য়ুমলৈ-কৈরৈ মন্ত্রালয়

হোম অমসুং কোওপরেসনগী য়ুনিয়ন মিনিস্তর শ্রী অমিত সাহনা হয়েং নিউ দিল্লিদা “সি.এ.পি.এফ ই-অৱাস” ৱেব-পোর্তেল হাংদোক্কনি


প্রধান মন্ত্রী শ্রী নরেন্দ্র মোদীগী লুচিং মখাদা সেন্ত্রেল আর্মদ পুলিস ফোর্সেস(সি এ পি এফ)গী মীওইশিংগী হাওসিং সেতিসফেক্সন রেসিও(ঐচ এস আর) হেনগৎহনবা হায়বসি সরকারনা মরুওইনা পায়খৎলিবা থবকশিংগী মনুংদা অমনি

প্রধান মন্ত্রী শ্রী নরেন্দ্র মোদীগী লুচিং মখাদা অমসুং য়ুনিয়ন হোম মিনিস্তরগী লমজিং মখাদা সি.এ.পি.এফশিংদা ঐচ.এস.আর হেনগৎহন্নবা লেপ্তনা থবকশিং পায়খৎলি

অনৌবা য়ূমশিং শাবগী মথক্তা, সি.এ.পি.এফশিংগী অহাংবা য়ুমশিং য়েন্থোক্নবা শেমদোক্লবা থৌশিলগী খুৎথাংদা অতোপ্পা ফোর্সশিংগী মীওইশিংদা য়ুম য়েন্থোক্তুনা ঐচ.এস.আর হেনগৎহনবা ঙমগনি

য়ুম য়েন্থোকপগী শেমদোক্লবা থৌশিল থবক ওইনা পাংথোক্নবা অমসুং য়েন্থোকপগী থবকশিংদা অরোন-অথুপ লৈহন্দনবা সি.এ.পি.এফশিং অমসুং অসাম রাইফলকী দিপার্তমেন্তেল পুল রেসিদেন্সিএল একোমোদেসন অমসুং সেপেরেতেদ ফেমিলি একোমোদেসন(এস এফ এ)গী ওনলাইন এল্লোতমেন্তগীদমক ‘সি.এ.পি.এফ ই-অৱাস’ কৌবা ৱেব-পোর্তেল অমা শেমগৎলে

য়ুম ফংবা য়ারবা সি.এ.পি.এফশিং অমসুং অসাম রাইফলকী মীওইশিংগী ক্বাতরশিং লৌনবা ওনলাইন রেজিস্ত্রেসনগী থবকশিং ৱেব-পোর্তেল অসিদা পাংথোকপা য়াগনি

Posted On: 31 AUG 2022 4:42PM by PIB Imphal

হোম অমসুং কোওপরেসনগী য়ুনিয়ন মিনিস্তর শ্রী অমিত সাহনা হয়েং নিউ দিল্লিদা “সি.এ.পি.এফ ই-অৱাস” ৱেব-পোর্তেল হাংদোক্কনি। প্রধান মন্ত্রী শ্রী নরেন্দ্র মোদীগী লুচিং মখাদা সেন্ত্রেল আর্মদ পুলিস ফোর্সেস(সি এ পি এফ)গী মীওইশিংগী হাওসিং সেতিসফেক্সন রেসিও(ঐচ এস আর) হেনগৎহনবা হায়বসি সরকারনা মরুওইনা পায়খৎলিবা থবকশিংগী মনুংদা অমনি। ঐচ.এস.আর হেনগৎহন্নবগীদমক, অনৌবা য়ূমশিং শাবগী মথক্তা, সি.এ.পি.এফশিংগী অহাংবা য়ুমশিং য়েন্থোক্নবা শেমদোক্লবা থৌশিলগী খুৎথাংদা অতোপ্পা ফোর্সশিংগী মীওইশিংদা য়ুম য়েন্থোক্তুনা ঐচ.এস.আর হেনগৎহনবা ঙমগনি। য়ুম য়েন্থোকপগী শেমদোক্লবা থৌশিল থবক ওইনা পাংথোক্নবা অমসুং য়েন্থোকপগী থবকশিংদা অরোন-অথুপ লৈহন্দনবা সি.এ.পি.এফশিং অমসুং অসাম রাইফলকী দিপার্তমেন্তেল পুল রেসিদেন্সিএল একোমোদেসন অমসুং সেপেরেতেদ ফেমিলি একোমোদেসন(এস এফ এ)গী ওনলাইন এল্লোতমেন্তগীদমক ‘সি.এ.পি.এফ ই-অৱাস’ কৌবা ৱেব-পোর্তেল অমা শেমগৎলে। য়ুম ফংবা য়ারবা সি.এ.পি.এফশিং অমসুং অসাম রাইফলকী মীওইশিংগী ক্বাতরশিং লৌনবা ওনলাইন রেজিস্ত্রেসন অমসুং য়েন্থোকপগী থবকশিং ৱেব-পোর্তেল অসিদা পাংথোকপা য়ারগনি।

 ‘জেনরেল পুল রেসিদেন্সিএল একোমোদেসন(ই-সম্পাদা)’গী ওনলাইন এল্লোতমেন্তগী মওংদা শেমগৎপা সি.এ.পি.এফ ই-অৱাস পোর্তেল অসিনা মখোয়গী এল্লোতমেন্তগী থবকশিং ওইনলাইন্দা পাংথোকপা ঙমগনি অমসুং সি.এ.পি.এফশিংনা পায়রিবা ‘রেসিদেন্সিএল একোমোদেসন অমসুং সেপেরেতেদ ফেমিলি একোমোদেসন(এস এফ এ)’কী মশিং য়েংশিনবা ঙমহনগনি। এল্লোতমেন্তগী তোঙান-তোঙানবা তাঙ্ককশিংদা এপ্লিকান্তশিংদা এস.এম.এস অমসুং ই-মেলগী খুৎথাংদা পাউ ফাউন্নবগী খুদোংচাবা পোর্তেল অসিদা য়াওরে। দিমান্দ-গেপ নৈনরবা মতুংদা অনৌবা ক্বাতরশিং শানবা থৌরাং তৌনবা খুদোংচাবশু পোর্তেল অসিনা পীরগনি।

করিগুম্বা মরম অমদগী থা মরিগী মনুংদা করিগুম্বা অকক্নবা ফোর্স অমগী য়ুম অমা পীদ্রবদি, ওনলাইনগী খুৎথাংদা হাংলিবা য়ুম অদু সি.এ.পি.এফকী মীওই অমনা হেক্তা লৌনবা থবক পায়খৎপা য়াগনি। ফোর্সশিংগী মরক্ত পীনবা লৈরিবা য়ুমশিং অদু সি.এ.পি.এফকী মীওই খুদিংমক্না য়েংবা য়াগনি। মসিগী ফোর্সশিংগী মরক্তা য়ুম য়েন্থোক্নবগী খুদোংচাবা অসি য়ুম মরাংকাইনা ফংহনবা ঙমগনি অমসুং মসিনা ঐচ.এস.আর হেনগৎহনবা ঙমগনি।

প্রধান মন্ত্রী শ্রী নরেন্দ্র মোদীগী লুচিং মখাদা অমসুং য়ুনিয়ন হোম মিনিস্তরগী লমজিং মখাদা সি.এ.পি.এফশিংদা ঐচ.এস.আর হেনগৎহন্নবা লেপ্তনা থবকশিং পায়খৎলি। থৌরাং অসি ফোর্সতা লৈরিবা মীওইশিংগী দরকার ওইবা য়ুমশিং ফংবা ঙম্নবা ফোর্সশিংগী মরক্তা লৈনবা য়ুম য়েন্থোকপা য়ানবা সরকারনা পায়খৎপা খোঙথাং অমনি।

সি.এ.পি.এফশিং অসি হোম এফেয়ার্স মিনিস্ত্রিগী মখাদা লৈবা ভারতকী ফোর্স তরুক্কী য়ুনিফোর্ম নোমেনক্লেচর অমনি। হায়রিবা ফোর্সশিং অদুদি অসামা রাইফলস(এ আর), বোর্দর সেকুরিতি ফোর্স(বি.এস.এফ), সেন্ত্রেল ইন্দস্ত্রিএল সেকুরিতি ফোর্স(সি আই এস এফ), সেন্ত্রেল রিজার্ব পুলিস ফোর্স(সি আর পি এফ), ইন্দো-তিবেতান বোর্দর পুলিস(আই পি বি এফ) অমসুং সাসাস্ত্রা সিমা বাল( এস এস বি)নি।

*****



(Release ID: 1855823) Visitor Counter : 121