চীংগী লমশিং, অৱাং-নোংপোক রাজ্যশিং অমসুং ত্রাইবেলশিং লমদমশিংদগী য়াম্না পুমগনবা চীঞ্জাকশিং পুথোক-পুশিন তৌনবা মরুওইবা মীৎয়েং থমদুনা, হৌজিক লৈরিবা খুদোংচাবশিং অসি হেন্না ফগৎহন্নবা ওক্তোবর ২৭, ২০২১দা কৃ্ষি উরান স্কিম ২.০ হৌদোকখ্রে। লৌউ-শিংউগী পোৎথোকশিং নোংথক্তা পুথোক-পুশিন তৌবদা খুদোংচানবা অমসুং মতেং পাংনবা, এয়রপোর্তস ওথোরিতি ওফ ইন্দিয়া(এ এ আই)না অৱাং-নোংপোক, চীং অমসুং ত্রাইবেলগী মফমশিংদা লৈবা চাউরাক্না এয়রপোর্ত ২৫ অমসুং অতোপ্পা মফমশিংদা লৈবা এয়রপোর্ত ২৮দা ভারতকী পোৎ-চৈ পুবা অমসুং পি ২ সি(পেসেঞ্জর-তু-কার্গো) এয়ারক্রাফশিংদগী লেন্দিং অমসুং পার্কিং চার্জশিং, তর্মিনেল নেভিগেসন্নেল লেন্দিং চার্জেস (তি এন এল সি) অমসুং রুত নেভিগেসন ফেসিলিতি চার্জেস(আর এন এফ সি) লৌদ্রে। মখা তানা, কৃষি উরান ২.০গী থবকশিং য়েংশিল্লবা মতুংদা অহেনবা এয়রপোর্ত ৫ হাপচিল্লে অমসুং স্কিম অসিগী মখাদা অপুনবা এয়রপোর্ত ৫৮ লৈরে।

কৃষি উরান স্কিম অসি মিনিস্ত্রি/দিপার্তমেন্ত ৮ হায়বদি সিবিল এভিএসন মিনিস্ত্রি, এগ্রিকলচর অমসুং ফারমর্স ৱেলফিয়ার দিপার্তমেন্ত, এনিমেল হসবেন্দরি অমসুং দাইরিয়িং দিপার্তমেন্ত, ফিসরিজ দিপার্তমেন্ত, ফুদ প্রোসেসিং ইন্দস্ত্রিস মিনিস্ত্রি, কম্মর্স দিপার্তমেন্ত, ত্রাইবেল এফেয়ার্স মিনিস্ত্রি, দোনর মিনিস্ত্রি পুনশিন্দুনা লৌউ-শিংউগী পোৎথোকশিং পুথোক-পুশিন তৌনবা হৌজিক পায়খৎলিবা স্কিমশিং হেন্না ফগৎহন্নবা পায়খৎপা পুনশিনবা স্কিম অমনি।

হৌজিক, প্রায়াগ্রাজ এয়ারপোর্ত অসি কৃষি উরান স্কিম ২.০গী মখাদা লৈরে। লৈবাক অসিগী পৎকন-পুমগৎনবা পোৎথোক খুদিংমক কৃষি উরান স্কিমনা কোনশিল্লে। লৌউ-শিংউগী পোৎথোকশিং পুবদা স্কিম অসিনা লৌমীশিংগী মতেং পাংদুনা লৌমীশিংনা শেন্দোং হেন্না ফংবা ঙমহল্লে। দরকারগী মতুংইন্না কৃষি উরান স্কিমনা পৎকন-পুমগনবা লৌউ-শিংউগী পোৎথোকশিং নোংথক্তা পুবগী খুদোংচাবা ফংহল্লি।

ৱাফম অসি ঙসি লোক সভাদা অইবা ওইনা পীবা পাউখুম অমদা সিবিল এভিএসনগী রাজ্য মন্ত্রী জেনেরেল(দোক্তর)ভি.কে সিংহ(পোথারবা)না ফোঙদোকখিবনি।

*****

(Release ID: 1848521) Visitor Counter : 96