ঙসি সাইন্স অমসুং তেক্নোলোজিগী রাজ্য মন্ত্রী(মনিংতম্বা); আর্থ সাইন্সেসকী রাজ্য মন্ত্রী(মনিংতম্বা); পি.এম.ও, পর্সোনেল, পব্লিক গ্রিভান্সেস, পেন্সন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্র সিংহনা হায়খ্রে হৌখিবা চহি ৮দা লাকখিবা প্রধান মন্ত্রী মোদীগী লৈঙাক্কী অওনবশিংনা নুপীশিং থবক শুবদা লাইহল্লে অমসুং অৱাংবা থাক্কী ইকায়খুম্নবা অমসুং মশা-মরোমদোক চাউথোকচবা অমগা লোয়ন্না মখোয়না ঙমজবী থাদুনা থবক পাংথোকপা ঙম্নবা থবক তৌবী নুপীশিংদা খুদোংচাবা অমা পীনবা খুন্নাইগী অওনবশিংনা পান্দম থম্লি।

মাত্রাশক্তিদা কৎথোকপা ওজাগী নুমিৎ থৌরমদা দি.ও.পি.তি, দি.এ.আর.পি.জি অমসুং পেন্সন্স দিপার্তমেন্তগী নুপী ওফিসারশিং অমসুং স্তাফশিংদা ৱা ঙাংবদা মিনিস্তরনা হায়খি কেন্দ্র সরকারগী থবকশিং নুপীশিং থবক চঙবা মশিং হেনগৎহন্নবা অমসুং মখোয়দা শীনফম অমসুং ইমুং-মনুংগী পুন্সি অনিগী মরক্তা থোঙমান্নবা অমা লৈহন্নবা মহাক্কী মিনিস্ত্রিনা থবক কয়া পায়খৎলে।

৭৬শুবা নিংতম্বা নুমিৎ ফোঙদোকখিবা প্রধান মন্ত্রীগী ৱারোল পনখি, মোদীনা হায়খি “হৌখিবা চহি ৭৫গী ভারতকী খোঙচৎকা চাংদম্নবদা মথং চহি ২৫ অসিদা নারি শক্তি, ঐগী ইমাশিং, ইচলশিং অমসুং ইচানুপীশিংগী থৌদাং শরুক কয়া হেনগৎলকপা ঐনা উগনি”। ২০১৪দা মহাক্কী অহানবা লাল কিলাদা ৱা ঙাংবদা মোদীজিনা নুপীশিংগী য়াইফনবা স্কিম কয়া লাউথোকখি, স্কিমশিং অদু য়ুমশিং তোইলেতশিং শাবা, উজ্জৱালা, বেতি বচাউ, বেতি পরাউ, মহিলা ই-হত, স্তেপ অমসুং থবক তৌবী নুপীশিংগী হোস্তেলশিং শাবনি। নুপীগী স্কিম স্তেপ(সপোর্ত তু ত্রেনিং এন্দ ইমপ্লোইমেন্ত প্রোগ্রাম)না নুপীশিং থবক ফংবা ঙম্নবা স্কিলশিং পীনবা পান্দম থম্লি অমসুং স্কিল অদুনা নুপীশিং মশা মথন্থ থবক পীজবা/ওন্ত্রেপ্রেনিউয়রশিং ওইবা ঙমহনগনি।  

দোক্তর জিতেন্দ্রনা হায়খি অঙাং শিনা পোকপা নত্ত্রগা পোক্লবা মতুং নুমিৎ খরগী মনুংদা অঙাং শিখিবা কেন্দ্র সরকারগী থবক তৌবী নুপীশিংদা নুমিৎ ৬০গী অখন্নবা মেতর্নিতি লিভ অমা পীনবা নুমিৎ হুম্নিগী মমাঙদা দি.ও.পি.তিনা পুৱারি ওইরবা ৱারেপ অমা লৌখ্রে। কেন্দ্র সরকারগী থবক চংবদা নুপী মশিং হেনগৎনবা অমসুং মখোয়না থেংনরিবা অৱাবশিং কোকহন্নবা নুপীশিং খুদোংচাবা পীনবা অখন্নবা নিয়মশিং মতম মতমগী মতুংইন্না দি.ও.পি.তিনা লাউথোক্লে।

মিনিস্তরনা হায়খি নুমিৎ ৭৩০গী সি.সি.এল মখা চৎথনবা, ইমপ্লোয়ি অমনা সি.সি.এলদা লৈরিঙৈদা এল.তি.সি(লিভ ত্রাভেল কন্সেসন)পীবা, সরকারগী থবক তৌবা অমনা হকচাংগী ফিবম শোইনাইবা মচাগী চাইল্দ কিয়ার লিভ লৌনবগী মতম অঙাং অদুনা চহি ২২ শুবা ফাওবা ওইরম্বা অদু কোমথোকপা অমসুং হকচাংগী ফিবম মীমান্নদ্রবা থবক তৌবী নুপীশিংদা অঙাং য়োক্নবা থা অমদা লুপা ৩,০০০গী অখন্নবা এল্লাউয়েন্স পীবা য়াওনা থবক কয়া পায়খৎলে।

পেন্সনকী অওনবশিং পুরকপগী মতাংদা দোক্তর জিতেন্দ্রনা হায়খি মপামদা হল্লক্লবী মচানুপীশিং অমসুং দিবয়াংশিংদা ফেমিলি পেন্সন পীনবা কোমথোকপা য়াওনা অওনবা কয়া পুরক্লে, অহল ওইরবা পেন্সন ফংলবা মীওইশিংনা লাইফ সর্তিফিকেদ পীশিনবা লাইনবা মোবাইল এপ্পকী খুৎথাংদা ফেস রিককনিসন তেক্নোলোজি হৌদোক্লে অমসুং লৈখিদ্রবা সরকারগী ইমপ্লোয়ি/পেন্সন্নর অমগী হকচাংগী ফিবম শোইনাইরবা অঙাংদা ফেমিলি পেন্সন মখা তানা পীবা, ইলেকত্রোনিক পেন্সন পে ওর্দর, পেন্সনগী থবকশিংদা পোস্তেল দিপার্তমেন্তনা মতেং পাংবা, লৈখিদ্রবা সরকারগী ইমপ্লোয়ি/পেন্সন্নর অমগী দিবয়াং অঙাংদা ফেমিলি পেন্সন হেনগৎহনবা য়াওনা খুন্নাইগী ওইবা অওনবা কয়া পুরক্লে।

মিনিস্তরনা হায়খি চহি অসিগী মে থাদগী, কেন্দ্র সরকারগী থবক তৌবা মাঙখ্রবা মীওইশিংগী ওইনা ফেমিলি পেন্সন পীনবা দিপার্তমেন্তনা নিয়মশিং কোমথোক্লে অমসুং করিগুম্বা থবক তৌরিঙৈদা এন.পি.এসনা কোনশিনবা ইমপ্লোয়ি অমা মাঙখিবা মতমদা তঙাই ফদনা চহি ৭ ঙাইরম্বা অদু অনৌবা নিয়ম অসিদা লৈত্রে অমসুং মাঙখিবা ইমপ্লোয়ি অদুগী ইমুং-মনুংদা খুদক্তা ফেমিলি পেন্সন পীরে।  

নুপীশিং শক্তি পীনবা পায়খৎলিবা ত্রেনিংগী মতাংদা দোক্তর জিতেন্দ্রনা হায়খি, ইন্সতিতুৎ ওফ সেক্রেতরিয়েত ত্রেনিং এন্দ মেনেজমেন্তনা মসিগী ত্রেনিং কয়াদা নুপীশিং শক্তি পীনবা, ইমুং-মনুংগী মীওৎ-মীনৈদগী ঙাকথোক্নবা অমসুং ইজৎ মাঙহন্নবা হোৎনরকপদা ঙাকথোক্নবগী মতাং য়াওনা নুপীগা মরী লৈনবা তোপীক কয়া য়াওরে। ইন্সতিতুৎ অসিনা মনুং অমসুং মপান্দা নুপীশিংগা মরী লৈনবা অখন্নবা ত্রেনিং কোর্স কয়া পাংথোক্লি। জেন্দরগী মরমদা খঙহনবা, জেন্দরগা মরী লৈনবা বজেত শেম্বা, ঙাক-শেনবা, থবক মফমদা নুপীশিংদা নত্তবা লিচৎ চৎনবা হোৎনরকপদা ঙাকথোক্নবা, নুপীশিং ঙাক-শেন্নবা অমসুং ইমুং-মনুংগী মীওৎ-মীনৈ ঙাকথোক্নবা হিরমশিংগী মতাংদা হৌখিবা চহি ৫ অসিদা তোঙান-তোঙানবা থাক্কী ওফিসার ৮০০ রোমগী কোর্স ২৫ হেন্না পাংথোকখ্রে।

য়ুনিয়ন মিনিস্তরনা অরোইবদা হায়খি, হৌখিবা চহি খর অসিদা ভারত্তা নুপীনা শরুক য়ারম্বদগী নুপীনা লুচিংবা ওইবা হেনগৎলক্লে অমসুং ঙসিদা লৈবাক অসি শেমগৎপদা নুপীশিংনা চপ মান্নবা থৌদাং লৌরে। অমৃত কালগী মথং চহি ২৫ অসিদা ২০৪৭দা ভারত মাংজিল থাবা লৈবাক অমা ওইনবা নুপীশিংনা মখোয়না থৌনা ফুদোক্কনি অমসুং ভারতনা নিংতম্বা চহি ১০০শুবা থৌরম পাংথোকপদা মখোয়না মখোয়গী অচৌবা মফম অমা কল্লগনি।

*****

(Release ID: 1856923) Visitor Counter : 114