ইতানগরদা ওগস্ত ১৮-১৯, ২০২২দা “ব্রিঙ্গিং সিতিজেন্স এন্দ গভর্নমেন্ত ক্লোজর থ্রু এদমিনিস্ত্রেতিব রিফোর্মস” হায়বা থিম অসিদা নুমিৎ নিনিগী ওইবা রিজনেল কনফরেন্স অমা পাঙথোক্লগনি। রিজনেল কনফরেন্স অসি অরুনাচল প্রদেশ সরকারগা লোয়ননা চুংশিন্নদুনা এদমিনিস্ত্রেতিব রিফোর্মস অমসুং পব্লিক গ্রিভান্সেস বিভাগনা পাঙথোকপনি।

সাইন্স অমসুং তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); আর্থ সাইন্সেসকী কেন্দ্রগী রাজ্য মন্ত্রী (ইন্দিপেন্দেন্ত চার্জ); এম.ও.এস., পি.এম.ও., পর্সনেল, পব্লিক গ্রিভান্সেস, পেনসন্স, এতিমিক ইনর্জী অমসুং স্পেস, দা. জিতেন্দ্র সিংহনা অরুনাচল প্রদেশকী মুখ্য মন্ত্রী শ্রী পেমা খান্দু অমসুং অরুনাচল প্রদেশকী উপ মুখ্য মন্ত্রী শ্রী চৌনা মেনগা লোয়ননা নুমিৎ নিনিগী ওইবা থৌরম অসি হৌদোক্কনি।

মথংগী চহি ৫ অসিদা অরুনাচল প্রদেশ এদমিনিস্ত্রেতিব সর্ভিসেসকী সরকারগী ওফিসর ৫০০গীদমক গভর্নান্সকী মিদ-কেরিয়র বিল্দিং প্রোগ্রামশিং পাঙথোক্নবগীদমক অরুনাচল প্রদেশ সরকারগা লোয়ননা এদমিনিস্ত্রেতিব রিফোর্মস অমসুং পব্লিক গ্রিভান্সেস বিভাগ (দি.এ.আর.পি.জি.)গী নেস্নেল সেন্তর ফোর গুদ গভর্নান্স (এন.সি.জি.জি.)গা এম.ও.য়ু. অমা খুৎয়েক পীনগনি।

নুমিৎ ২গী থৌর অসিদা মখাদা পীরিবা সেসনশিং অসিদা প্রজেন্তেসনশিং পীগনি:(i) গভর্নান্সতা রিফোর্মশিং পুরকপা; (ii) পব্লিক গ্রিভান্স রিদ্রেসেল অমসুং এন.ই. রাজ্যশিংদা ই-ওফিস; (iii) অৱাং নোংপোক্কী রাজ্যশিংদা গুদ গভর্নান্সকী প্রেক্তিসশিং; v) দিস্ত্রিক্ত গুদ গভর্নান্স ইন্দেক্স অমসুং (v) গুদ গভর্নান্সকী প্রেক্তিসশিং।

কনফরেন্স অসি ভারতকী অৱাং নোংপোক থংবা রাজ্যশিং অমসুং নোংপোক থংবা রাজ্যশিংগী রিজনগীদমক্তা পাঙথোকপনি। পান-ইন্দিয়াদগী দেলিগেৎ ৩০০ হেনবনা কনফরেন্স অসিদা শরুক য়াগনি পানরি। কনফরেন্স অসি সেমি-ভর্চুএল মোদতা পাঙথোক্কনি।

কনফরেন্স অসি কেন্দ্র, রাজ্য অমসুং জিলাগী থাক্তা তোঙান-তোঙানবা এদমিনিস্ত্রেতিব রিফোর্মশিং পুরকপগী খুত্থাংদা সরকার অমদি প্রজাশিংবু নকশিন্নহন্নবা খোঙথাং অমনি। সরকারগী থৌওংদা রি-ইঞ্জিনীয়রিং তৌবা, ই-সর্ভিসশিংদা য়ুনিভর্সেল এক্সেস ফংহনবা, জিলাগী থাক্তা দিজিতেল ইনিসিএতিবশিংদা মাইপাকহনবা অমসুং অনৌবা তেক্নোলোজীশিং শীজিন্নবদা মাইপাকপা অমসুং আই.সি.তি. মেনেজমেন্ত শীজিন্নবা অসি য়াওহন্দুনা “মেক্সিমম গভর্নান্স, মিনিমম গভর্নমেন্ত” হায়বা পোলিসীগী পান্দমগা লোয়ননা নেক্স জেনরেসন রিফোর্মশিং অমসুং ইনোভেসনশিং ফংনবা দিজিতেল তেক্নোলোজী শীজিন্নবা অসিনা মসিগী ফেক্তর ওইরি।

এ.আর.পি.জি.গী জোইন্ত সেক্রেতরী শ্রী এন.বি.এস. রাজপুতনা তরাম্না ওকপগী ৱারোল পীগনি। তরাম্না ওকপগী ৱারোল পীরবা মতুংদা অরুনাচল প্রদেশ সরকারগী চীফ সেক্রেতরী শ্রী ধর্মেন্দ্র; দোনরগী সেক্রেতরী শ্রী লোক রঞ্জন অমসুং এ.আর.পি.জি.গী সেক্রেতরী, শ্রী ভি, শ্রীনিবাসনা হৌদোকপগী সেসন্দা ৱা ঙাংগনি। দি.এ.আর. এন্দ পি.জি.না পুথোকপা অৱাং নোংপোক লমদা পীখিবা পি.এম. এৱার্দেদ ইনিসিএতিবস ২০২১দা ফিল্ম অমা উৎকনি। হৌদোকপগী সেসন মনুংদা অরুনাচল প্রদেশ সরকারগী সেক্রেতরী (এ.আর.), শ্রী অজয় চাগতিনা থাগৎপা ফোঙদোকপগী ৱারোল থমগনি।

<><><><><>