কোইলা মন্ত্রালয়
কেন্দ্রগী মন্ত্রী শ্রী প্রলহাদ জোশীনা হর ঘর তিরঙ্গা কেম্পেন পালন তৌনবা জাতিগী ফিরাল চীংখৎখ্রে
Posted On:
13 AUG 2022 5:52PM by PIB Imphal
পার্লিয়ামেন্তরী এফিয়র্স, কোল অমসুং মাইন্সকী কেন্দ্রগী মন্ত্রী শ্রী প্রলহাদ জোশীনা হর ঘর তিরঙ্গা লমজিংদুনা ঙসি কর্নতকাগী ধার্ৱাদ কেন্দ্রদা লৈবা মহাক্কী য়ুমদা জাতিগী ফিরাল চীংখৎখি। কোল অমসুং মাইন্স মন্ত্রালয়শিংগী কর্মচারীশিং অমসুং পি.এস.য়ু.শিং/সবওর্দিনেৎ ওফিসশিংনা মখোয়গী ময়ুমশিং অমসুং লৈবাক শিনবা থুংবদা লৈরিবা তাউনশিপশিংদা জাতিগী ফিরাল চীংখৎখি। শ্রী প্রলহাদ জোশীনা কোল অমসুং মাইন্স মন্ত্রালয়শিং অমসুং পি.এস.য়ু,শিংগী কর্মচারীশিং, স্তাফ মেম্বরশিং অমসুং কন্ত্রেক্ত ৱার্করশিংদা লৈবাক নীংবগী অমসুং থৱায় য়াওবা মওং অমদা ‘হর ঘর তিরঙ্গা’ পালন তৌবা য়াওনবা হায়খি।
ভারতনা নীংতমলকপগী চহি ৭৫শুরকপগী নুংঙাইবা ফোঙদোক্নবা হৌজিক চত্থরিবা আজাদী কা অমৃত মহোৎসব পালন তৌবগী শরুক ওইনা প্রধান মন্ত্রী শ্রী নরেন্দ্র মোদীনা প্রজাশিংদা নীংতম নুমিৎতা মখোয়গী য়ুমশিংদা জাতিগী ফিরাল চীংখৎতুনা ‘হর ঘর তিরঙ্গা’ অভিয়ান্দা য়াওশিন্নবা হায়খি।
![https://static.pib.gov.in/WriteReadData/userfiles/image/image00165JI.jpg](https://static.pib.gov.in/WriteReadData/userfiles/image/image00165JI.jpg)
প্রধান মন্ত্রীগী অপাম্বা অদু তুং ইল্লদুনা পব্লিক সেক্তর অন্দরতেকিংস (পি.এস.য়ু.শিং)গা লোয়ননা কোল অমসুং মাইন্স মন্ত্রালয়শিংদা কর্মচারীশিং, ইমুং-মনুংগী মীওইশিং অমসুং প্রজাশিংগী মরক্তা লৈবাক নীংবগী ৱাখল্লোন পোকহন্নবা কেম্পেন অসিদা শরুক য়ানবা পাউতাক পীখি।
মন্ত্রী শ্রী প্রলহাদ জোশিগী লুচিং মখাদা কোল অমসুং মাইন্স মন্ত্রালয়শিং অমসুং পি.এস.য়ু,শিংগী কর্মচারী, স্তাফ মেম্বরশিং অমসুং শিন্মীশিংদা জাতিগী ফিরাল য়েন্থোক্তুনা তিরঙ্গাগী মরমদা এৱের্নেস পীখি। কর্মচারীশিংদা তিরঙ্গাগা লোয়ননা মখোয়গী ফোতো/সেল্ফি পোস্ত তৌনবা অমসুং কলচর মন্ত্রালয়গী ৱেবসাইৎতা অপলোদ তৌনবা পুক্নিং থৌগৎখি।
কোল ইন্দিয়া লিমিরেদ (সি.আই.এল.) অমসুং মাগী সবসিদিয়রীশিংনা এন.এ.এল.সি.ও., ঐচ.সি.এল., এম.ই.সি.এল.,গা লোয়ননা ‘হর ঘর তিরঙ্গা’ কেম্পেনগী শরুক ওইনা থৌরম অমসুং এক্তিবিতী কয়া পাঙথোকখি। কোল অমসুং মাইন্স মন্ত্রালয়শিং অমসুং পি.এস.য়ু. কয়ামরুমনা মখোয়গী কর্মচারীশিং অমসুং শিন্মীশিংদা জাতিগী ফিরাল য়েন্থোকখি অমসুং ভারতজূ ৭৫শুবা নীংতম নুমিৎ পালন তৌনবা মখোয়গী য়ুমশিংদা ওগস্ধ ১৩দগী ১৫ ফাওবা ফিরাল চীংখৎনবা পুক্নিং থৌগৎখি।
কোল অমসুং মাইনিং পি.এস.য়ু.শিংনা লৈবাক নীংবগী ৱাখল্লোনগা লোয়ননা শরুক য়ানবা কর্মচারীশিংদা পুক্নিং থৌগৎনবা অমসুং ভারত মচা খুদিংমক্তা মখোয়গী য়ুমশিংদা জাতিগী ফিরাল চীংখৎনবা ইথিল পীনবা অমসুং মসিবু মীয়ামগী ইহৌ ওইহনবগীদমক ক্বিজ কম্পিতিসনগুম্বা এক্তিবিতী কয়ামরুম পাঙথোক্লি, ‘হর ঘর তিরঙ্গা’গী ব্রান্দিং অমসুং হোর্দিংশিংগা লোয়ননা ওফিসশিংদা সেল্ফি বুথ থম্লি। লৈবাক অসিগী তোঙান-তোঙানবা শরুকশিংদা লৈবা কোল অমসুং মাইন্স পি.এস.য়ু.শিং/সবওর্দিনেৎ ওফিসশিংদা বাইক রেলীশিং অমসুং সেমিনারশিংসু পাঙথোকখি।
****
(Release ID: 1851651)
Visitor Counter : 139