କେନ୍ଦ୍ର ସରକାର ବୈଧିକ ମାପ ବିଜ୍ଞାନ (ପ୍ୟାକେଟ୍ ସାମଗ୍ରୀ), ନିୟମ ୨୦୧୧ରେ ଏକ ପ୍ରାବଧାନ ନେଇ ପ୍ରସ୍ତାବ ଦେଇଛନ୍ତି, ଯାହା ଅନୁଯାୟୀ ଏକ ବସ୍ତୁ ଯେଉଁଥିରେ ଗୋଟିଏରୁ ଅଧିକ ଉପାଦାନ ରହିଥିବ, ତାହାର ପ୍ୟାକେଟ ସମ୍ମୁଖରେ ବ୍ରାଣ୍ଡ ନାମ/ଲୋଗୋ ସହିତ ସେହି ଉତ୍ପାଦର ଦୁଇ ବା ଦୁଇରୁ ଅଧିକ ପ୍ରମୁଖ ଉପାଦାନର ସଂରଚନା ଘୋଷଣା ହେବ । ଉତ୍ପାଦର ଦୁଇ କିମ୍ବା ଦୁଇରୁ ଅଧିକ ପ୍ରମୁଖ ଉପାଦାନର ଘୋଷଣାରେ ସେହି ବସ୍ତୁର ବିଶିଷ୍ଟ ବିକ୍ରୟ ପଏଣ୍ଟ/ସ୍ୱତନ୍ତ୍ର ବିକି୍ର ପ୍ରସ୍ତାବ (ୟୁଏସପି)ର ପ୍ରତିଶତ/ମାତ୍ରାକୁ ସାମିଲ କରାଯିବ ଏବଂ ଏହା ସେହି ଲିପିର ଆକାରରେ ହେବା ଦରକାର, ଯେଉଁଥିରେ ବିଶିଷ୍ଟ ବିକ୍ରୟ ପଏଣ୍ଟ/ସ୍ୱତନ୍ତ୍ର ବିକି୍ର ପ୍ରସ୍ତାବ (ୟୁଏସପି)ର ବିବରଣୀ ଲେଖାଯାଇଛି । ତେବେ ଏହି ପ୍ରାବଧାନ ଯାନ୍ତ୍ରିକ ଅଥବା ବିଦୁ୍ୟତ ଉତ୍ପାଦ ନିମନ୍ତେ ଲାଗୁ ହେବନାହିଁ ।

ଏହି ପଦକ୍ଷେପ ସେହି ତଥ୍ୟକୁ ଦେଖିବା ପରେ ସାମ୍ନାକୁ ଆସିଛି ଯେ ବିନିର୍ମାଣକାରୀ/ପ୍ୟାକର୍ସ/ଆମଦାନିକାରୀ କିଛି ମହତ୍ତ୍ୱପୂର୍ଣ୍ଣ ଘୋଷଣା କରୁନାହାନ୍ତି ଯେମିତି କି ପ୍ୟାକେଟ ସମ୍ମୁଖରେ ପ୍ରମୁଖତା ଭାବେ ମୁଖ୍ୟ ଉପାଦାନର ମିଶ୍ରଣ । ପ୍ୟାକେଟ ସାମ୍ନାରେ ଉତ୍ପାଦର ବିଶିଷ୍ଟ ବିକ୍ରୟ ପଏଣ୍ଟ/ସ୍ୱତନ୍ତ୍ର ବିକି୍ର ପ୍ରସ୍ତାବ (ୟୁଏସପି)ର ଘୋଷଣା ବିନା ଏହାର ମିଶ୍ରଣ ପ୍ରତିଶତ ନେଇ ଉପଭୋକ୍ତାଙ୍କୁ ସୂଚିତ କରାଯିବା ଅଧିକାରର ବିରୁଦ୍ଧ ।

ବୈଧିକ ମାପ ବିଜ୍ଞାନ (ପ୍ୟାକେଟ ସାମଗ୍ରୀ) ନିୟମ, ୨୦୧୧ ଅନୁସାରେ ଉପଭୋକ୍ତାଙ୍କ ହିତରେ ସମସ୍ତ ପ୍ୟାକେଟ ସାମଗ୍ରୀରେ ବିନିର୍ମାଣକାରୀ/ପ୍ୟାକର୍ସ/ଆମଦାନିକାରୀଙ୍କ ନାମ ଓ ଠିକଣା, ମୂଳ ଦେଶ, ଉତ୍ପାଦର ସାଧାରଣ ବା ଜେନେରିକ ନାମ, ଶୁଦ୍ଧ ମାତ୍ରା, ଉତ୍ପାଦନ ମାସ ବା ବର୍ଷ, ଏମଆରପି, ଉପଭୋକ୍ତାଙ୍କ ହିତ ଆଦି ଭଳି କିଛି ଘୋଷଣାର ବିବରଣୀ ଦିଆଯିବା ବାଧ୍ୟତାମୂଳକ ।

ଉଦାହରଣ ସ୍ୱରୂପ, ଧରିନିଆଯାଉ କୌଣସି ଉତ୍ପାଦକୁ ତାହାର ବିଶିଷ୍ଟ ବିକ୍ରୟ ପଏଣ୍ଟ/ସ୍ୱତନ୍ତ୍ର ବିକି୍ର ପ୍ରସ୍ତାବ ସହିତ ଉପାଦାନ ‘ଏକ୍ସ’ ଏବଂ ‘ୱାଇ’ ରୂପରେ ବିକି୍ର କରାଯାଉଛି । ଏବେ ପ୍ରସ୍ତାବିତ ପ୍ରାବଧାନ ଅନୁସାରେ, ବିନିର୍ମାଣକାରୀ/ପ୍ୟାକର୍ସ/ଆମଦାନିକାରୀଙ୍କୁ ପ୍ୟାକେଟ ସମ୍ମୁଖରେ ମଧ୍ୟ ‘ଏକ୍ସ’ ଓ ‘ୱାଇ’ର ନାମ ତଥା ମିଶ୍ରଣର ଘୋଷଣା କରିବାକୁ ହେବ । ଏହି ପ୍ରକାର ଉପାଦାନଗୁଡ଼ିକୁ ପ୍ରତିଶତରେ ଘୋଷଣା କରାଯିବ, ଯେମିତି କି ‘୫୦%’ ବା ‘୫୦ ପ୍ରତିଶତ’ ଅଥବା ‘ପଚାଶ ପ୍ରତିଶତ’ ସେହି ଲିପି ଆକାରରେ ଯେଉଁଥିରେ ପ୍ୟାକେଟରେ ‘ଏକ୍ସ’ ଓ ‘ୱାଇ’ର ନାମ ଘୋଷଣା କରାଯାଇଛି ।

ବ୍ରାଣ୍ଡ ନାମ ଏବଂ କମ୍ପାନିର ଲୋଗୋ ସହିତ ପ୍ୟାକେଟ ସମ୍ମୁଖରେ ସାମଗ୍ରୀର ଦୁଇ ବା ଦୁଇରୁ ଅଧିକ ପ୍ରମୁଖ ଉପାଦାନକୁ ଘୋଷଣା କ୍ଷେତ୍ରରେ ଉଦ୍ୟୋଗ, ସଂଘ, ଉପଭୋକ୍ତା, ସ୍ୱେଚ୍ଛାକୃତ ଉପଭୋକ୍ତା ସଂଗଠନ ଏବଂ ଅନ୍ୟ ହିତାଧିକାରୀଙ୍କ ସହିତ ସମସ୍ତ ସମ୍ବନ୍ଧିତ/ଭାଗୀଦାରଙ୍କ ଠାରୁ ସାର୍ବଜନୀନ ମତାମତ/ବିଚାର ଆହ୍ୱାନ କରାଯାଇଛି ।

ମତାମତ / ପରାମର୍ଶ ୩୧-୦୮-୨୦୨୨ ପର୍ଯ୍ୟନ୍ତ js-ca[at]nic[dot]in, dirwm-ca[at]nic[dot]in ଏବଂ  ashutosh.agarwal13[at]nic[dot]in ରେ ଅଥବା ନିଦେ୍ର୍ଦଶକ, ବୈଧିକ ମାପ ବିଜ୍ଞାନ, କୃଷି ଭବନ, ନୂଆଦିଲ୍ଲୀ-୦୧ରେ ସିଧାସଳଖ ଭାବେ ପହଞ୍ଚି ଦାଖଲ କରାଯାଇ ପାରିବ ।

SR