ই.সি.এল.জি.এস. অসি হান্নদগী হৌনা লৈরিবা ওপরেস্নেল স্কিম অমনি অমসুং হোস্পিতেলিতী অমদি মরী লৈনবা সেক্তরশিংদা কোবিদ ১৯ লাইচৎনা পীখিবা চৈথেংশিং য়েংলগা সরকারনা সেক্তরশিংদা লৈরিবা এন্তর্প্রাইসশিংগীদমক লুপা করোর ৫০,০০০গী শেনফম অখন্ননা খাক্তুনা থমখি। প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা হোস্পিতেলিতী অমসুং মরী লৈনবা সেক্তরশিংদা লৈরিবা এন্তর্প্রাইসশিংগীদমক অখন্ননা খাক্তুনা থম্বা অহেনবা শেনফমগা লোয়ননা ইমর্জেন্সী ক্রেদিৎ লাইন গরেন্তী স্কিম (ই.সি.এল.জি.এস.)গী লিমিৎ অসি লুপা করোর লাখ ৪ ওইরম্বদগী করোর ৫০,০০০ হেনগৎহন্দুনা লুপা করোর লাখ ৫ ওইহনবদা অয়াবা পীখি। হোস্পিতেলিতী অমসুং মরী লৈনবা এন্তর্প্রাইসশিংদা কোবিদ-১৯ লাইচৎনা মরম ওইদুনা পীখিবা অচৌবা চৈথেংশিংনা মরম ওইরগা মসি হেনগৎহনখিবনি।

তুরিজম, কলচর অমসুং অৱাং নোংপোক থংবা লমদমগী চাউখৎ-থৌরাং (দোনর)গী কেন্দ্রগী মন্ত্রী, শ্রী জি. কিশন রেদ্দীনা ৱারেপ অসিবু তরাম্না ওক্লদুনা হায়খি, “হৌজিক মায়োক্নরিবা লাইচৎ অসিনা হোস্পিতেলিতী অমসুং মরী লৈনবা সেক্তরশিংদা কা হেন্না শোকহনখি। ইমর্জেন্সী ক্রেদিৎ লাইন গরেন্তী স্কিম (ই.সি.এল.জি.এস.)গী লিমিৎ অসি লুপা করোর লাখ ৪ ওইরম্বদগী করোর ৫০,০০০ হেনগৎহন্দুনা লুপা করোর লাখ ৫ ওইহন্দুনা হোস্পিতেলিতী অমসুং মরী লৈনবা সেক্তরশিংদা লৈরিবা এন্তর্প্রাইসশিংগীদমক অখন্ননা খাক্তুনা থমখি। সর্ভিসশিং অসিগী দিমান্দ হেনগৎলকপনা ৱারেপ অসি লৌবগী মতম চপ চাই”।

মহাক্না মখা তারদুনা হায়খি, “মোদী সরকারনা থবক অমদি ললোন-ইতিকশিং ঙাক্তুনা থম্বগা লোয়ননা তুরিজম সেক্তর হিংগৎহন্নবা অমসুং অমুক হন্না থবক তৌহন্নবগীদমক খুদক্কী ওইবা খোঙথাংশিং অমসুং পাইখৎপা য়াবা থবক লৌখৎলি। ঐখোয়না তুরিজমগী সস্তেনেবল রিকবরী সপ্পোর্ত তৌদুনা তুংলমচৎকীদমক কো-তুরিজমদা অহোংবা পুরক্নবা অমসুং তুরিজমগী মরমদা অমুক হন্না খন্থনবা থৌরাং তৌরি”। শেনফম হেনগৎহনবা অসিনা শেল চংদবা মওংদা লুপা করোর ৫০,০০ ফাওবগী অহেনবা ক্রেদিৎ ফংহন্দুনা লেন্দিং ইন্সতিত্যুসনশিং ইনসেন্তিবাইজ তৌদুনা সেক্তরশিং অসিদা লৈরিবা এন্তর্প্রাইসশিং অসিদা মখোয়না মথৌ তাবা তেংবাং অদু পীরগনি হায়না পানরি অসুম তৌবনা মসিগী বিজিনেস এন্তর্প্রাইসশিং অসিনা মখোয়গী ওপরেস্নেল লাইএবিলিতীশিং থুংহনবা ঙম্লগনি অমসুং মখোয়গী বিজিনেসশিং মখা চত্থবা ঙম্লগনি। ৫.৮.২০২২ ফাওবদা ই.সি.এল.জি.এস.কী মখাদা লুপা করোর লাখ ৩.৬৭ ওইগদবা লোনশিং পীথখ্রে।

কেন্দ্রগী মন্ত্রীনা হায়খি, “তুরিজম অমসুং হোস্পিতেলিতীনা শেন্মীৎলোন চাউখৎহনবদা অচৌবা থৌদাং অমা লৌরি অমসুং কেন্দ্র সরকারনা শেন্মীৎলোন অমুক হন্না ফগৎহন্নবগীদমক ইন্দস্ত্রী অমসুং অতোপ্পা স্তেকহোল্দরশিংগা লোয়ননা পুন্না থবক পাইখৎমিন্নরি। ঐহাক্না ইমর্জেন্সী ক্রেদিৎ লাইন গরেন্তী স্কিম অসিবু ৩১.০৩.২০২৩ ফাওবা শাংদোকহনখিবগীদমক প্রধান মন্ত্রী শ্রী নরেন্দ্র মোদীজীবু থাগৎপা ফোঙদোকচরি। হোতেলশিং অমসুং রেস্তোরেন্তশিং, মেরিয়েজ হোলশিং, কেন্তীনশিং, ত্রেবেল এজেন্তশিং, তুর ওপরেতরশিং, এদভেঞ্চর নত্ত্রগা হেরিতেজ ফেসিলিতীশিং, লিজর অমসুং স্পোর্তিং, প্রাইবেৎ বস ওপরেতরশিং, কার রিপিয়র সর্ভিসশিং, রেন্ত কার সর্ভিস প্রোভাইদরশিং, ইভেন্ত/কনফরেন্স ওর্গনাইজরশিং, স্পা ক্লিনিকশিং, ব্যুতী সেলোনশিং, মোতোর ভেহিকল এগ্রিগেতরশিং, সিনেমা হোলশিং, স্বিমিং পুলশিং, এন্তর্তেনমেন্ত পার্কশিং, থিএতরশিং, বারশিং, ওদিতোরিয়ম, য়োগ ইন্সতিত্যুতশিং, জিমনাসিয়মশিং, অতোপ্পা ফিতনেস সেন্তরশিং, কেতরিং নত্ত্রগা চাক-ঈশিং পীবগী থবক তৌরিবা য়ুনিৎ/মীওইশিং অমসুং ফ্লোরিকলচর প্রদক্তশিংনচিংবা হোস্পিতেলিতী অমসুং মরী লৈনবা সেক্তরশিংদা লৈরিবা বিজিনেস এন্তর্প্রাইস/এম.এস.এম.ই পুম্নমক শেল পুবগীদমক অয়াবা ফংলগনি”.

হৌজিক মায়োক্নরিবা লাইচৎ অসিনা কন্তেক্ত-ইন্তেন্সিব সেক্তরশিংদা চাউনা চৈথেং পীখি মরু ওইনা হোস্পিতেলিতী অমসুং মরী লৈনবা সেক্তরশিংদা কা হেন্না শোকহনখি। অমরোমদা সেক্তরশিং অসিনা রিকবরীগী লম্বীদা য়াম্না থুংনা খুমাং চাউশিনখি, সেক্তরশিং অসিগী দিমান্দ অসি মতম শাংনা থুংহনবা ঙমদনা লাকখিবা অসিনা মখোয়গী সস্তেনেন্স অমসুং রিকবরীগীদমক চুনবা খোঙথাংশিং লৌখৎপীবা মথৌ তাই উৎখি। মখা তানা মখোয়গী চাউনা থবক পীবা ঙম্বগী মপাঙ্গল অমসুং মখোয়না অতোপ্পা সেক্তরশিংগা হকথেংননা অমসুং নাকোইননা মরী লৈনরিবশিং অসি য়েংলগা মখোয়গী রিভাইবেল অসি অপুনবা শেন্মীৎলোন অমুক হন্না ফগৎহন্নবগীদমক তঙাই ফদবা অমসু ওইখি। ইম্ম্যুনাইজেসনগী চাং ৱাংবা, অথিংবশিং থম্লম্বা অদু তপ্না-তপ্না কোমথোরকপা অমসুং অপুনবা শেন্মীৎলোন্দা খুমাং চাউশিল্লকপগা লোয়ননা সেক্তরশিং অসিগী দিমান্দদা সস্তেন্দ গ্রোথকীদমক কন্দিসনশিং থমখি। অহেনবা গরেন্তী কবর অসিনা সেক্তরশিং অসিগী রিকবরীদা মতেং পাংলগনি পানরি।

*******