কেন্দ্রগী রাজ্য মন্ত্রী (পঞ্চায়তি রাজ), শ্রী কপিল মোরেশ্বর পাতিলনা ‘হর ঘর তিরঙ্গা’ থৌরমগী মনুং চন্না পুনেগী মরুওইবা পুৱারিদা চনখ্রবা আগা খান পেলেস অমসুং বাপু ভৱন (নেস্নেল ইনস্তিত্যুত ওফ নেচুরোপেথি)দা জাতিগী ফিরাল চিংখৎখ্রে

নিংতম্বগী লানদা শরুক য়াখিবা মীওইশিং অমসুং মখোয়গী ইমুং মনুংগী মীওইশিং অমসুং নিংতম্বগী লানদা থৱায় কৎথোকখিবাশিংগী ইমুং-মনুংগী মীওইশিংদশু ইকায় খুম্নবা উৎখ্রে

কেন্দ্রগী পঞ্চায়তি রাজকী রাজ্য মন্ত্রী, শ্রী কপিল মোরেশ্বর পাতিলনা ‘হর ঘর তিরঙ্গা’ থৌরমগী মনুং চন্না পুনেগী মরুওইবা পুৱারিদা চনখ্রবা আগা খান পেলেস অমসুং বাপু ভৱনদা (হৌজিক্না নেস্নেল ইনস্তিত্যুত ওফ নেচুরোপেথি হায়না খংনরিবা)  নিংতমবগী চহি ৭৫ শুবগী মতাং অসিদা ‘আজাদি কা অমৃত মহোতসব’ (এ.কে.এ.এম.)গী শরুক অমা ওইনা জাতিগী ফিরাল চিংখৎখ্রে। মতাং অসিদা  নিংতম্বগী লানদা শরুক য়াখিবা মীওইশিং অমসুং মখোয়গী  ইমুং-মনুংগী মীওইশিং অমসুং নিংতম্বগী লানদা থৱায় কৎথোকখিবাশিংগী ইমুং মনুংগী মীওইশিংদশু ইকায় খুম্নবা উৎখ্রে। মহারাস্ত্রগী মন্ত্রী, শ্রী চনদ্রকান্ত পাতিল অমসুং অতোপ্পা অচৌ-অশাংশিংশু থৌরম অসিদা শরুক য়াখি।

 

অহানবদা শ্রী কপিল মোরেশ্বর পাতিলনা আগা খান পেলেসতা মহাত্মা গান্ধিগী অস্থি থম্বা মফম অমসুং কস্তুরবা গান্ধি অমসুং মহাদেৱভাই দেসাইগী সমাধিদা হৈকৎ-লৈকৎ তমখি। মশিংগী মতুংদা আগা খান পেলেসকী শুমাংদা জাতিগী ফিরাল চিংখৎখি অমসুং ফিরাল অদুবু ইকায় খুম্নবা উত্তুনা সলামি কৎতুনা নেস্নেল এন্থেম শকখি। আগা খান পেলেসকী শুমাংদা কেন্দ্রগী পঞ্চায়তি রাজকী রাজ্য মন্ত্রী অসিনা নিংতম্বগী লানদা শরুক য়াখিবা মীওইশিং অমসুং মখোয়গী  ইমুং-মনুংগী মীওইশিং অমসুং নিংতম্বগী লানদা থৱায় কৎথোকখিবাশিংগী ইমুং মনুংগী মীওইশিংদশু নিংশিং খুদম অমসুং শোল পীদুনা ইকায় খুম্নবা উৎখ্রে। 

 

থৌরম অসিদা ৱা ঙাংবদা শ্রী পাতিলনা হায়খি মদুদি লৈবাক অসিনা লৈবাক অসিগী নিংতম্বগীদমক থৱায় কৎখিবা মীওইশিংবু মতম পুমম্বদা ইকায় খুম্নগনি। নিংতম্বগী লানদা শরুক য়াখিবাশিংনা তৌরম্বা থৌরমশিং অসি লৈবাক অসিনা মখোয়গী লমন কৈদৌনুংদা কোকথোকপা ঙম্লরোই। প্রধান মন্ত্রী, শ্রী নরেন্দ্র মোদীনা ‘আজাদী কা অমৃত মাহোতসবব’কী মতাং অসিদা ‘এক ভারত-শ্রেস্থ ভারত’ কেম্পেনগী খুথাংদা লৈবাক অসিগী মীওই খুদিংমকপু লংলা অমনা পুনশিন্নবগী থবক পাংথোকই হায়না শ্রী পাতিলনা হায়খি।

শ্রী পাতিলনা হায়খি,  প্রধান মন্ত্রী শ্রী নরেন্দ্র মোদীনা গ্রাম স্বরাজ হৌদোক্তুনা রাস্ত্রপিতা মহাত্মা গান্ধিনা স্বরাজকী নিংলম্বা মঙলান অদু থবক ওইনা পাংথোক্তুনা হৌজিক মপুং ফাহল্লি। হৌখিবা চহি ৮দা পঞ্চায়তি রাজ মন্ত্রালয়গী খুথাংদা লৈবাক অসিগী খুঙ্গংশিংবু চাওখৎনবগী মায়কৈদা থবক কয়া পাংথোক্লি। মহাক্না ২০২২গী অগস্তকী ১৩ দগী ১৫ ফাওবদা য়ুমথোং খুদিংমক্তা ফিরাল য়ান্দুনা হর ঘর তিরঙ্গাগী কেম্পেন অসি মপুং ফাহনবদা শরক য়ানবগীদমক হায়খ্রে।

 

মহারাস্ত্রগী সরকারনা ‘হর ঘর তিরঙ্গা’ অসি কেম্পেন অমা ওইনা পাইখৎলক্লি হায়না মহারাস্ত্রগী মন্ত্রী, শ্রী চন্দ্রকান্ত পাতিলনা হায়খি।  ‘হর ঘর তিরঙ্গা’গীদমক প্রজানা য়াম্না থৱায় য়াওনা শরুক য়ারি অমসুং মফম মফম কয়াদা লৈবাকনিংবগী খুদম কয়া উবা ফংলি।

আগা খান পেলেসকী শুমাংদা পাংথোকপা থৌরম অসিদা অচৌ-অশাং ৫০০ হেন্না শরুক য়াখি। গান্ধি মেমোরিয়েল ত্রস্তকী শ্রীমতি নিলম মহাজন্না ৱা ঙাংবদা আগা খান পেলেসকী পুৱারি  অমসুং অসিদা লৈরিবা গান্ধিজীগী লৈফমগী মরমদা ৱারি কয়া লিখি।

 

শ্রী কপিল মোরেশ্বর পাতিলনা মতুংদা নেস্নেল ইনস্তিত্যুত ওফ নেচরোপেথি (বাপু ভৱন)দা লৈবা রাস্ত্রপিতাগী মীতমদা হৈকৎ-লৈকৎ তমদুনা ইকায় খুম্নবা উৎখি অমসুং গান্ধিজীনা লৈরম্বা কা অদুদসু চৎখি। ফিরাল চিংখৎলবা মতুংদা পঞ্চায়তি রাজকী কেন্দ্রগী রাজ্য মন্ত্রী অসিনা নিংতম্বগী লানদা শরুক য়াখিবা মীওইশিং অমসুং মখোয়গী  ইমুং মনুংগী মীওইশিং অমসুং নিংতম্বগী লানদা থৱায় কৎথোকখিবশিংগী ইমুং মনুংগী মীওই ২৫ রোমদা ইকায় খুম্নবা উৎখ্রে। নেস্নেল ইনস্তিত্যুত ওফ নেচরোপেথিগী দাইরেক্তর, দা.সত্যলক্ষমিনা বাপু ভৱনগী পুৱারিগী মতাংদা মীয়ামদা খঙহনখি

 

*****

(Release ID: 1855826) Visitor Counter : 172