মহারাস্ত্র সরকারগী অর্বান দিবেলপমেন্ত বিভাগকা চুংশিন্নদুনা শেল-থুম মন্ত্রালয়গী দিপার্তমেন্ত ওফ ইকনোমিক এফিয়র্সকী মখাদা লিংখৎখিবা ইনফ্রাস্ত্রকচর ফাইনান্স সেক্রেতরিএৎ (আই.এফ.এস.)না লৈবাক শিনবা থুংবদা ইনফ্রাস্ত্রকচর প্রোজেক্তশিং খোঙজেল য়াংনা ইমপ্লিমেন্ত তৌনবগীদমক মুম্বাইগী নরীমন পোইন্তদা লৈবা ত্রিদেন্ত হোতেলদা ওগস্ত ২২, ২০২২দা মহারাস্ত্র, গুজরাত, কর্নাতকা অমসুং আন্ধ্র প্রদেশকী রাজ্য সরকারশিংগা লোয়ননা ইনফ্রাস্ত্রকচরগী মতাংদা মীৎয়েং থম্লিবা ৱার্কশোপ অমা পাঙথোকখি।

অচৌবা ইনফ্রাস্ত্রকচর প্রোজেক্তশিং পাইখৎপদা প্রোজেক্ত ওথোরিতীশিংনা মায়োক্নবা গ্রাউন্দ ইস্যু খঙদোক্নবা পান্দমগা লোয়ননা মরু ওইবা ইনফ্রাস্ত্রকচর মন্ত্রালয়শিংগা লোয়ননা রাজ্য সরকার অমসুং য়ুনিয়ন তেরিতোরিশিংগা লোয়ননা মথং-মথং পাঙথোক্কদবা ৱার্কশোপশিংগী মসিনা অহানবা ৱার্কশোপ ওইরি।

হাউসিং অমসুং অর্বান এফিয়র্স মন্ত্রালয়, রোদস, ত্রান্সপোর্ত অমসুং হায়ৱেজ মন্ত্রালয়, পাৱর মন্ত্রালয়, দিপার্তমেন্ত ওফ প্রমোসন ফোর ইন্দস্ত্রী, এন্দ ইন্তর্নেল ত্রেদ অসিগুম্বা মরু ওইবা ইনফ্রাস্ত্রকচরগী কেন্দ্রগী মন্ত্রালয়শিংগী মকোক থোংবা ওফিসিএলশিং অমসুং নেস্নেল হায়ৱেজ ওথোরিতী ওফ ইন্দিয়া (এন.ঐচ.এ.আই.), নেস্নেল হায়ৱেজ এন্দ ইনফ্রাস্ত্রকচর দিবেলপমেন্ত লিমিতেদ (এন.ঐচ.আই.দি.সি.এল.), সেন্ত্রেল ত্রান্সমিসন য়ুতিলিতী ওফ ইন্দিয়া লিমিতেদ (সি.তি.য়ু.আই.এল.)গুম্বা মখোয়গী ইমপ্লিমেন্তিং এজেন্সীশিংনা ৱার্কশোপ অসিদা প্রজেন্তেসনশিং পীখি।

ৱার্কশোপ অসিদা মহারাস্ত্র, গুজরাত, কর্নাতকা, অমসুং আন্ধ্র প্রদেশকী রাজ্য সরকারশিংদগী মকোক থোংবা ওফিসিএল ৫০ হেনবনা শরুক য়াবা উবা ফংখি। রাজ্য সরকারশিংদগী মরু ওইবা পার্তিসিপেন্ত খরা অদুদা কর্নাতকাগী রাজ্য সরকারগী এদিস্নেল চীফ সেক্রেতরী, আন্ধ্র প্রদেশকী রাজ্য সরকারগী সেক্রেতরী (ফাইনান্স), গুজরাতকী রাজ্য সরকারগী সেক্রেতরী (ফাইনান্স) অমসুং সেক্রেতরী (প্লান্নিং), মহারাস্ত্রগী রাজ্য সরকারগী প্রিন্সিপল সেক্রেতরী (অর্বান দিবেলপমেন্ত), রাজ্যশিংগী মরু ওইবা অর্বান সেন্তরশিংগী ম্যুনিসিপাল কম্মিস্নরশিং য়াওখি।

ফোরম অসিনা রাজ্যগী ওফিসিএলশিংদা মরু ওইবা ইনফ্রাস্ত্রকচর মন্ত্রালয়শিং অমসুং মখোয়গী ইমপ্লিমেন্তিং এজেন্সীশিংগী ওফিসিএলশিং, নেস্নেল ইনভেস্তমেন্ত এন্দ ইনফ্রাস্ত্রকচর ফন্দ (এন.আই.আই.এফ.), ইন্তর্নেস্নেল ফাইনান্স কোর্পোরেসন (আই.এফ.সি.) অসিনচিংবগী মীহুৎশিংগা লোয়ননা ৱারী শানবা অমসুং মখোয়না ইনফ্রাস্ত্রকচর প্রোজেক্তশিং পাইখৎপদা মখোয়না মায়োক্নবা সমস্যাশিং পুথোক্নবা অমসুং মখোয়না মতেং মথৌ তাবা লমশিংগী মতাংদা খঙহন্নবগীদমক খুদোংচাবা অমা পীখি।

ৱার্কশোপ অসিদা ফাইনান্স তৌবদা শাহৌ পীনবা রাজ্যশিংনা পাইখৎপা ম্যুনিসিপাল বোন্দ অমসুং ইনিসিএতিবশিং য়াওনা অর্বান ফাইনান্সিং ওপ্সনশিং হেনগৎহন্নবা খোঙথাংশিংদা পেনেল দিস্কসনশিং অমসুং রাজ্য সরকারগী অখন্নবা পি.পি.পি. পোলিসীশিং অমসুং মখোয়গী রেদীনেস অদুগীদমক খুন্ন-নৈন্নবশিং উবা ফংখি। দিপার্তমেন্ত ওফ ইকনোমিক এফিয়র্সনা রাজ্য সরকারশিংদা পি.পি.পি. প্রোজেক্তশিংদা ফাইনান্সিএল সপ্পোর্ত পীনবগীদমক লৈরিবা ফন্দ অমসুং স্কিমশিংগী মখাদা ফাইনান্সিএল সপ্পোর্ত ফংহন্নবা মেকানিজমগা লোয়ননা নৌনা এম্পেনেল তৌবা ত্রাঞ্জেক্সন এদভাইজরশিং শীজিন্ননবা মেকানিজমগী মতাংদা পাউদমখি।

ম্যুনিসিপাল বোন্দ মার্কেৎ ইনর্জাইস তৌনবগী লম্বীশিং য়াওনা ম্যুনিসিপাল ফাইনান্সিং হেনগৎহন্নবগীদমক মেকানিজমশিংদা অখন্নবা সেসন অমা পাঙথোকখি। মসিগী মতুংদা ইনফ্রাস্ত্রকচরদা প্রাইবেৎ ইনভেস্তমেন্ত পুশিল্লক্নবা স্তেৎ পি.পি.পি. পোলিসী অমগী মতৌ তাবগী মতাংদা থেমেতিক সেসন অমা পাঙথোকখি। ৱার্কশোপ অসিদা জি.ও.আই.গী রোদস অমসুং হায়ৱেজ, পাৱর অমসুং হাউসিং এফিয়র্সকী মন্ত্রালয়শিংদগী থৱায় য়াওনা শরুক য়াবা উবা ফংখি। জি.ও.আই.গী দি.পি.আই.আই.তি.না বি.আই.এস.এ.জি.-এন. (পি.এম. গতি শক্তি ইমপ্লিমেন্ত তৌরিবা নোদেল এজেন্সী)না গতিশক্তি পোর্তেলদা রাজ্যগী প্রোজেক্তশিং স্পাসিএল ইন্তিগ্রেৎ তৌনবগী মথৌ তাবা অমসুং মেকানিজমগী মতাংদা প্রজেন্তেসন অমা পীখি। রাজ্যশিংনা মখোয়গী খুদোংচাদবশিং অমসুং সমস্যাশিং পুথোকখি মসি মরী লৈনবা মন্ত্রালয়না খঙজিনখি।

ৱার্কশোপ অসিনা শরুক য়ারিবা রাজ্যশিংগী খ্বাইদগী ফবা প্রেক্তিসশিংদগী তমশিন্নবা খুদোংচাবা অমা পীদুনা ময়ামবু অমত্তা ওইনা পুনশিনখি।

****