نئی دہلی میں 10 اگست 2022 کو دوسری ہند-بنگلہ دیش تینوں مسلح افواج کے عملہ کی بات چیت (ٹی ایس ایس ٹی) منعقد ہوئی۔ میٹنگ کی مشترکہ صدارت ہندوستان کی جانب سے ڈپٹی اسسٹنٹ چیف آف انٹیگریٹڈ اسٹاف، آئی ڈی سی(اے)، ہیڈکوارٹر انٹیگریٹڈ ڈیفنس اسٹاف (آئی ڈی ایس) بریگیڈیئر وویک نارنگ اور بنگلہ دیش کی جانب سے ڈائریکٹر جنرل آپریشن اینڈ پلان ڈائریکٹوریٹ آرمڈ فورس ڈویژن بریگیڈیئر جنرل حسین محمد رحمان نے کی۔

میٹنگ دوستانہ، گرمجوشی اور خوشگوار ماحول میں ہوئی۔ بات چیت میں تینوں خدمات کے موجودہ دوطرفہ دفاعی تعاون کے میکانزم کے دائرہِ عمل میں جاری اور نئے اقدامات کے علاوہ دو طرفہ دفاعی مصروفیات کو مزید مضبوط بنانے پر توجہ مرکوز کی گئی۔

ٹی ایس ایس ٹی ایک ایسی مجلس ہے جو ہیڈکوارٹر آئی ڈی ایس اور بنگلہ دیش کی مسلح افواج ڈویژن کے درمیان حکمت اور عمل کی سطحوں پر باقاعدہ بات چیت کے ذریعے دونوں ممالک کے درمیان دفاعی تعاون کو فروغ دینے کے لئے تشکیل دی گئی ہے۔

***

ش ح۔ع س۔ ک ا

(Release ID: 1850788) Visitor Counter : 107