نئی دہلی، 23 اگست 2022:

سڑک ٹرانسپورٹ اور شاہراہوں کے مرکزی وزیر نتن گڈکری نے کہا کہ چھوٹے سرمایہ کاروں کے لیے بنیادی ڈھانچے میں سرمایہ کاری کے لیے ایک نیا ماڈل تشکیل دیا جائے گا۔ ایف آئی سی سی آئی کے روڈز اینڈ ہائی ویز سمٹ کے تیسرے ایڈیشن کا افتتاح کرتے ہوئے انھوں نے کہا کہ عام لوگوں کو اپنی سرمایہ کاری پر یقینی منافع حاصل کرنے کے مواقع موجود ہوں گے۔ وزیر موصوف نے کہا کہ ملک میں دنیا کا دوسرا سب سے زیادہ سڑک نیٹ ورک ہے اور یہ وقت سڑکوں کے نیٹ ورک کو وسعت دینے اور 2024 کے آخر تک اسے دو لاکھ کلومیٹر تک لے جانے کا ہے۔

جناب گڈکری نے لاجسٹک لاگت کو 16 فیصد سے کم کرکے 10 فیصد کرنے کے چیلنج کے بارے میں بات کی۔ انھوں نے کہا کہ لاجسٹک لاگت میں کمی کے حصول کے لیے مربوط نقطہ نظر کی ضرورت ہے۔ وزیر موصوف نے کہا کہ پٹرول اور ڈیزل کے استعمال کو کم کیا جائے اور ایل این جی اور ایتھنول، میتھانول، ہائیڈروجن جیسے متبادل ایندھن کی حوصلہ افزائی کی جائے کیونکہ یہ لاگت موثر اور پائیدار ہیں۔

***

(ش ح – ع ا – ع ر)

U. No. 9453