খোই লোইবা অমসুং মরী লৈনবা থবকশিং ফগৎহন্দুনা প্রধান মন্ত্রী নরেন্দ্র মোদীগী ‘স্বুইত রিভোলুসন’গী পান্দম ফংনবা খোইহি মপান্দা থাদোকপা ঙম্বগী শক্তি অসি হেনগৎহন্নবা রাজ্য সরকারশিং অমসুং লৌমীশিংগা খুৎশম্নদুনা লৈবাক শীনবা থুংনা সরকারনা থৌরম কয়া মথং মথং পাংথোক্কনি।

খোইহি মপান্দা থাদোকপা মীওইশিং, মরী লৈনবা মীওইশিং অমসুং সরকারগী ওফিসিএলশিংগীদমক অপেদা অমসুং কম্মর্স অমসুং ইন্দস্ত্রি মিনিস্ত্রিনা শীন্দুনা অসিগুম্বা থৌরম অমা চান্দিগরদা পাংথোক্কনি। থৌরম অদুদা খোইহি পুথোক্লিবা লৌমীশিংনা মগুন লৈবা পোৎথোক পুথোক্নবা লৌমীশিং পুক্নিং থৌগৎকনি।

খোইহিনা মহৌশাগী ওইনা লায়না ঙাকথোকপা ঙম্বগী শক্তি হেনগৎহনবা অমসুং চিনিগী মহুৎশীনবা য়াবা অমা ওইবনা কোবিদ-১৯ লায়চৎ মতুংদা মালেম শীনবা থুংনা খোইহি শীজিন্নবা হেনগৎলক্লিবা অসি য়েংলগা, অফবা খোইহি পুথোক্তুনা অমসুং অনৌবা লৈবাকশিংদা য়োনফম ফংনবা খোইহি মপান্দা থাদোকপা হেনগৎহন্নবা অপেদানা পান্দম থম্লি। ভারতকী অপুনবা খোইহিগী পোৎথোক্কী চাদা ৮০ হেন্না য়ুনাইতেদ স্তেৎতা য়োল্লি।

খোইহি হেন্না পুথোক্নবা সরকারগী অত্মানির্ভর ভারত থৌরাংগী শরুক অমা ওইনা চহি অহুমগী ওইনা(২০২০-২১দগী ২০২২-২৩) নেসনেল বিকিপ্পিং এন্দ হোনি মিসন(এন বি ঐচ এম)গীদমক লুপা কোতি ৫০০ কাইথোকপা সরকারনা অয়াবা পীখ্রে।

প্রধান মন্ত্রী মোদীগী ‘মন কি বাত’ থৌরমদা অয়ুর্বেদা খোইহিগী মরুওইবগী মতাংদা পনখি। খোইহি অসি শিদা হিদাক অমনি হায়না ফোঙদোকখি। মহাক্না হায়খি শীনফম কয়াদা মহৈ তমলুরবা নহারোক কয়া খোই লোইবা অসি মশা মরোমদোম থবক পীজনবা শীনফম অমা পায়খৎতুনা খোইহি পুথোক্নবগী খুদোংচাবা কয়া লৈরে।

অপেদাগী চিয়ারমেন, দোক্তর এম. অঙ্গামুতুনা হায়খি, অফবা খোইহি মপান্দা থাদোকপা হেনগৎহন্নবা রাজ্য সরকার, লৌমীশিং অমসুং অতোপ্পা মরী লৈনবশিংগা খুৎশম্নদুনা ঐখোয়না থবক তৌরি। খোইহি মপান্দা থাদোকপা হেনগৎহন্নবা লৈবাক কয়ানা থম্লিবা দিউতি শেমদোকহন্নবা ভারতনা ৱারি শানরি।

তোঙান-তোঙানবা স্কিমশিংগী মখাদা মতেং পাংদুনা, ক্বালিতি সর্তিফিকেসন অমসুং লেব তেস্তিংগী খুদোংচাবা পীদুনা খোইহি মপান্দা থাদোক্নবা অপেদানা খোইহি পুথোক্লিবা লৌমীশিংদা মতেং পাংলি। পুথোক-পুশিনগী মমল ৱাংখৎলকপা, খোইহি থাদোকপা মতমদা কন্তেনরশিং মরাং কাইনা ফংদবা, হয়ার নিউক্লিয়ার মেগ্নেতিক রেসোনান্স তেস্তকী মমল ৱাংবা অমসুং মপান্দা থাদোকপগী তেংবাং মতিক চানা ফংদবগী মায়োক্নরিবা খুদোংচাদবশিং কোকহন্নবা এক্সপোর্তরশিংগা লোয়ন্না অপেদানা থবক তৌমিন্নরি।

ভারতনা অহানবা ওইনা ১৯৯৬-৯৭দগী খোইহি মপান্দা থাদোকপা হৌখি অমসুং ২০২১-২২দা য়ু.এস দোল্লর মিল্লিয়ন ১৬৩.৭৩গী খোইহি মেত্রিক তন ৭৪,৪১৩ মপান্দা য়োনখি লোয়ন্না য়ু.এস.এনা খোইহি মেত্রিক তন ৫৯,২৬২ লৈখি। ভারতকী খোইহি লৈরিবা মরুওইবা লৈবাকশিংগী মনুংদা য়ু.এ.ই, সাউদি অরাবিয়া, নেপাল, মোরোকো, বাংলাদেস অমসুং ক্বাতর য়াওরি।

২০২০দা মালেমগী লৈবাক কয়াদা খোইহি মেত্রিক তন লাখ ৭.৩৬ থাদোকখি অমসুং লৈবাক অসিনা মালেমগী ওইনা খোইহি পুথোকপদা ৮শুবা মফমদা অমসুং খোইহি মপান্দা য়োনবদা ৯শুবদা লৈখি। ২০২০দা খোইহি মেত্রিক তন মিল্লিয়ন ১.৬২ পুথোকখি অমসুং খোইহি অসি লৌউ-শিংউগী পাম্বীশিং, লম্লক্তা হৌবা লৈশিং অমসুং উমংগী উশিংদগী পুথোকপনি।

ভারত্তা অৱাং-নোংপোক লমদম অমসুং মহারাস্ত্রানা খোইহি পুথোকপা মরুওইবা মফমশিং ওইরি অমসুং ভারতনা পুথোকপা খোইহিগী চাদা ৫০ লৈবাক অসিনা শীজিন্নৈ অমসুং লেমহৌরিবা পোৎথোকশিং মালেমগী লৈবাকশিং য়োনখি।

দি.জি.সি.আই.এস, অপেদাগী মতুংইন্না এপ্রিল-জুন ২০২২ মনুংদা য়ু.এস দোল্লর বিল্লিয়ন ৭.৪১গী খোইহি মপান্দা থাদোকখি, মসি হৌখিবা চহিগী চপ মান্নবা মতম অসিগা চাংদম্নবদা য়ু.এস.দোল্লরগী ওইনা চাদা ৩০.৮ হেনগৎলবনি।

*****