تعلیم اور فروغ  ہنرمندی کے مرکزی وزیر جناب دھرمیندر پردھان نے آج بالی میں یونیسکو کی اے ڈی جی محترمہ اسٹیفنیا گیانینی سے ملاقات کی۔

جناب پردھان نے ایجوکیشن 2030 کے ایجنڈے کو آگے بڑھانے پر یونیسکو کی اے ڈی جی محترمہ اسٹیفنیا گیانینی کے ساتھ بامعنی بات چیت کی۔ انھوں نے زبان پر مبنی تعلیم کو فروغ دینے اور بھارت کی صدارت میں آنے والے جی 20 کے لیے یونیسکو کے تعاون پر بھی تبادلہ خیال کیا۔

تعلیم اور فروغ  ہنرمندی کے مرکزی وزیر جناب دھرمیندر پردھان نے آج انڈونیشیا کے بالی میں وزیر تعلیم جناب ندیم انور مکارم کے ساتھ دو طرفہ میٹنگ کی۔

دونوں وزراء نے تعلیم اور فروغ  ہنر مندی سے متعلق  شراکت داری کو مزید وسعت دینے اور انڈونیشیا اور بھارت کے درمیان جامع اسٹریٹیجک شراکت داری کی مکمل صلاحیت کا ادراک کرنے پر بھی نتیجہ خیز بات چیت کی۔

دونوں رہنماؤں نے تعلیم اور ہنرمندی میں تعاون کے مواقع تلاش کیے، خاص طور پر نصاب کے ڈیزائن، طلبہ کے تبادلے اور تحقیق کے شعبوں میں۔

بعد ازاں، جناب پردھان نے جی 20 فریم ورک کے تحت ایک کامیاب ایڈ ڈبلیو جی اور وزرائے تعلیم  کی میٹنگ کے انعقاد کے لیے عالی جناب ندیم اور انڈونیشیا کو مبارکباد دی۔ جناب  پردھان نے بھارت کے لئے ان کی حمایت اور بھارت کے تعلیم اور ہنر کے شعبوں میں تعاون کرنے کی خواہش کی بھی تعریف کی۔ انہوں نے انہیں  بھارت  آنے کی دعوت بھی دی۔

جناب پردھان نے آسٹریلیا کے وزیر ابتدائی بچپن کی تعلیم اور  نوجوانوں کے وزیر ڈاکٹر اینے ایلی ایم پی  کے ساتھ بھی دو طرفہ میٹنگ کی۔

دونوں ممالک کے درمیان ابتدائی بچپن اور اسکولی تعلیم کے شعبے میں تعامل کو گہرا کرنے کے لیے وزراء نے نتیجہ خیز بات چیت کی۔

بعد میں جناب پردھان نے کہا کہ بھارت اور آسٹریلیا اعلیٰ تعلیم، تحقیق اور  فروغ ہنرمندی کی ترقی میں سرگرم  تعاون کررہےہیں۔ ابتدائی بچپن اور اسکول کی تعلیم میں گہرا تعامل ہمارے دونوں ممالک میں بچوں کو زندگی بھر سیکھنے کے مواقع فراہم کرنے کے لیے ایک مضبوط بنیاد فراہم کرے گا۔

 

******

ش ح۔ م م۔ م ر

U-NO.9833

 

(Release ID: 1856422) Visitor Counter : 151