২০২২গী জুলাই ৩০ ফাওবদা কোর্পসকী লুপা করোর ৯৪৫গী মনুংদা, স্তার্তঅপ ইন্দিয়া সীদ ফন্দ স্কিম (এস.আই.এস.এফ.এস.)কী মখাদা ইনক্যুবেতর ১০২দা লুপা করোর ৩৭৫.২৫  অয়াবা পীখি। মসিদসু নত্তনা দি.পি.আই.আই.তি.না শকখঙলবা স্তার্তঅপ ৩৭৮দা স্কিম অসিগী মখাদা অয়াবা পীখ্রবা ইনক্যুবেতরশিংনা অপুনবা শেনফম লুপা করোর ৮১.৪৫ অয়াবা পীখি।

অখন্ননা, অৱাং নোংপোক্কী রাজ্যশিংদগী (অরুনাচল প্রদেশ, অসাম, মনিপুর, মেঘালয়া, মিজোরাম, নাগালেন্দ, সিক্কিম অমসুং ত্রিপুরা), ২০২২গী জুলাই ৩০ ফাওবদা স্কিম অসিগী মখাদা ইনক্যুবেতর অনিদা (সিক্কিম অমসুং অসামদগী অমমম) অপুনবা শেনফম লুপা করোর ৫গী অয়াবা পীখ্রে। মসিদসু নত্তনা অৱাং নোংপোক্কী রাজ্যশিংদগী দি.পি.আই.আই.তি.না শকখঙলবা স্তার্তঅপ ৯দা স্কিম অসিগী মখাদা অয়াবা পীখ্রবা ইনক্যুবেতরশিংনা অপুনবা শেনফম লুপা করোর ১.১৫গী অয়াবা পীখ্রে।

স্তার্তঅপ ইন্দিয়া সীদ ফন্দ স্কিম (এস.আই.এস.এফ.এস.) অসি ২০২১গী এপ্রিল ১দগী চৎনবা হৌদুনা সরকারনা ইমপ্লিমেন্ত তৌরি। মসিনা ইলিজিবল ওইবা দিপার্তমেন্ত ফোর প্রমোসন ওফ ইন্দস্ত্রি এন্দ ইন্তর্নেল ত্রেদ (দি.পি.আই.আই.তি.)না শকখঙলবা স্তার্তঅপশিংদা প্রুফ ওফ কন্সেপ্ত, প্রোতোতাইপ দিবেলপমেন্ত, প্রদক্ত ত্রাইএলশিং, মার্জেৎ এন্ত্রী অমসুং কম্মর্সিএলাইসনগীদমক শেলগী মতেং পীরি। মসিনা স্তার্তঅপশিংবু এঞ্জেল ইনভেস্ততরশিং নত্ত্রগা ভেঞ্চর কেপিতেলিস্তশিংদগী ইনভেস্তমেন্তশিং লাকহনবা ঙমগদবা নত্ত্রগা কম্মর্সিএল বেঙ্কশিং নত্ত্রগা ফাইনান্সিএল ইন্সতিত্যুসনশিংদগী লোন লৌবা য়াবা থাক অমদা কাখৎপা ঙমহল্লি। এস.আই.এস.এফ.এস. অসি ভারত শিনবা থুংবদা লৈরিবা ইলিজিবল ওইবা ইনক্যুবেতরশিংগী খুত্থাংদা ইলিজিবল ওইবা স্তার্তঅপশিংদা পীরি।

ই-পাউ অসি ঙসি রাজ্য সভাদা কম্মর্স অমসুং ইন্দস্ত্রীগী রাজ্য মন্ত্রী, শ্রী সোম পরকাশনা অইবা পাউখুম ওইনা পীখিবনি।

***