কেন্দ্রগী লৌউ-শিংউ অমসুং লৌমীশিংগী য়াইফ-থৌরাংগী মন্ত্রী, শ্রী নরেন্দ্র তোমারনা হায়খি মদুদি ঐখোয়গী এগ্রিকলচরেল সাইন্তিস্তশিংনা মখোয়গী রিসর্চকী খুত্থাংদা চাউখৎ-থৌরাং কয়া অমা পুরকখ্রে, ভারতনা ঙসি চানবা চিঞ্জাক খ্বাইদগী য়াম্না পুথোকপদা অহানবা নত্রগা অনিশুবদা লৈরি। শ্রী তোমারনা হায়খি মদুদি লৌমীশিংগী হোৎনজমন; সরকারগী লৌমীশিংগীদমক্তা কান্নগদবা পোলিসীশিং অমসুং সাইন্তিস্তশিংগী রিসর্চনা মসিগি মাইপাকপা অসিদা শরুক য়ারিবনি অমসুং ঐখোয়না লৌউ-শিংউগী পোত্থোকশিংগী মতাংদা মালেম অসিগী ওইনা মাংজিল থাদুনা চৎলি।

“হৌজিক্তি মহৌশাগী অইং-অশাগী ফিভম অসি হোংলকপা ওইবনা, মসিগী শিংনবা অসি য়েংশিনবা তঙাইফদে। হৌজিক্তি হৱাই-চেংৱাই অমসুং থাও শুংনবা মরুশিংদসু মীপাল তাংদনা ইশাগী ওক্নবা লৈগদবনি। মসিগীদমক্তা সরকার অসিনা মিসন মোদতা থবক তৌরি অদুবু পোলিসীশিং অমসুং ফন্দিংগা লোইন-লোইননা, মরুশিং পুথোকপদসু পোত্থোক হেনগৎকদবা অমসুং লৈবাক অসিবু মীপাল তাংদনা মরোমদোম লেপচবা ঙম্বা ওইগদবনি। মসিদা এগ্রিকলচরেল সাইন্তিস্তশিংগী য়াম্না চাউরবা থৌদাং লৈরি অমসুং মখোয়না থবক হেন্না তৌবা তঙাইফদে,” হায়না শ্রী তোমারনা ঙসি গ্বালিয়রদা রাজমাতা ৱিজয়ারাজে সিন্দিয়া এগ্রিকলচরেল য়ুনিভর্সিতীনা শিনবা ১১শুবা নেস্নেল সীদ কোংগ্রেস-২০২২গী হৌদোকপগী থৌরমদা হায়খি।

কেন্দ্রগী সিভিল এভিয়েশন মন্ত্রী, শ্রী জ্যোতিরাদিত্যা সিন্দিয়ানা থৌরম অদুদা ভর্চুৱল ওইনা শরুক য়াখি, অদুগা মধ্য প্রদেশকী এগ্রিকলচর মন্ত্রি, শ্রী কমল পতেলদি মফম অদুদা শরুক য়াখি। থৌরম অদুদা য়ুনিভর্সিতী অদুগী নৌনা শাবা ওদিতোরিয়ম অদু লৈখিদ্রবা দত্তোপন্ত থেঙ্গদি মমিংদা থোনখি। মতম অসিমক্তদা স্তেত একাদেমি এগ্রিকলচরেল এন্দ এলাইদ সাইন্সেস (এস.এ.এ.এস.) হৌদোকখি। নেস্নেলগী থাক্তা এন.এ.এ.এস.না অমসুং রিজনেলগী থাক্তা এস.এ.এ.এস.না হোৎনরিবশিং অদুনা এগ্রিকলচর, হোর্তিকলচর, এনিমল হসবেন্দ্রী সাইন্সকী থবক-থৌরমশিং অমসুং মসিগা মরী লৈনবা রিসর্চ অমসুং এজুকেশন য়োকখৎপবু মখাতানা হেন্না খোংজেল য়াংখৎহল্লগনি।

শ্রী তোমার সিংনা হায়খি মদুদি লৈখিদ্রবা থেঙ্গদি অসি ইন্তেলেকচুৱল, নেস্নেলিস্ত থিঙ্কর, লেবর এক্তিবিস্ত অমসুং ত্রেদ য়ুনিয়ন লীদর অমা ওইরম্মি। মহাক্না ৱার্করশিং অমসুং লৌমীশিংগী হকশিং অদুবু হেন্না মরু ওইনা লৌরম্মি। থেঙ্গদি জীনা স্বদেশি স্পিরিৎ  অসিবু য়াম্না মরু ওইনা লৌরম্মি, মসিনা লৈবাক অসিবু লমদম অসিগী ইন্দস্ত্রীশিংগা লোইননা মপাঙ্গল কনখৎহলম্মি অমসুং থবক তৌবগী খুদোংচাবা কয়া অমা লৈহলম্মি। ধেঙ্গদি জীগী মিংদা ওদিতোরিয়ম অমা লৈবা হায়বসি পুক্নিং থৌগৎনিংঙাইনি।

অহৌবদা ভাইস চান্সেলর, প্রোফেসর এস. কোতেস্বরা রাওনা ৱেলকম এদ্রেস পীখি। ইন্দিয়ন কাউন্সিল ওফ এগ্রিকলচরেল রিসর্চকী দিপ্যুতী দাইরেক্তর জেনরেল, দা. আর. সি. আগ্রৱাল; কেন্দ্রগী লৌউ-শিংউ অমসুং লৌমীশিংগী য়াইফ থৌরাংগী মমন্ত্রালয়গী জোইন্ত সেক্রেতরী (মরুশিংগী), শ্রী অস্বিনি কুমার অমসুং অতোপ্পা দিগ্নিতরিশিংনসু মীতিন অদুদা ৱা ঙাংখি। থৌরম অদুদা, রেজিস্ত্রার, শ্রী অনিল সক্সেনানা য়ুনিভর্সিতীগী ওফিসিয়েলশিং, কৃশি ৱিগ্যান কেন্দ্রশিংগী শাইন্তিস্তশিং, লৌমীশিং অমসুং মহৈরোইশিংনা থৌরম অদুদা শরুক য়াখি। মসিগী থৌরম অসিদা লৈবাক অসিদা হেন্না ফগৎলবা মরুশিং পুথোকপগী হীরমদা চত্থরিবা এক্কসপরিমেন্তশিংগী মতাংদা খন্ন-নৈনবা কয়া পাংথোক্লগনি, হায়রিবশিং অসি তুংদা মথৌ তরক্কদবশিং অদু য়েংলগা অমসুং হেন্না ফগৎলবা মরুশিং পুথোকপা, মরু ওইনা ওইলসীদশিং অমসুং হৱাই-চেংৱাইশিংগী স্ত্রেতেজীগী মতাংদা পোলিসী অমা শেম্লগনি। লৈবাক অসিগী মমিং লৈরবা মরু পুথোকপগী এক্সপর্তশিংনা নুমিৎ হুম্নিগী কনফরেন্স অসিদা শরুক য়ারগনি। কেন্দ্রগী মন্ত্রী, শ্রী তোমারনা থৌরম অদুদা মনা-মথুম কয়া অমা য়েন্থোকখি।

****