ভারত সরকারগী হকশেল অমসুং য়াইফ-য়ুম্বাল মন্ত্রালয়না নেস্নেল হেল্থ মিসনগী মখাদা ‘ফ্রী দাইগ্নোস্তিক্স সর্বিস ইনিসিয়েতিব’ (এফ.দি.এস.আই.) প্রোগ্রাম অসিবু সপোর্ত তৌই। প্রোগ্রাম অসি য়াম্না কোম্না অমসুং য়াম্না হোংনা পেথোলোজিকেল অমসুং রেদিয়োলোজিকেল দাইগ্নোস্তিক্স সর্বিসশিং অসিবু কম্যুনিতীদা ফংহন্নবগী পান্দমদা ২০১৫কী জুলাইদা হৌদোকখিবনি, মসিনা মরম ওইরগা আউৎ-ওফ-পোকেত এক্সপেন্দিচর (ও.ও.পি.ই.) হন্থহল্লি। পব্লিক হেল্থ ফেসিলিতীগী থাক খুদিংমক্তা ইসেন্সিয়েল দাইগ্নোস্তিক্স লিস্তকী মতুং ইন্না ইসেন্সিয়েল দাইগ্নোস্তিক্স তেস্তশিংগী তঙাইফদবা খ্বাইদগী য়ামদবা সেত অমা রিকমেন্দ তৌখ্রে।

লেবোরেতরী সর্বিসশিং থবক ওইনা পাইখৎনবগীদমক্তা লমজিং-লমতাক্নবগী চে-চাংশিং অদু রাজ্য অমসুং য়ু.তি. পুম্নমক্তা শিয়র তৌখ্রে। গাইদলাইনশিং অসিনসু পব্লিক হেল্থ ফেসিলিতীশিংগী থাক খুদিংমক্তা দাইগ্নোস্তিক্সকী রেঞ্জ অদু হেনগৎহন্নবসু রিকমেন্দ তৌখ্রে (সব সেন্তরশিং (এস.সি.শিং)দা তেস্ত ১৪, প্রাইমরী হেল্থ সেন্তরশিং (পি.ঐচ.সি.শিং)দা তেস্ত ৬৩, কম্যুনিতী হেল্থ সেন্তরশিং (সি.ঐচ.সি.শিং)দা তেস্ত ৯৭, সব-দিস্ত্রিক্ত হোসপিতালশিং (এস.দি.এচ.শিং)দা তেস্ত ১১১ অমসুং দিস্ত্রিক্ত হোসপিতালশিং (দি.ঐচ.শিং)দা তেস্ত ১৩৪)।

এন.ঐচ.এম.গী মখাদা, ‘ফ্রী দাইগ্নোস্তিক্স সর্বিস ইনিসিয়েতিব’ অসি লৈবাক অসিদা রাজ্যশিং/য়ু.তি.শিংনা ইন-হাউস, পব্লিক প্রাইভেত পার্তনরশিপ (পি.পি.পি.) অমসুং হাইব্রিদ মোদ কী খুত্থাংদা পীরি। ফ্রী লেবোরেতরি সর্বিস অসি রাজ্য ৩৩দা মথৌ পাংথোক্লি, মসিগী মনুংদা রাজ্য/য়ু.তি. ১১ (অরুনাচল প্রদেশ, অসাম, দিল্লী, হিমাচল প্রদেশ, ঝারখন্দ, মাহারাস্ত্র, মনিপুর, মেঘালয়া, ওরিশা, ত্রিপুরা, অমসুং উত্তরাখন্দ)না পি.পি.পি./হাইব্রিদ মোদকী খুত্থাংদা সর্বিসশিং পীরি অমসুং রাজ্য/য়ু.তি. ২২ (অন্ধ্র প্রদেশ, এ.অমসুং এন. আইলেন্দ, বিহার, চন্দিগর, ছত্তিসগর, দি. অমসুং এন. হৱেলি-দামন অমসুং দ্যু, গোৱা, গুজরাত, হরিয়ানা, জম্মু অমসুং কাশ্মির, কর্নাতকা, কেরলা, লেক্সদ্বীপ, মধ্য প্রদেশ, নাগালেন্দ, পুদুচেরী, পঞ্জাব, সিক্কিম, তামিল নাদু, তেলঙ্গনা, উত্তর প্রদেশ, ৱেস্ত বেঙ্গল)না ইন-হাউস মোদকী খুত্থাংদা সর্বিসশিং পীরি।

মখাতানা, ফ্রী তেলি-রেদিয়োলোজী (এক্স-রেশিংগী তেলি-রিপোর্তিং) সর্বিস অসি রাজ্য/য়ু.তি. ১৩দা মথৌ পাংথোক্লি (অন্ধ্র প্রদেশ, অসাম, বিহার, হিমাচল প্রদেশ, জম্মু অমসুং কাশ্মির, মহারাস্ত্র, মেঘালয়া, ওরিশা, রাজস্থান, উত্তরাখন্দ, উত্তর প্রদেশ, অমসুং ৱেস্ত বেঙ্গল, ত্রিপুরা)। ফ্রী সি.তি. স্কেন সর্বিস অসি রাজ্য/য়ু.তি. ২৭তা মথৌ তৌরি মসিগী মনুংদা রাজ্য ১৭ (অনধ্র প্রদেশ, অসাম, চন্দিগর, ছত্তিসগর, দিল্লী, হরিয়ানা, হিমাচল প্রদেশ, ঝারখন্দ, কর্নাতকা, মধ্য প্রদেশ, মেঘালয়া, মহারাস্ত্র, ওরিশা, রাজস্থান, ত্রিপুরা, উত্তর প্রদেশ, ৱেস্ত বেঙ্গল)না পি.পি.পি. মোদতা ফংহল্লি অমসুং রাজ্য ১০ (এ.অমসুং এন. আইলেন্দ, বিহার, দি. আমসুং এন. হৱেলি- দামন অমসুং দভু, গোৱা, জম্মু অমসুং কাশ্মির, লাক্সদ্বীপ, কেরলা, পুদুচেরী, তামিল নাদু, তেলঙ্গনা)না ইন-হাউস মোদকী খুত্থাংদা পীরি।

কেন্দ্রগী হকশেল অমসুং য়াইফ-য়ুম্বালগী মন্ত্রী, দা. ভারতি প্রবিন পাৱরনা ঙসি লোক সভাদা অইবা পাউখুম ওইনা ৱাফম অসি থমখি।

****