সাইন্স অমসুং তেক্নোলোজী মন্ত্রালয়
স্তার্দঅপশিংগা এম.এস.এম.ইশিংগা শম্ননবা য়ুনিয়ন মিনিস্তর দোক্তর জিতেন্দ্র সিংহ সিংহনা হায়রি: মাইক্রো, স্মোল অমসুং মেদিয়ম ইন্তরপ্রাইজেস(এম.এস.এম.ই)সেক্তর চাউখৎহন্নবা দরকার ওইবা থৌশিলশিং হোংদোকপা য়াওনা প্রধান মন্ত্রী মোদীনা থবক খুদিংমক পায়খৎলি
মিনিস্তরনা নিউ দিল্লিদা চীফ গেস্ত ওইনা ৮শুবা ইন্তরনেসনেল এম.এস.এম.ই এন্দ স্তার্দঅপ সম্মিৎ এন্দ এক্সপোদা ৱা ঙাংখি; মালেমগী কৈথেলশিংদা য়ৌনবা অমসুং ভারতকী শেন-থুমগী ফিবম ফগৎনবা সরকারনা লমদম অমগী অখন্নবা পোৎথোকশিং পুক্নিং থৌগৎলি হায়খি
প্রধান মন্ত্রী মোদীনা ২০১৫দা হৌদোকখিবা স্তার্দঅপ ইন্দিয়ানা অনৌবা ৱাখল্লোনশিং চাংয়েং তৌনবা অমসুং অনৌবা থবকশিং ফংনবা ভারতকী নহারোলশিংগী খুদোংচাবশিংগী থোঙ হাংদোক্লে
Posted On:
26 AUG 2022 5:13PM by PIB Imphal
সাইন্স এন্দ তেক্নোলোজিগী রাজ্য মন্ত্রী(মনিংতম্বা); আর্থ সাইন্সেসকী রাজ্য মন্ত্রী(মনিংতম্বা), পি.এম.ও, পর্সোনেল, পব্লিক গ্রিভান্সেস, পেন্সন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্র সিংহনা ঙসি হায়খ্রে স্তার্দঅপশিংগা এম.এস.এম.ইশিংগা শম্নগদবনি। মাইক্রো, স্মোল অমসুং মেদিয়ম ইন্তরপ্রাইজেস(এম.এস.এম.ই)সেক্তর চাউখৎহন্নবা দরকার ওইবা থৌশিলশিং হোংদোকপা য়াওনা প্রধান মন্ত্রী মোদীনা লুচিংবা সরকারনা থবক খুদিংমক পায়খৎলি।
৮শুবা ইন্তরনেসনেল এম.এস.এম.ই এন্দ স্তার্দঅপ সম্মিৎ এন্দ এক্সপোদা চীফ গেস্ত ওইনা ৱা ঙাংলদুনা দোক্তর জিতেন্দ্রনা হায়খি অত্মা নির্ভর ভারত শেমগৎপদা সেক্তর অসিনা মরুওইবা থৌদাং অমা লৌরি অমসুং এম.এস.এম.ই সেক্তর চাউখৎহন্নবা হৌখিবা চহি ৮ অসিদা ভারতনা বজেত মপুংফানা হেনগৎহল্লে। মালেমগী কৈথেলশিংদা য়ৌনবা অমসুং ভারতকী শেন-থুমগী ফিবম ফগৎনবা সরকারনা লমদম অমগী অখন্নবা পোৎথোকশিং পুক্নিং থৌগৎলি।
![](https://static.pib.gov.in/WriteReadData/userfiles/image/image001Y1Z5.jpg)
দোক্তর জিতেন্দ্রনা হায়খি এম.এস.এম.ইশিং মালেমগী থাক্তা চাংদম্নবা ঙম্নবা মোদী সরকারনা থবক কয়া পায়খৎখি অমসুং থা অসিগী ১৫দা নিংতম্বা নুমিৎতা পীখিবা প্রধান মন্ত্রীগী ৱারোল পল্লদুনা হায়খি, “প্রাইবেত সেক্তর মাংজিল থানা থবক তৌনবা ঐনা তকশিল্লি। মালেম অসি ঐখোয়না মাংজিল থাগদবনি। মশাগী ওক্নবা পুথোকচবা ঙম্বা ভারত অমগী মঙলানশিংগী মনুংদা মঙলান অমদি মালেমগী দরকার ওইবশিং পীবা ঙম্নবা ভারতনা তুংদা লৈহৌরোইদবনি। করিগুম্বা এম.এস.এম.ইশিং ওইরবা ফাওবদা মালেমগী থাক্তা ঐখোয়গী পোৎথোকশিং অসি ‘জিরো দিফেক-জিরো ইফেক’ ওইগদবনি। লৈবাক্কী খল্লগা থবক তৌবদা ঐখোয় চাউথোকচবা পোক্কদবনি”।
মহাক্কী হৌদোক ৱারোলদা এম.এস.এম.ই-দি.পিগী চিয়ারমেন, রাজনিস গোয়েনকানা হায়খি ভারতকী শেন্মিৎলোনগী শরুক অহুম থোকপগী শরুক অমদি এম.এস.এম.ইশিংদগীনি অমসুং সেক্তর অসিদা মীওই কোতি ১১ হেন্না থবক তৌরি। কোবিদ লাইচৎনা চৈথেং পীরবসু এম.এস.এম.ই মহৌশাগী ফিবমদা হল্লকপা ঙম্নবা য়ুনিয়ন বজেত ২০২২-২৩দা থৌশিলশিংগী পেকেজ অমা লাউথোক্লে।
![](https://static.pib.gov.in/WriteReadData/userfiles/image/image0026G4S.jpg)
দোক্তর জিতেন্দ্রনা হায়খি মখোয়গী মঙলানশিং অনৌবা ৱাখল্লোনশিংদা ওন্থোক্নবা অমসুং অনৌবা ৱাখল্লোনশিং থবক ওইনা পাংথোক্নবা ঙসিদি ভারতকী নহারোলশিং ঙাইঙমদ্রে অমসুং প্রধান মন্ত্রী মোদীনা ২০১৫দা হৌদোকখিবা স্তার্দঅপ ইন্দিয়ানা অনৌবা ৱাখল্লোনশিং চাংয়েং তৌনবা অমসুং অনৌবা থবকশিং ফংনবা ভারতকী নহারোলশিংগী খুদোংচাবশিংগী থোঙ হাংদোক্লে। জম্মু অমসুং কাস্মিরদা পর্পল রিভোলুসন লাকপদগী লৌমীশিংনা শেন্দোং য়াম্না ফংবা লাভেন্দর থাবদগী লৌমীশিং পুন্সিদা থাজবগী ৱাংমদা অওনবা পুরক্লে।
এগ্রি এম.এস.এম.ইশিংগী মশিং য়াম্লবা স্তোলশিং উবদা অঙকপা পোক্লবা দোক্তর জিতেন্দ্রনা হায়খি হৌখিবা চহি খর অসিদা লৈবাক অসিদা এগ্রিতেক স্তার্দ-অপশিংগী অনৌবা ইনোৎ অমা লাক্লে অমসুং হায়রিবা স্তার্দ-অপশিং অসিনা লৌমীশিংনা য়োনফম মরাংকাইনা ফংনবা, সপ্লাই চেন মেনেজমেন্ত, মচাক-মথুক ৱাৎপগী খুদোংচাদবশিং কোকহনবা ঙম্লে। মখোয় মশাগী স্তার্দঅপশিং লিংখৎনবা নহা ওইরিবা ওন্ত্রেপ্রেনিউয়রশিং আই.তি সেক্তর অমসুং এম.এন.সিশিংদগী মখোয়গী থবকশিং তোক্নরে, লৌউ-শিংউদা শেন থাদবা অসি শেন্দোং য়াম্না লৈবা অমসুং অমাং-অতা থোক্লোইদবা ললোন-ইতিক অমনি হায়বা হায়রিবা নহা ওইরিবা ওন্ত্রেপ্রেনিউয়রশিং অসিনা হৌজিক খঙলে।
দোক্তর জিতেন্দ্রনা হায়খি ২০২২দগী প্রিজম ফাওরগা য়েংলগা কনাগুম্বা অমনা India @2047 গী মশক তাকপা ঙম্লোই। নরেন্দ্র মোদীগী চহি ৮গী প্রধান মন্ত্রীগী মতম অসিদা ২০৪৭দা ওইগদবা ভারতকী শক্তম উবা ঙম্লে অমসুং অমৃত কালগী মথং চহি ২৫গী লম্বী অসিদা মালেমদা ভারতনা মাংজিল থাবা লৈবাক অমা ওইবা উবা ফংগনি।
মসিগী মমাঙদা দোক্তর জিতেন্দ্রনা ৮শুবা ইন্তরনেসনেল এম.এস.এম.ই এন্দ স্তার্দঅপ সম্মিৎ এন্দ এক্সপোগী তোঙান-তোঙানবা স্তোলশিং য়েংখি অমসুং এম.এস.এম.ই ওন্ত্রেপ্রেনিউয়র খরগা ৱারি শানখি।
![](https://static.pib.gov.in/WriteReadData/userfiles/image/image003M3ZA.jpg)
*****
(Release ID: 1854706)
Visitor Counter : 125