রোদ শো, ব্যুজিনেস সম্মিত, কনভেন্সন, সেমিনার, ৱর্কশোপ অমসুং অখন্নবা মিদিয়া কেম্পেন্নচিংবগী খুত্থাংদা অৱাং নোংপোক লমদমগী চাংদম্ননীংঙাই ওইবা মপাঙ্গল অমসুং তৌবা ঙম্বগী মতিকশিংবু হেন্না চাউখৎহনবগী ৱাহৌদোকপু অৱাং নোংপোক লমদমগী চাউখৎ-থৌরাং মন্ত্রালয়না “এন.ই.সি.গী স্কিম”গী মখাদা শৌগৎখ্রে। অৱাং নোংপোক্কী আর্তিস্ত অমসুং আর্তিসানশিংনা শরুক য়াদুনা এন.ই.আর.গী নীংথিরবা আর্ত অমসুং কলচরবু উৎলিবা পাক চাউরবা প্রোমোস্নেল শো অমা ওইরিবা, “দেস্তিনেসন নোর্থ ইস্ত” অসি চন্দিগর (ইং ২০১৭), দিল্লী (ইং ২০১৮) অমসুং ভরানসী (ইং ২০১৯)গুম্বা শহরশিংদা বি.২.বি. ইন্তররেক্সনগী খুদোংচাবা কয়াগা লোয়ননা মায় পাক্না পাংথোকখি। মখা তাবা ওইনা, অৱাং নোংপোক রাজ্য ৮গী আর্তিস্ত অমসুং আর্তিসানশিংনা শরুক য়াদুনা এপ্রিল ১০-১৩, ২০২২দা গুজরাতকী মাধবপুরদা পাংথোকখিবা মাধবপুর ঘেদ কুহ্মৈদা অরুনাচল প্রদেশ প্রদেশকী মীওই ৮৪না রানি রুকমিনিগী ইমুং-মনুংগী শরুক অমা ওইনা শরুক য়াখি।

মখা তাবা ওইনা, ভারত সরকারগী কলচর মন্ত্রালয়না শেন্থং পীথবা নেস্নেল কলচরেল এক্সচেঞ্জ প্রোগ্রাম (এন.সি.ই.পি.)গী মখাদা পর্ফোরমিং আর্ত, একজিবিসন, য়াত্রানচিংবগী তোঙানবা কুহ্মৈ কয়াসু মেম্বর রাজ্যশিংদা পাংথোকখি। অতোপ্পা জোন/রাজ্যশিংগী আর্তিস্তশিংসু হায়রিবা থৌরমশিংদা শরুক য়ানবা পাউজেল পীখি অমসুং ভারতকী তোঙানবা অমসুং ইনাক খুল্লবা কলচরবু মীচম মীয়ামদা খঙহনবগী মথক্তা কলচরগী ওইবা মরী লান্নবগী ফম্বাক অমসু পীখি।

এজুকেসন মন্ত্রালয়না আজাদী কা অমৃত মহোৎসব (এ.কে.এ.এম.)গী বেন্নর মখাদা, ‘এ.কে.এ.এম. – এক ভারত শ্রেস্থ ভারত (ই.এস.বি.এস.)’কী থৌওংসু হৌদোকখি। প্রোগ্রাম অসিনা মহৈরোইশিংদা মখোয়গা পুংবা শেম্লিবা রাজ্য/য়ু.তি.শিংদা (ই.এস.বি.এস.কী পুংবা শেম্বগী মেত্রিক্সকী মখা পোন্না) চৎপগী খুদোংচাবসু পীগনি। থৌওং অসিগী পাক চাউবা পান্দমদি জুন-সেপ্তেম্বর ২০২২গী মনুংদা স্কুলগী মহৈরোই ৭৫০ অমসুং কোলেজকী মহৈরোই ৭৫০ পুন্না মখোয়গী পুংবা শেম্লবা রাজ্যশিংদা নুমিৎ ৫নিগী (চত্থোক চৎশিনগী মতম থাদনা) খোঙচৎ চৎহনবনি অমসুং খোঙচৎ অসিগী মনুংদা মখোয়না চৎলিবা রাজ্য/য়ু.তি.শিংগী তোঙান-তোঙানবা সোসিও-কলচরেল অমসুং অতোপ্পা হীরম কয়াগী ফর্স্ত হেন্দ এক্সপেরিএন্স মখোয়না ফংগনি।

স্কিল দিভেলপমেন্ত অমসুং ওন্তোপ্রিনরশিপ মন্ত্রালয় (এম.এস.দি.ই.)না স্কিল ইন্দিয়া মিসনগী মখাদা চাউখৎ-থৌরাং পুরকপা ঙম্বগী মতিক লৈবা লৈবাক্কী নহাশিংদা স্কিল দিভেলপমেন্ত ত্রেনিং পীনবা প্রধান মন্ত্রী কোশল বিকাস য়োজনা (পি.এম.কে.ভি.ৱাই.) কৌবা ফ্লেগশিপ স্কিম অমা হৌদোকখ্রে। পি.এম.কে.ভি.ৱাই.না হেক হৌদোকপদগী, হায়বদি ইং ২০১৫দগী, ৩০/৬/২০২২ ফাওবগী মনুংদা অৱাং নোংপোক লমদমগী রাজ্যশিংগী ওইনা শোর্ত তর্ম ত্রেনিং (এস.তি.তি.)গী মখাদা কেন্দিদেত লাখ ৪.৪১ ত্রেনিং তৌখ্রে অমসুং রিকোগনিসন ওফ প্রাইয়র লর্নিং (আর.পি.এল.)গী মখাদা কেন্দিদেত লাখ ৭.২৫বু মশাগা চুনবা লম্বীদা চৎহনখ্রে। মখা তারকপদা, স্কুল এজুকেসন অমসুং লিতরেসী বিভাগনা ‘সামাগ্র শিক্ষা’গী কেন্দ্রনা স্পোন্সর তৌবা স্কিমগী মখাদা “ভোকেস্নেলাইজেসন ওফ স্কুল এজুকেসন”বু থবক ওইনা পাংথোক্লি। স্কিম অসিগী মখাদা, নেস্নেল স্কিল্স ক্বালিফিকেসন ফ্রেমৱর্ক (এন.এস.ক্যু.এফ.)কা চুনবা ভোকেস্নেল কোর্সশিংবু মখোয়না কোনবা স্কুলশিংগী ক্লাস ৯দগী ১২ ফাওবগী মহৈরোইশিংদা ফংহল্লি। কম্ম্যুনিকেসন স্কিল, সেল্ফ-মেনেজমেন্ত স্কিল, ইনফোর্মেসন অমসুং কম্ম্যুনিকেসন তেক্নোলোজী স্কিল, ওন্তোপ্রিনর্শিপ স্কিল অমসুং গ্রীন স্কিল য়াওবা ভোকেস্নেল কোর্সশিংদা ইমপ্লোএবিলিতী স্কিল মোদ্যুলনা য়াওদ্রবা য়াদ্রবা শরুক অমা ওইরি।

ৱাফম অসি অৱাং নোংপোক লমদমগী চাউখৎ-থৌরাং মন্ত্রালয়গী মন্ত্রী, শ্রী জি. কিশন রেদ্দীনা ঙসি লোক সভাদা অইবা পাউখুম ওইনা পীখিবনি।

***************

(রিলিজ আই.দি.: 1849862) ভিজিতর কাউন্তর : 152