అసంఘటిత కార్మికుల సామాజిక భద్రతా చట్టం, 2008 ప్రకారం, రోజువారీ వేతన కార్మికులతో సహా అసంఘటిత రంగ కార్మికులకు (i) జీవిత బీమా, వైకల్యం అందుబాటు, (ii) ఆరోగ్యం మరియు ప్రసూతి ప్రయోజనాలు (iii) వృద్ధాప్య రక్షణ (iv) కేంద్ర ప్రభుత్వం నిర్ణయించిన ఏదైనా ఇతర ప్రయోజనాలకి సంబంధించిన విషయాలపై తగిన సంక్షేమ పథకాలను రూపొందించడం ద్వారా ప్రభుత్వం సామాజిక భద్రతను అందించడం తప్పనిసరి.

 

ప్రధాన మంత్రి జీవన్ జ్యోతి బీమా యోజన (PMJJBY) మరియు ప్రధాన మంత్రి సురక్ష బీమా యోజన (PMSBY) ద్వారా జీవిత బీమా మరియు అంగవైకల్య బీమా అందించబడుతుంది.

ఆయుష్మాన్ భారత్-ప్రధాన్ మంత్రి జన్ ఆరోగ్య యోజన (AB-PMJAY) సంవత్సరానికి రూ. 5 లక్షలు ఆరోగ్య రక్షణను అందిస్తుంది. ఇవి 27 స్పెషాలిటీల ఆసుపత్రుల్లో 1949 చికిత్సలకు అనుగుణంగా ద్వితీయ, తృతీయ సంరక్షణ ఆసుపత్రిలో చేరేందుకు అర్హత ఉన్న కుటుంబాలకు వర్తిస్తుంది. ఇది పూర్తిగా నగదు రహిత, కాగిత రహిత పథకం. AB-PMJAY కింద లబ్ధిదారుల కుటుంబాలు 2011 ఆధారంగా సామాజిక ఆర్థిక కుల గణన (SECC) నుండి గ్రామీణ మరియు పట్టణ ప్రాంతాలలో 6 లేమి మరియు 11 వృత్తిపరమైన ప్రమాణాల ఆధారంగా గుర్తించబడ్డాయి.

వృద్ధాప్య రక్షణ, ప్రధాన మంత్రి శ్రమ యోగి మాన్-ధన్ (PM-SYM) పెన్షన్ పథకం ద్వారా నెలవారీ పెన్షన్ రూపంలో రూ. 3,000/- 60 సంవత్సరాల వయస్సు వచ్చిన తర్వాత అందించబడుతుంది.

ఈ పథకాలతో పాటు, అటల్ పెన్షన్ యోజన, జాతీయ ఆహార భద్రతా చట్టం కింద ప్రజా పంపిణీ వ్యవస్థ, మహాత్మా గాంధీ జాతీయ గ్రామీణ ఉపాధి హామీ చట్టం, దీన్ దయాళ్ ఉపాధ్యాయ గ్రామీణ కౌశల్ యోజన, ప్రధాన మంత్రి ఆవాస్ యోజన, జాతీయ సామాజిక సహాయ కార్యక్రమం, గరీబ్ కళ్యాణ్ రోజ్‌గార్ యోజన, మహాత్మా గాంధీ యోజన, బీమా యోజన, దీన్ దయాళ్ ఉపాధ్యాయ్ అంత్యోదయ యోజన, పీఎంస్వానిధి, ప్రధాన మంత్రి కౌశల్ వికాస్ యోజన, రోజువారీ వేతన కార్మికులతో సహా అసంఘటిత కార్మికులకు వారి అర్హత ప్రమాణాలను బట్టి కూడా అందుబాటులో ఉన్నాయి.

బాలల హక్కు కోసం ఉచిత, నిర్బంధ విద్య చట్టం- 2009. పొరుగున ఉన్న పాఠశాలలో 6 నుండి 14 సంవత్సరాల వయస్సు గల ప్రతి బిడ్డకు ఉచిత మరియు నిర్బంధ ప్రాథమిక విద్యను అందించాలని దీని ఉద్దేశం. విద్య అనేది రాజ్యాంగం యొక్క ఉమ్మడి జాబితాలో ఒక అంశం. చాలా పాఠశాలలు సంబంధిత రాష్ట్ర ప్రభుత్వాల నియంత్రణలో ఉన్నాయి.

ఈ విషయాన్ని రాష్ట్ర కార్మిక & ఉపాధి శాఖ మంత్రి శ్రీ రామేశ్వర్ తెలి ఈరోజు రాజ్యసభలో లిఖితపూర్వక సమాధానంలో తెలిపారు.

 

******

(रिलीज़ आईडी: 1848828) आगंतुक पटल : 289