قوم کے نوجوانوں کے ساتھ جڑنے اور ان میں حب الوطنی کا گہرا احساس پیدا کرنے کے مقصد کے ساتھ، ثقافت کی وزارت نے امرت مہوتسو کی زیادہ سے زیادہ رسائی کے لیے ’بڑھے چلو‘ کے نام سے نوجوانوں پر مرکوز ایکٹیویشن بنانے کا فیصلہ کیا ہے۔ اسے ملک کے نوجوانوں کو شامل کرنے کے لیے ڈیزائن کیا گیا ہے، تاکہ وہ آگے آنے اور ہماری جمہوریت کی حقیقی روح کو اپنے اندر سمیٹنے اور بھارت کی آزادی کے 75 سال کو جوانی کے جوش کے ساتھ منانے کی ترغیب دے۔

’آزادی کا امرت مہوتسو‘ ترقی پسند بھارت کے 75 سال اور اس کے لوگوں، ثقافت اور کامیابیوں کی شاندار تاریخ کا جشن منانے اور اسے یاد کرنے کے لیے حکومت کی ایک پہل ہے۔ وزارت ثقافت بھارت میں فن اور ثقافتی ورثے کو فروغ دینے کے لیے ذمہ دار ہے اور اس نے ’آزادی کا امرت مہوتسو‘ کے تحت بہت سے اقدامات کیے ہیں۔

اس عوامی تحریک یا ’جن بھاگیداری‘ پہل کے ذریعے، وزارت ثقافت بھی ’ہر گھر ترنگا‘ تحریک کو وسعت دینے اور اس کی حمایت کرنے کا ارادہ رکھتی ہے۔ یہ تحریک عزت مآب وزیر اعظم اور وزیر داخلہ نے شروع کی ہے اور یہ ہر بھارتی سے 13 سے 15 اگست 2022 کے درمیان اپنے گھروں پر ترنگا لہرانے کی درخواست کرتی ہے۔

ملک بھر کے نوجوانوں اور لوگوں کو ایک پلیٹ فارم پر جوڑنے اور ایک ساتھ لانے کے لیے، بڑھے چلو، فلیش ڈانسز پر مشتمل ہوگی، جہاں رقاص خاص طور پر تیار کردہ ’یوتھ اینتھم‘ پر پرفارم کریں گے، پُر جوش ترانہ خصوصی طور پر ’بڑھے چلو‘ کے تھیم پر لکھا اور مرتب کیا گیا ہے اور یہ ہر ایک کو آگے آنے اور اپنے گھروں میں ترنگا لہرانے کی ترغیب دیتا ہے۔ یہ جدید اور پرجوش ایکٹیویشن پورے بھارت کے اہم مقامات پر 75 شہروں میں ہونے والے فلیش ڈانسز پیش کرے گا۔ ان فلیش ڈانسز کے ذریعے وزارت کا مقصد امرت مہوتسو کے پیغام اور روح کو تفریحی اور پرجوش انداز میں پھیلانا ہے۔

بڑھے چلو کا انعقاد 5 اگست سے 11 اگست 2022 تک ہر روز 10 شہروں میں کیا جا رہا ہے۔ یہ تقریبات 12 اگست 2022 کو نئی دہلی کے تال کٹورہ اسٹیڈیم میں ایک عظیم الشان اختتامی پروگرام کے ساتھ اختتام پذیر ہوں گی۔ ستاروں سے سجے اس شاندار ایونٹ میں انڈین آئیڈل کے ستارے پون دیپ راجن اور ارونیتا کانجی لال کی پرفارمنس پیش کی جائے گی۔

بڑھے چلو نے آج قومی سطح پر دس مقامات سے آغاز کیا، جس میں سری نگر، جموں و کشمیر میں لال چوک، دہرا دون، اتراکھنڈ میں ایشٹلی ہال، ایٹا نگر، اروناچل پردیش میں آکاش دیپ مارکیٹ، پٹنہ، بہار میں سینٹرل مال، رائے پور میں تیلی بندھا تالاب، چھتیس گڑھ، آندھرا پردیش کے وشاکھاپٹنم میں سی ایم آر مال، راجستھان کے جے پور میں گورو ٹاور، گجرات کی مہاراجہ سیاجی راؤ یونیورسٹی آف بڑودہ، کانپور، اتر پردیش میں کیشو واٹیکا، اور احمد آباد، گجرات میں الفا وَن مال شامل ہیں، جو ہماری قوم کے نوجوانوں کو توانائی بخش رہے ہیں اور حب الوطنی کے پلیٹ فارم پر انھیں جوڑ رہے ہیں۔

بڑھے چلو یقینی طور پر ہر ایک میں حب الوطنی کی شمع روشن کرے گا، اور ہمیں دلوں میں احساس فخر اور سربلندی کے ساتھ اپنے گھروں میں ترنگا لہرانے کی ترغیب دے گا۔

 

******

ش ح۔ م م۔ م ر

U-NO.8752

(Release ID: 1848987) Visitor Counter : 182