প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা মন্ত্রী-মন্দলনা “পেতেন্ত ওফিসশিংগী মথক্তা য়ুজরশিংদা ত্রেদিস্নেল নোলেজ দিজিতেল লাইব্রেরী (তি.কে.দি.এল.) দেতাবেজ পাকশন্না শীজিন্নবগী” অয়াবা পীখ্রে। য়ুজরশিংদা তি.কে.দি.এল.গী দেতাবেজ হাংদোকপা অসি ভারত সরকারনা পাইখৎপা অচৌবা অমসুং খুমাং চাউশিল্লিবা খোঙথাং অমনি। মসি ভারতকী ত্রেদিস্নেল নোলেজকীদমক অনৌবা মঙাল অমা ওইরগনি মরমদি তি.কে.দি.এল. অসিনা লম কয়ামরুমদা লৈরিবা ভারতকী মমল য়াম্লবা পুকৈদা য়ুম্ফম ওইবা রিসর্চ অমসুং দিবেলপমেন্ত অমদি ইনোভেসন্দা শাহৌ পীরগনি। তি.কে.দি.এল. হাংদোকপা অসিনা ন্যু এজুকেসন পোলিসী ২০২০গী মখাদা ভারতীয় জ্ঞান পরম্পরাগী খুত্থাংদা ৱাখল অমদি লৌশিংগী লুচিংবগী মতৌ অদুসু পোকহনগনি।

ভারতকী ত্রেদিস্নেল নোলেজ (তি.কে.)না খুন্নাইগী কান্নবশিং লোয়ননা শেন্মীৎলোনগী শাহৌ পীনদুনা জাতি অমদি মালেমগী মথৌ তাবশিং পীনবগীদমক অচৌবা মপাঙ্গল পীরি। খুদম ওইনা, ঐখোয়গী লৈবাক অসিগী হীদাক-লাংথক অমসুং হকচাং ফনা থম্নবা অরিবা মতমগী পথাপ, মমিং ওইনা পল্লবদা আয়ুর্বেদ, সিদ্ধ, য়ুনানী, সোৱা রিগপা অমসুং য়োগনা ঙসিসু ভারত অমদি মপাল লৈবাক্কী মীওইশিংগী মথৌ তাবশিং থুংহল্লি। হন্দক্তা কোবিদ-১৯ লাইচৎ মনুংদা ইম্ম্যুন কনখৎহন্নবগী হৌরগা লাইওং হন্থহনবা অমদি এন্তি-ভাইরেল ওইবা থৌওং ফাওবগী কান্নবশিং য়াওরিবা ভারতকী অরিবা মতমগী হীদাক লাংথকশিং অসি পাকশন্না শীজিন্নবা উবা ফংখি। চহি অসিগী এপ্রিল থাদা ৱর্ল্দ হেল্থ ওর্গনাইজেসন (দবল্যু.ঐচ.ও.)না ভারত্তা অহানবা ওফ-শোর গ্লোবেল সেন্তর ফোর ত্রেদিস্নেল মেদিসিন্স (জি.সি.তি.এম.) লিংখৎখি। মসিনা মালেমগী হৌজিক থেংনরিবা অমসুং তুংদা লাক্কদবা মথৌ তাবশিং অসি থুংহন্নবা ত্রেদিস্নেল নোলেজকী কান্নবা অদু মখা তানা উৎলি।

পেতেন্ত ওফিসশিংগী মথক্তা দেতাবেজ অসি পাকশন্না শীজিন্নবা য়াহনবদা মন্ত্রী-মন্দলনা অয়াবা পীবা অসিনা ইনোভেসন অমসুং ত্রেদ হেনগৎহন্নবগী মাইকৈদা হৌজিক লৈরিবা প্রেক্তিসশিংগা লোয়ননা ত্রেদিস্নেল নোলেজ অসি ইন্তিগ্রেৎ অমদু কো-ওপ্ত তৌবদা মীৎয়েং থমখি। তি.কে.দি.এল.না নোলেজ অমসুং তেক্নোলোজী ফ্রন্তিয়রশিং খুমাং চাউশিন্নবগীদমক তি.কে. ইনফোর্মেসনগী মরু ওইবা সোর্সশিং ওইনা মথৌ তৌরগনি। তি.কে.দি.এল.গী হৌজিক য়াওরিবা কন্তেন্তশিং অসিনা ভারতকী অরিবা মতমগী হীদাক-লাংথকশিং পাকশন্না শীজিন্নবদা মতেং পাংগনি, লোয়ননা ঐখোয়গী মমল য়াম্লবা লৌশিংগী পুকৈদা য়ুম্ফম ওইবা এন্তর্প্রাইসশিং শেমগৎনবা অনৌবা মেন্যুফেকচর্র অমসুং ইনোভেতরশিংদা শাহৌম পীরি।

বিজিনেসশিং/কম্পনীশিং {হর্বেল হেল্থকিয়র (আয়ুশ, ফার্মাক্যুতিকেল্স, ফাইতোফার্মাক্যুতিকেল্স, অমসুং ন্যুত্রাক্যুতিকেল্স), পর্সনেল কিয়র অমসুং অতোপ্পা এফ.এম.সি.জি.}, রিসর্চ ইন্সতিত্যুসনশিং: পব্লিক অমদি প্রাইবেৎ; এজুকেস্নেল ইন্সতিত্যুসনশিং: এজুকেতরশিং অমসুং মহৈরোয়শিং; অমসুং অতোপ্পশিং: আই.এস.এম. প্রেক্তিস্নরশিং, নোলেজ হোল্দরশিং, পেতেন্তীশিং অমসুং মখোয়গী লিগেল রিপ্রজেন্তেতিবশিং, অমসুং সরকার, অতোপ্পা কয়া য়াওনা তি.কে.দি.এল.না চাউরবা য়ুজর বেজতা মতেং পাংবা ঙমগনি। তি.কে.দি.এল. দেতাবেজ অসি লৈবাক অমসুং মালেমগী য়ুজরশিংদা তাঙ্কক নাইনা হাংদোকপগা লোয়ননা পেদ সবস্ক্রিপসন মোদেল অমগী খুত্থাংদা শীজিন্নবা য়াহনগনি।

তুংলমচৎতা, “৩পি – প্রিজর্বেসন, প্রোতেক্সন অমসুং প্রমোসন”গী মীৎয়েংদগী তি.কে.দি.এল. দেতাবেজতা অতোপ্পা দোমেনশিংদগী ভারতকী ত্রেদিস্নেল নোলেজতা অহেনবা ই-পাউ হাপচিল্লগনি। ভারতকী ত্রেদিস্নেল নোলেজকী মতাংদা অরানবা পেতেন্তশিং পীবা ঙাকথোক্নবা মপুং ওইবা মেন্দেৎ অসি থুংহন্দুনা তি.কে.দি.এল. দেতাবেজনা মশা-মউ ফবা অমসুং তেক্নোলোজীগী মতিক-ময়াই চেনবা মীওই কাংলুপ অমগীদমক হেন্না ফবা, শাফবা অমসুং হেন্না কান্নগদবা সোল্যুসনশিংগীদমক ইনোভেৎ তৌনবা ক্রিএতিব মাইনশিং পুথোকহনগনি। ভারতকী মমল য়াম্লবা পুকৈ অসিনা অনৌবা সামাজিক-শেন্মীৎলোন চাউখৎহনবগী মপাঙ্গল কনবা য়ুম্ফম অমা থোল্লগনি।

তি.কে.দি.এল.গী মরমদা: ত্রেদিস্নেল নোলেজ দিজিতেল লাইব্রেরী (তি.কে.দি.এল.) অসি কাউন্সিল ওফ সাইন্তিক এন্দ ইন্দস্ত্রিএল রিসর্চ (সি.এস.আই.আর.) অমসুং দিপার্তমেন্ত ওফ ইন্দিয়ন সিস্তেম্স ওফ মেদিসিন এন্দ হোমিওপেথী (আই.এস.এম. এন্দ ঐচ, হৌজিক্না আয়ুশ মন্ত্রালয় কৌরবা) অনিনা পুন্না ইং কুমজা ২০০১দা হৌদোকখিবা ভারতকী ত্রেদিস্নেল নোলেজকী প্রায়র আর্ত দেতাবেজ অমনি। তি.কে.দি.এল. অসি মালেমগী ওইনা মখল অসি অহানবনি অমসুং মসিনা অতোপ্পা লৈবাকশিংগীদমক ফীদম্নফম ওইবা মোদেল অমা ওইখি। তি.কে.দি.এল.দা আয়ুর্বেদ, য়ুনানী, সিদ্ধ, সোৱা রিগপা অমসুং য়োগ অসিগুম্বা হৌজিক লৈরিবা আই.এস.এম.গা মরী লৈনবা সহিত্যাগা মরী লৈনবা ই-পাউ য়াওরি। ই-পাউ অসি মালেমগী লোল মঙাী, ইংলিশ, জর্মন, ফ্রেঞ্চ, জাপানিস অমসুং স্পেনিশ, দিজিতাইজ ফোর্মেৎ অমদা দোক্যুমেন্ত তৌখি। তি.কে.দি.এল.না পেতেন্তশিং লান্না পীবা ঙাকথোক্নবগীদমক মালেম শিনবা থুংবদা পেতেন্ত ওফিসশিংদা লৈরিবা পেতেন্ত একজামিনরশিংনা খঙগদবা লোলশিং অমসুং ফোর্মেৎতা ই-পাউ পীরি। হৌজিক ফাওবদা থীবা-হুম্বা অমসুং একজামিনেসনগী হীরমশিংগীদমক মালেম শিনবা থুংবদা লৈরিবা পেতেন্ত ওফিস ১৪দা খক্তা তি.কে.দি.এল. দেতাবেজ মপুং ফানা শীজিন্নবা য়াহল্লি। তি.কে.দি.এল.গী খুত্থাংদা পীরিবা দিফেন্সিব প্রোতেক্সন অসিনা মিসএপপ্রোপ্রিএসন্দগী ভারতকী ত্রেদিস্নেল নোলেজ ঙাকশেনবদা কান্নহনখি অমসুং গ্লোবেল বেঞ্চমার্ক অমা ওইনা লৌখি।

*****