ہندوستان کے اندر 5G ایکو سسٹم کو فروغ دینے اور آتم نربھر بھارت اور میک ان انڈیا پہل کے مقاصد کو حاصل کرنے کے مقصد کے ساتھ، حکومت ہند نے حکومت ہند کے تسلیم شدہ اسٹارٹ اپس اور MSMEs کو اگلے چھ ماہ کے لیے جنوری، 2023 تک دیسی 5G ٹیسٹ بیڈ کے مفت استعمال کی پیشکش کرنے کا فیصلہ کیا ہے۔ یہ دیگر تمام اسٹیک ہولڈروں کے لیے انتہائی معمولی شرح پر دستیاب ہے۔ ٹیلی کمیونیکیشن ڈیپارٹمنٹ، حکومت ہند نے تمام 5G اسٹیک ہولڈروں یعنی صنعت، اکیڈمیا، سروس فراہم کنندہ، R&D اداروں وغیرہ سے 5G ٹیسٹ بیڈ کی سہولیات اور مہارت کو استعمال کرنے کی تاکید کی ہے۔ دلچسپی رکھنے والے، 5G ٹیسٹ بیڈ تک رسائی اور استعمال کرنے کے لیے ویب پورٹل https://user.cewit.org.in/5gtb/index.jsp کے ذریعے درخواست دے سکتے ہیں۔

ہندوستان کی مخصوص ضروریات کو مد نظر رکھتے ہوئے اور 5G کی تعیناتی میں آگے بڑھنے کے لیے، محکمہ ٹیلی کمیونیکیشن (DoT) نے مارچ، 2018 میں ہندوستان میں ’دیسی 5G ٹیسٹ بیڈ‘ قائم کرنے کے ملٹی انسٹی ٹیوٹ کے تعاون پر مبنی پروجیکٹ کے لیے مالی گرانٹ کی منظوری دی جس کی کل لاگت 224 کروڑ روپے ہے۔ پروجیکٹ میں تعاون کرنے والے آٹھ ادارے IIT (انڈین انسٹی ٹیوٹ آف ٹیکنالوجی) مدراس، IIT دہلی، IIT حیدرآباد، IIT  بمبئی، IIT کانپور، IISc بنگلورو، سوسائٹی فار اپلائیڈ مائکروویو الیکٹرانکس انجینئرنگ اینڈ ریسرچ (SAMEER) اور سنٹر آف ایکسیلنس ان وائرلیس ٹیکنالوجی (CEWiT) ہیں۔

دیسی 5G ٹیسٹ بیڈ 17 مئی 2022 کو عزت مآب وزیر اعظم جناب نریندر مودی نے قوم کو وقف کیا تھا۔ ٹیسٹ بیڈ تک رسائی اور استعمال کے لیے ایک ویب پر مبنی پورٹل (https://user.cewit.org.in/5gtb/index.jsp) بھی ڈیزائن کیا گیا ہے۔

5G ٹیسٹ بیڈ پانچ جگہوں پر دستیاب ہے یعنی، CEWiT/IIT مدراس میں انٹیگریٹڈ ٹیسٹ بیڈ اور دیگر ٹیسٹ بیڈ IIT دہلی، IIT حیدرآباد، IIT کانپور اور IISc بنگلورو میں ہیں۔ CEWiT /IIT مدراس RAN لیول، PHY لیول وغیرہ اور دیگر ٹیسٹ آلات کے لیے مختلف ٹیسٹنگ خدمات کے ساتھ اینڈ ٹو اینڈ ٹیسٹ بیڈ پیش کرتا ہے۔ IIT حیدرآباد میں gNB ٹیسٹنگ، UE ٹیسٹنگ، اینڈ ٹو اینڈ انٹرآپریبلٹی ٹیسٹنگ اور NB-IoT ٹیسٹنگ کی سہولیات موجود ہیں، جب کہ IISC بنگلورو V2X اور 5G اوپن سورس ٹیسٹ بیڈ کی میزبانی کرتا ہے، IIT کانپور بیس بینڈ ٹیسٹ بیڈ کی میزبانی کرتا ہے اور IIT دہلی NB-IoT اور VLC ٹیسٹ بیڈ کی میزبانی کرتا ہے۔

اس دیسی ٹیسٹ بیڈ کی ترقی 5G ٹکنالوجی ڈومین میں ہندوستان کے خود انحصار بننے اور اب 5G آتم نربھر بھارت کی طرف لے جانے کے لیے ایک اہم سنگ میل ہے۔ یہ ٹیسٹ بیڈ ہندوستانی اسٹارٹ اپس، ایم ایس ایم ای، R&D، اکیڈمیا اور صنعت کے صارفین کے ذریعہ تیار کیے جانے والے 5G پروڈکٹس کی جانچ اور توثیق کے لیے مقامی صلاحیت فراہم کر رہا ہے۔ اس کے نتیجے میں بہت زیادہ لاگت کی کمی اور ڈیزائن کا وقت کم ہوا ہے جس کی وجہ سے ہندوستانی 5G پروڈکٹس کے عالمی سطح پر مارکیٹ میں مسابقتی بننے کا امکان ہے۔

اس ٹیسٹ بیڈ کی ترقی کے نتیجے میں بہت سی 5G ٹیکنالوجیز/IPs کی ترقی بھی ہوئی ہے جو صنعت کے کھلاڑیوں کو ٹیکنالوجی کی منتقلی کے لیے دستیاب ہیں جو صنعت کے کھلاڑیوں کو ہندوستان میں 5G کی ہموار اور تیز رفتار تعیناتی کے لیے سہولت فراہم کرے گی۔

                                        **************

ش ح۔ ف ش ع-م ف

08-08-2022

U: 8904

(Release ID: 1850117) Visitor Counter : 164