خواتین اور بچوں کی ترقی کی وزیر محترمہ اسمرتی زوبن ایرانی نے آج ایتھوپیا کی خواتین اور سماجی امور کی وزیر ڈاکٹر ایرگوگے ٹیسفائے ولڈامیسکل سے ملاقات کی۔ عزت مآب وزیر نے اپنے ہم منصب کو انڈین کونسل فار کلچرل ریلیشنز (آئی سی سی آر) کا ممتاز الومنی ایوارڈ حاصل کرنے پر مبارکباد پیش کی جو ہندوستان اور ایتھوپیا کے درمیان افہام و تفہیم، خیر سگالی اور دوستی کو فروغ دینے میں ان کی شاندار شراکت کے اعتراف میں دیا گیا ہے۔

وزراء نے خواتین کو بااختیار بنانے اور صنفی مساوات سے متعلق مختلف امور کے ساتھ ساتھ باہمی تعاون کے لیے خواتین کو بااختیار بنانے سے متعلق باہمی دلچسپی کے شعبوں پر تبادلہ خیال کیا۔ بات چیت کے دوران، عزت مآب وزراء نے خواتین کو سماجی، سیاسی اور معاشی طور پر بااختیار بنانے کے لیے اقدامات، پالیسیوں اور بہترین طور طریقوں کو اجاگر کر کے خواتین کی زندگیوں میں تبدیلی لانے کی خاطر اہم امور پر تبادلہ خیال کیا۔

 

ایتھوپیا کی وزیر نے خواتین کو بااختیار بنانے سے متعلق مختلف اقدامات کے لیے حکومت ہند کی کاوشوں کی بھی ستائش کی۔

دونوں وزراء نے خواتین اور بچوں کے حقوق کے فروغ کے لیے دو طرفہ اور کثیرالجہتی فورمز پر بات چیت جاری رکھنے پر اتفاق کیا۔

*****

 

U.No.9001

(ش ح – ع ح)

 

(Release ID: 1850748) Visitor Counter : 177