শেলথুম অমসুং কোর্পোরেৎ এফ্যার্সকী কেন্দ্র মন্ত্রী শ্রীমতি নির্মলা সিতরমন্না থৌরম মপু ওইদুনা ঙরাং রিগুলর বেঙ্কিং চেনেলগী ৱাংমদা চলাইরিবা “আইন্না য়াদবা লোন এপশিং”গী মতাঙদা তোঙান তোঙানবা ৱাফমশিং খন্ননবা মীফম অমা পাঙথোকখ্রে‍।

মীফম অদুদা শেলথুম মন্ত্রালয়গী ফাইনান্স সেক্রেতরী, ইকনমিক এফ্যার্সকী সেক্রেতরী, রিভিন্যু অমসুং কোর্পোরেৎ এফ্যার্সকী সেক্রেতরী (এদিস্নেল চার্জ), ফাইনান্সিএল সর্ভিসেসকী সেক্রেতরী, ইলেক্ত্রোনিক্স অমসুং ইনফোর্মেসন তেক্নোলোজীগী সেক্রেতরী, আর.বি.আই.গী দিপুদী গভর্নর অমসুং আর.বি.আই.গী একজেক্যুতিব দাইরেক্তর শরুক য়াখি‍।

আইন্না য়াদবা লোন এপশিংনা অৱাংবা শেন্দোয়গী চাংদা অমদি প্রোসেসিং/অরোনবা চার্জ কয়া লৌদুনা মীয়ামদা, মরুওইনা শেন্থোক য়ামজদবা মীওই কাঙলুপশিংদা লোন/মাইক্রো ক্রেদিত পীবা অমদি ব্লেকমেলিং অমসুং কিহন খঙহনবা য়াওনা তমথিবা মওংদা শেল খোমগৎপগী থৌওংশিং হেনগৎলকপদা শেলথুম মন্ত্রীনা নুংনাংবা ফোঙদোকখি‍। মনী লোন্দরিং, তেক্স নাথৈবা, দেতা/য়রোন অথুপ লোন্না লৌবা, অমদি রিগুলেত তৌদবা পেমেন্ত এগ্রিগেতরশিং, সেল কম্পেনীশিং অমসুং মথৌ তৌদ্রবা এন.বি.এফ.সি.শিংনা অসিগুম্বা থৌওংশিং অসি তৌরম্বা য়াবগী ওইথোকপা লৈ হায়বা ৱাফমসু শ্রীমতি সিতরমন্না থমখি‍।

ইসু অসিগী লিগেল, প্রোসিজরেল অমসুং তেক্নিকেল ওইবা ৱাফমশিং মমুৎ তানা খন্নরবা মতুংদা, মখাগী ৱারেপশিং অসি মীফম অদুনা লৌখি:

• আর.বি.আই.না লিগেল ওইবা এপশিংগী “হ্বাইতলিস্ত” অমা শেম্লগা অসিগুম্বা “হ্বাইইলিস্ত” তৌরবা এপশিংগীক্তমক এপ স্তোরদা ফংহন্নবা মৈতীনা থৌদাং লৌবা‍।
• আর.বি.আই.না মনী লোন্দরিংদা শীজিন্নবা য়াবা ‘ম্যুল/রেন্তেদ’ একাউন্তশিং য়েংশিনবা অমদি মথৌ তৌদ্রবা এন.বি.এফ.সি.শিংগী লান্না শীজিন্নবা য়াদনবা নৌনা য়েংশিনবা/ককথৎপা‍।
• পেমেন্ত এগ্রিগেতরশিংগী রেজিস্ত্রেসন অকক্নবা মতমগী মনুংদা লোইশিন্নবা অমদি মদুগী মতুংদা রেজিস্তর তৌদবা পেমেন্ত এগ্রিগেতরশিং অমত্তা মথৌ তৌবা য়াহন্দনবা আর.বি.আই.না থবক পায়খৎপা‍।
• এম.সি.এ.না সেল কম্পেনীশিং মশক খঙদোক্তুনা মখোয়বু লান্না শীজিন্নবা থিংননবা দিরেজিস্তর তৌবা‍।
• কস্তমর, বেঙ্ককী শিন্মীশিং, লো এনফোর্সমেন্ত এজেন্সীশিং অমসুং অতৈ স্তেকহোল্দরশিংদা সাইবর এৱ্যারনেস হেনগৎহন্নবা খোঙথাংশিং লৌখৎপা‍।
• অসিগুম্বা আইন্না য়াদবা লোন এপশিং মথৌ তৌবা য়াহন্দনবা মন্ত্রালয়/এজেন্সী পুম্নমক্না লৌখৎপা য়াবা থবকশিং লৌখৎপা

শেলথুম মন্ত্রালয়না হায়রিবশিং অসি ঙাক্না চৎহন্নবগীদমক চাং নাইনা পায়খৎপা য়াবা থবকশিং পায়খৎনবা য়েংশিনগনি‍।

****