চীফ ওব আর্মি স্তাফ (সি.ও.এ.এস.), মেজর পান্দে সেপ্তেম্বর ০৮, ২০২০দগী ০৮ ফাওবা নেপাল চৎকনি। মসিনা মহাক্কী সি.ও.এ.এস. ওইনা নেপাল চৎপা ইহান হানববনি। মহাক্কী খোঙচৎ অসিগী মনুংদা, আর্মি চীফ অসিনা নেপালগী রাইৎ ওনরেবল প্রেসিদেন্ত, নেপালগী রাইৎ ওনরেবল প্রাইম মিনিস্তর অমসুং নাপালি আর্মিগী চীফ ওব আর্মি স্তাফ উনগনি, লৈবাক মকোক থোংবা মিলিতরী অমসুং সিভিলিয়ন লুচিংবশিংগা উন্নবগী মথক্তা, মহাক্না ইন্দিয়া নেপাল ঙাকশেল মরী হেন্না ফগৎহন্নবা মতাংদসু খন্নগনি।

আর্মি অনিগী মরক্তা লৈরিবা মরুপ মপাংগী মরী অসিবু মখা শমথরদুনা, ইন্দিয়ন আর্মি চীফ অসিবু নেপালগী রাইৎ ওনরেবল প্রেসিদেন্তকী ওফিসিএল রেজিদেন্স, সিতল নিভাসতা পাঙথোকপা থৌরম অমদা জেনরেল ওব নেপাল আর্মিগী ওনরেরী রেঙ্ক মিংথোল পীগনি। সি.ও.এ.এস. অসিনা নেপাল আর্মি হেদক্বার্তরদা চৎতুনা থৱাই থাখ্রবা লান্মীশিংদা ইকাইখুম্নবা উৎকনি অমসুং নেপালি আর্মিগী মকোক থোংবা লুচিংবশিংগা ৱারী শাগনি। মহাক্কী খোঙচৎ অসিগী মনুংদা সি.ও.এ.এস. অসিনা ওফিসর মহৈরোই অমসুং নেপালি আর্মি কম্মান্দ অমসুং স্তাফ কোলেজ সিভপুরিগী ফেকলতীগা ৱারী শাগনি। সি.ও.এ.এস. অসিনা ইকাইখুম্নজরিবা নেপালগী প্রধান মন্ত্রীগা সেপ্তেম্বর ৬ ২০২২দা উনগনি।

অমগা অমগগী মরক্তা ইকাই খুম্নবা অমসুং থাজনবা লৈরিবা অসিগী মথক্তা, ইন্দিয়া-নেপালগী মরী অসি পুৱারীদগী লৈরক্লে, মাইথোং য়াম্মী অমসুং নাৎ অমদি চাউখৎলকপগী মান্নবা মরিশিং লৈ। 'য়ুম্লোন্নবা হান্না' অমসুং 'এক্ত ইস্ত' হায়বা পোলিসি অসিগী মতুং ইন্না ভারতনা নেপালগা লৈনরিবা মরি অসিদা খ্বাইদগী চাওনা মীৎয়েং থম্মী। খোঙচৎ অসিনা নাকন অনিমক্তা লৈরিবা দিফেন্সকী মরিশিংগী কান্নবা পীরগনি অমসুং নাকল অনিমক্না পাম্নবা এরিয়াশিংদা পাউ ফাওদোক ফাওজিন তৌবগী মপাঙ্গল কনখৎহনলগনি।  

***************