্রগী হাউসিং অমসুং অর্বান এফিয়র্স (এম.ও.ঐচ.য়ু.এ.) মন্ত্রীনা ফোংদোকখ্রে। শ্রী কৌশাল কিশোর, এম.ও.ঐচ.য়ু.এ.গী রাজ্যগী মন্ত্রী, শ্রী মনোজ জোশি (এম.ও.ঐচ.য়ু.এ.গী সেক্রেতরী), শ্রী দি. থারা (এদিসনেল সেক্রেতরী) অমসুং অতৈ ইকাইখুম্ননিংঙাই ওইরবা মীথুংলেনশিংসু থৌরম অদুদা শরুক য়াখি।

স্তার্ত-অপশিং অসি মন্ত্রালয়না মার্চ, ২০২২দা অম্রুত ২.০ মিসনগী মখাদা হৌদোকখিবা চেলেঞ্জ প্রোসেস অমগী থোঙদা খনবনি। হীরম অসিগী মতাংদা, 'স্তার্তঅপ গেৎৱে' হ্যায়বা অমসু হৌদোক্তুনা স্তার্ত-অপশিং অসিনা এপ্লাই তৌদুনা এম.ও.ঐচ.য়ু.এ.না শেলগী তেংবাং পীনবা খনবগী খুদোংচাবা ফংহল্লি।

থৌরম অদুগী মনুংদা, মন্ত্রালয় অসিনা শহর ৪৮৫গী ওইনা 'পে জল সুর্ভেক্সন' তুল্কিৎ অমা হৌদোকখ্রে। পে জল সুর্ভেক্সন অসিনা জল জীবন মিসনগী মখাদা শহরশিংদা ঈশিং ফবগী চাং অমসুং মীয়ামদা ঈশিং ফংহনবগী মওং, সিৱরেজ, সেপ্তেজ মেনেজমেন্ত, গ্রিভান্সেস রিদ্রেসল, ৱাতর বোদী কঞ্জর্বেসন, গ্রাউন্দ ৱাতর মেনেজমেন্ত অসিনচিংবশিং য়েংশিনগনি।

থৌরম অসিদা এম.ও.ঐচ.য়ু.এ.গী ফোতোগ্রাফী চাংদম্নবদা খ্বাইদগী ফবা ফোতোগ্রাফর ২৫দসু লুপা লিশিং ১০,০০০গী মনাশিং লান্থোকখি। চাংদম্নবদু মন্ত্রালয় অসিনা 'মিসন অমৃত সরোভর'গী মখাদা ঈশিং লৈবা মফমশিং কন্নবগী মতাংদা মীয়াম ভাপ তাহন্নবা মহৈরোইশিংগীদমক পাঙথোকখি।

থৌরম অদুগী মতুংদা, অর্বান ৱাতরবোদী ইনফোর্মেসন সিস্তেম (য়ু.দব্ল্যু.এ.আই.এস.) হায়বা পোর্তেল অমসু নেসনেল রিমোত সেন্সিং সেন্তর, হায়দেরবাদকী মতেংনা  হৌদোকখি। পোর্তেল অসিনা ঈশিং বোদীশিংগী সেতলাইত ইমেজশিং তোঙান-তোঙানবা শহরশিংদা মখোয়বু হিংগৎনবা পীগনি। শহর ২১৯সু থৌরম অসিগী মনুংদা য়ু.দব্ল্যু.এ.আই.এস. দোসিয়রদা খুৎশিন্নখি।

***************