লৌউ-শিংউ অমসুং লৌমীশিংগী য়াইফ-থৌরাংগী কেন্দ্র মন্ত্রী, শ্রী নরেন্দ্র সিংহ তোমরনা অথোইনা মীথুংলেন ওইনা ঙসি ইজ্জতনগর (বরেলী) ইন্দিয়ন ভেতেরিনরী রিসর্চ ইন্সতিত্যুত (আই.ভি.আর.আই.)গী ১০শুবা কনভোকেসন পাঙথোকখ্রে। থৌরম অসিদা ৱা ঙাংলদুনা শ্রী তোমরনা হায়খি ভারত সরকারনা প্রধান মন্ত্রী শ্রী নরেন্দ্র মোদীগী লুচিং মখাদা লৈবাক অসিদা অওনবা পুরক্নবা অমসুং মাংদা চংশিন্নবা চাউনা কত্থোকপগা লোয়ননা থবক পাইখৎলি।

শ্রী তোমরনা হায়খি আজাদী কা অমৃত মহোৎসবকী থৌরম অসিদা মীপুম খুদিংমক্না মখোয়গী অরিবা ফিরেপশিং থুংহন্নবা হোৎনবা তাই অমসুং মসিগা ইরোইননা অনৌবা ফিরেপশিং থুংহন্নবা হোৎনগদবনি। ভারতনা লৈবাক অসিগী নীংতম্বগী চহি ১০০ (অমৃত কাল) মপুং ফারপা মতমদা ভারতনা মালেমদা খ্বাইদগী ফবা লৈবাক অমা ওইবা ঙম্নবা হোৎনবা তাই। মসিগীদমক ইন্সতিত্যুসনশিং অমসুং মহৈরোয়শিংনা খুৎশম্নদুনা  জাতিগীদমক শরুক তম্নবা মাংদা চংশিনগদবনি।

কনভোকেসন অসিদা দিগ্রী ফংখ্রবশিংবু থাগৎপা ফোঙদোক্লদুনা শ্রী তোমরনা হায়খি মদুদি এজুকেস্নেল ইন্সতিত্যুসনশিংনা নহারোলশিংবু চাউখৎহনবদা অচৌবা থৌদাং অমা লৌরি অমসুং মহৈরোয়শিংনা খ্বাইদগী ফবা এজুকেসন ফংবদা চাউথোকচবা পোক্লি।

মহৌশা অমসুং শা-ঙাশিংগী মরক্তা লৈনরিবা মরী অসি তৎন-থানবা য়াদবনি হায়না ফোঙদোক্লদুনা শ্রী তোমরনা হায়খি মদুদি মীওইবশিংগা লোয়ননা শা-শন অমসুং উচেক-ৱায়াশিংবু য়েংশিনবা অমসুং মখোয়গী হকশেল য়েংশিনবীবা হায়বা অসি ঐখোয়গী থৌদাংনি। শা-ঙাশিং অসি য়াম্না মরু ওইবনা ঐখোয়না মখোয়বু লাইবস্তোক হায়না কৌরিবনি। ভারত্তা লৈরিবা অপুনবা শা-শনগী মশিং অসি মিলিয়ন ৫৩৫.৭৮ ওইরি অমসুং য়েন-ঙানুগী মশিং অসি মিলিয়ন ৮৫১ শুরি, মসি ঐখোয়গী মীশিংগা মান্নরি। লৈবাক অসিগী শা-শনগী লন অসি অদুক্কী মতিক মমল লৈ, মশিং খক্তা নত্তনা জেনেতিক দাইভর্সিতীদসু মমল লৈরি।

শ্রী তোমরনা হায়খি লৌউ-শিংউগী সেক্তর অসি এনিমেল হসবেন্দরী, বীকিপিং অমসুং ফিশরীজ য়াওনা অতোপ্পা এলাইদ সেক্তরশিং য়াওরবা মতমদা খক্তা মপুং ফাই। লৌউ-শিংউগা লোয়ননা লৈবাক অসিগী গ্রোথকীদমক কনাগুম্বা অমনা এনিমেল হসবেন্দরী য়াওনা এলাইদ সেক্তরশিংদা থৌদাং লৈনা থবক তৌবা তাই। শা-ঙাশিংগী ব্রীদ ফগৎহনবা, মখোয়বু মশা-মউ ফনা থম্বা অসি তানফম অসিদা য়াম্না মরু ওই। শঙ্গোমগীদমক লোইরিবা শা-শনদা লাইনা নারকপদা মীয়ামদসু চৈথেং পীরি। এনিমেল হসবেন্দরী সেক্তরগী মরু ওইবা অসি য়েংলগা প্রধান মন্ত্রী শ্রী নরেন্দ্র মোদীনা আত্মনির্ভর ভারত অভিয়ানগী মখাদা এনিমেল হসবেন্দরী ইনফ্রাস্ত্রকচরগী মওংদা লুপা করোর ১৫০০০গী অখন্নবা পেকেজ অমগী প্রোবিজন শেমখি। শ্রী তোমরনা লম্পী স্কিন দিজিজতগী শা-ঙাশিংবু ঙাকথোক্নবগীদমক হন্দক্তা ইন্দিজিনস ভেক্সিন (লম্পি-প্রো ভেক-ইন্দ/ লম্পি-প্রোভেকইন্দ) লোঞ্চ তৌখি হায়না পাউদমখি।

লৌউ-শিংউগী কেন্দ্রগী রাজ্য মন্ত্রী, শ্রী কাইলাশ চৌধরী, হান্নগী কেন্দ্রগী মন্ত্রী অমসুং বরেলীগী এম.পি. শ্রী সন্তোশ কুমার গাংৱর, আই.সি.এ.আর.গী দিপুতী দিরেক্তর জেনরেল (এনিমেল সাইন্স), দা. ভুপেন্দ্র নাথ ত্রিপাথি, আই.ভি.আর.আই.গী দিরেক্তর দা. ত্রিবেনি দত্তা অমসুং অতোপ্পা দিগনিতরীশিং য়াওবা থৌরম অদুদা শ্রী তোমরনা দিগ্রী অমসুং এৱার্দশিং পীখি।

থৌরম অসিদা আই.ভি.আর.আই.না দিবেলপ তৌবা তেক্নোলোজী অহুমসু ফোঙখি। দা. মহেন্দ্র পাল য়াদব, দা. কমল মোল বুজরবারুৱা অমসুং দা. অনিল কুমার শ্রীবাস্তবাদা ইন্দিয়ন ভেতেরিনরী রিসর্চ ইন্সতিত্যুতকী (দীম তু বি য়ুনিভর্সিতী) বিজ্ঞান-বারিধি (ওনররী) দ্রিগ্রী পীখি।

শ্রী তোমরনা আই.ভি.আর.আই. কমপ্লেক্সতা স্বামী বিবেকানন্দ ওদিতোরিয়মসু শঙ্গাখি।

****