কল্চর মন্ত্রালয়
অজাদি কা অমৃত মহোৎসবকী মখাদা ‘বরে চলো’ খোঙজং হৌরে
‘বরে চলো’গী মখাদা সহর ৭৫দা জগোয় কয়া উৎকনি; একামগী মখাদা নহারোলশিংগী থৌরম কয়া পাংথোক্নবা পান্দম থম্লি
Posted On:
05 AUG 2022 6:16PM by PIB Imphal
লৈবাক অসিগী নহারোলগা শম্ননবা অমসুং মখোয়গী মরক্তা মরৈবাক নুংশিবগী ৱাখল্লোন চেনহন্নবা পান্দমগা লোয়ন্না, অমৃত মহোৎসব পাক-চাউনা পাংথোক্নবা ‘বরে চলো’ কৌবা নহারোলশিংগী ওইবা থৌরম অমা পাংথোক্নবা কলচর মিনিস্ত্রিনা ৱারেপ লৌরে। থৌরম অসিনা নহারোলশিং মাঙদা থোরক্নবা অমসুং ঐখোয়গী গনতন্ত্রগী অশেংবা থৌনা লৈহন্নবা অমসুং ভারতনা নিংতম্বা চহি ৭৫শুরকপা থৌরম পাংথোকপদা লৈবাক অসিগী নহারোলশিং শরুক য়াহন্নবা থৌরম অসি শেম্বনি।
‘অজাদি কা অমৃত মহোৎসব’ অসি ভারতনা চহি ৭৫ মাঙলোমদা চঙশিল্লিবা অমসুং লৈবাক অসিগী মীয়াম, কলচর অমসুং মাইপাকপগী ফজরবা পুৱারিশিং হরাও-তয়াম্বা ফোঙদোক্নবা সরকারগী থৌরম অমনি। ভারত্তা আর্ত অমসুং কলচর চাউখৎহন্নবা থৌদাং কলচর মিনিস্ত্রিনা লৌরি অমসুং ‘অজাদি কা অমৃত মহোৎসব’কী মখাদা মিনিস্ত্রি অসিনা থৌরম কয়া পাংথোক্লি।
মসিগী মীয়ামগী খোঙজং নত্ত্রগা ‘জন ভাগিদারি’কী খুৎথাংদা কলচর মিনিস্ত্রিনা ‘হর ঘর তিরঙ্গ’ খোঙজং মতেং পাংলি। মসিগী খোঙজং অসি ইকায়খুম্নরবা প্রধান মন্ত্রী অমসুং হোম মিনিস্তরনা হৌদোকপনি অমসুং অগস্ত ১৩-১৫, ২০২২গী মরক্তা ভারতমচা খুদিংমক্না মখোয়গী য়ুমদা মচু অহুমগী ফিরাল অমা পাইহনগদবনি।
লৈবাক শীনবা থুংনা লৈরিবা নহারোলশিং অমসুং মীয়াম শম্নবা ঙম্নবা অমসুং মফম অমদা পুনশিনবা ঙম্নবা বরে চলোগী জগোয়শিং উৎকনি, জগোয় শাবশিং অদুনা অখন্ননা পুথোকপা ‘য়ুথ এন্থেম’ উৎকনি। ফুদ-তেপ্পিং এন্থেম অসি ‘বরে চলো’গী থিমদা অখন্ননা ইবা অমসুং কম্পোজ তৌবনি অমসুং মসি মী খুদিংমক শরুক য়ানবা পুক্নিং থৌগৎলি অমসুং মখোয়গী য়ুমশিংদা মচু অহুমগী ফিরাল অমা পাইহনগনি। ভারত শীনবা থুংনা মরুওইবা সহর ৭৫দা ফ্লাস দান্সশিং উৎকনি। হায়রিবা ফ্লাস দান্সশিং অসিগী খুৎথাংদা হরাও-তয়াম্বা অমসুং নুংঙাইবা মওংদা অমৃত মহোৎসবকী পাউজেল অমসুং ৱাখল্লোন শন্দোক্নবা মিনিস্ত্রিনা পান্দম থম্লি।
ইং ২০২২গী অগস্ত ৫দগী অগস্ত ১১ ফাওবা নুমিৎ খুদিংগী সহর ১০দা বরে চলো পাংথোক্কনি। হায়রিবা থৌরম অসি অগস্ত ১২, ২০২২দা নিউ দিল্লিগী তালকাতোরা স্তদিয়মদা গ্রান্ত ফিনালে অমগা লোয়ন্না লোইশিনগনি। হায়রিবা শক্নাইরবা মীওই কয়া শরুক য়াগদৌরিবা থৌরম অসিদা ইন্দিয়ান আইদোলগী স্তারশিং হায়বদি পৱান্দিব রাজন অমসুং অরুনিতা কাঞ্জিলালনা ঈশৈ শক্কনি।
জে অমসুং কেগী শ্রীনগরগী লাল চোক, উত্তরখান্দগী দেরা দুনদা লৈবা এসলি হোল, অরুনাচল প্রদেসকী ইতানগরগী অকাসদিব কৈথেল, বিহারগী পাতনাগী সেন্ত্রেল মোল, ছতিসগরগী রাইপুরগী তেলিবন্ধা তালব, অন্ধ্র প্রদেসকী ভিশাখাপাতনমগী সি.এম.আর মোল, রাজস্থানগী জয়পুরগী গৌরব তৱার, গুজরাতকী বরোদাগী মহারাজ সায়াজিরাও য়ুনিভর্সিতি, উত্তর প্রদেসকী কানপুরগী কেসব ভাতিকা অমসুং গুজরাতকী অহমেদবাদকী অলফা ৱান মোলদা ঙসিদগী জাতিগী থাক্তা বরে চলো থৌরম পাংথোকপা হৌখ্রে।
বরে চলো অসিনা মীওই খুদিংমক মরৈবাক নুংশিবগী মৈরি অমুক হন্না চুখৎহনগনি অমসুং ঐখোয়গী থম্মোয়শিংদা মরৈবাক্কী চাউথোকচবা পোকহন্দুনা ঐখোয়গী য়ুমশিং মচু অহুমগী ফিরাল চিংখৎনবা ঐখোয়গী পুক্নিং থৌগৎকনি।
***
(Release ID: 1848934)
Visitor Counter : 122