سڑک ٹرانسپورٹ اور شاہراہوں کے مرکزی وزیر جناب نتن گڈکری نے مرکزی حکومت کی نیشنل ویوشری اینڈ اڈیپ (معذور افراد کی مدد) اسکیم کے تحت آج ناگپور میں بزرگ شہریوں اور  معذور افراد کو مفت آلات اور سامان فراہم کیا۔

سال 2016 میں وزیر اعظم جناب نریندر مودی کی قیادت میں مرکزی حکومت کی جانب سے معذور افراد کے حقوق سے متعلق ایکٹ جاری کیا گیا تھا۔ اس سلسلے میں راشٹریہ ویوشری یوجنا کے تحت 27 فروری سے 23 اپریل 2022 تک بزرگ شہریوں اور معذور افراد کے لیے اسکریننگ کیمپس کا انعقاد کیا گیا، جس میں ناگپور شہر میں 28000 اور دیہی ناگپور میں 8000 لوگوں سمیت تقریباً 36000 لوگوں کی اسکریننگ کی گئی۔ ان سب کو آلات اور سامان تقسیم کئے  جا رہے ہیں۔ ان تمام آلات اور سامان کی کل لاگت 34.83 کروڑ روپے ہے۔

ناگپور شہر کے تمام چھ اسمبلی حلقوں میں ان آلات کی تقسیم کے لیے پروگرام منعقد کیے جا رہے ہیں، آج (یکم ستمبر) کو اسی سلسلے کا دوسرا پروگرام ہے۔ آج مشرقی ناگپور اسمبلی حلقہ کے 4549 مستفیدین کو کل 34130 آلات دیے گئے ہیں، جن کی مجموعی لاگت 4.82 کروڑ روپے سے زیادہ ہے۔

ان آلات کی 43 اقسام میں بنیادی طور پر ٹولز اور سامان مثلاً تھری وہیلر سائیکل (ہاتھ سے چلنے والی)، وہیل چیئرز، واکنگ اسٹکس، ڈیجیٹل ہیئرنگ ایڈز، بصارت سے محروم افراد کے لیے اسکرین ریڈنگ کے ساتھ اسمارٹ فون، بریل کین (فولڈنگ کین) کے ساتھ مصنوعی بازو اور ٹانگیں شامل ہیں

۔۔۔۔۔۔۔۔۔۔۔

ش ح۔ا گ۔ن ا۔

U-9776