ইন্দিয়ন নেভীগী খা নোংপোক ইন্দিয়ন ওসিনগী লোং রেঞ্জ দিপ্লোইমেন্তকী শরুক অমা ওইনা আই.এন.এস. সুমেধানা ওগস্ত ৪দগী ওগস্ত ৬, ২০২২ ফাওবগী বালি খোঙচৎতা পোর্ত তাঞ্জুং বেনোৱা য়ৌখ্রে। হি অসিনা ভারতকী নীংতম্বগী নুমিৎ অমসুং অজাদি কা অমৃত মহোৎসব পালনগা ইরোইননা পর্থ, ওস্ত্রেলিয়াদসু য়ৌগনি। বালিগী খোঙচৎ অসিনা লৈবাক অনিগী মরী অসিবু হেন্না চেৎশিলহন্ননবা, লানগী ওইবা মরী অমসুং ইন্দোনেসিয়ান নেভীগা থবক পায়খৎমিন্নবা হেন্না ফগৎনবা পান্দম থম্লি। মহাক্না বালিদা লৈরিঙৈ মনুংদা, হি অসিগী ক্রুশিংনা ইন্দোনেসিয়ান নেভীগী মপাংগা প্রোফেসনেল ওইবা ৱারী ৱাতাই, ক্রোস দেক ভিজিত অমসুং স্পোর্তস ফিক্সরশিং পায়খৎকনি।

বালিদা চঙদ্রিঙৈদা জহাজ অসিনা ওগস্ত ০২, ২০২২দা ইন্দোনেসিয়ান নেভীগী সিগ্মা ক্লাস কোর্ভেত ওইরিবা কে.আর.আই. সুলতান হাসনুদ্দিনগা মেরিতাইম পার্তনরশিপ এক্সর্সাইস অমা পাঙথোকখি। সীমেনশিপ ইভোলুসন, তেক্তিকেল মেনুভর অমসুং কম্ম্যুনিকেসন প্রোসিজরশিং য়াওরিবা এক্সর্সাইস অসিনা প্রোফেসনেল ওইবা এক্সপিরিএন্স অমা পীরি অমসুং নেভী অনিগী মরক্তা মেরিতাইম কোওপরেসন মপাংগল কনখৎহল্লি। আই.এন.এস. সুমেধা অসি লমদম অসিদা শাজবা নেভেল ওফশোর পেত্রোল ভেসেলনি অমসুং মসি মশাগী ওইবা তোঙান-তোঙানবা থৌদাংশিং লৌরি অমসুং মসিনা ফ্লীত ওপরেসনশিংদসু মতেং পাংলি। মসি ইন্দিয়ন নেভীগী ভিসাখাপত্নমদা লৈরিবা ইস্তর্ন ফ্লীৎকী শরুক অমনি অমসুং ফ্লেগ ওফিসর কম্মান্দিং ইন-চীফ, ইস্তর্ন নেভেল কম্মান্দগী ওপরেসনেল কম্মান্দ মখাদা মথৌ তৌরি।

***************