সাইন্স অমসুং তেক্নোলোজিগী মিনিস্তর ওফ স্তেৎ(মনিংতম্বা); আর্থ সাইন্সেসকী মিনিস্তর ওফ স্তেৎ(মনিংতম্বা); পি.এম.ও, পর্সোনেল, পব্লিক গ্রিভান্সেস, পেন্সন্স, এতোমিক ইনর্জি অমসুং স্পেসকী মিনিস্তর ওফ স্তেৎ দোক্তর জিতেন্দ্র সিংহনা হায়খি, ইং ২০২৪ ফাওবদা অৱাং নোংপোক রাজ্য নিপালদা প্রোজেক ১১০ পায়খৎকনি।

রাজ্য সভাদা ফোঙদোকখিবা ৱারোল অমদা দোক্তর জিতেন্দ্র সিংহনা হায়খি, প্লান ওফ এক্সন(পি ও এ) শেম্নবা নোর্থ ইস্তর্ন স্পেস এপ্লিকেসন্স সেন্তর(এন ই এস এ সি)না রাজ্য নিপালগী নোদেল দিপার্তমেন্তশিংগা পুন্না থবক পায়খৎলে। দোনর মিনিস্ত্রি, স্পেস দিপার্তমেন্ত অমসুং রাজ্য সরকারশিংগী অপুনবা শেনফমগা লোয়ন্না লৌউ-শিংউ, ঈশিং ফংহনবা, উমং অমসুং অকোয়বগী ফিবম শেমগৎপা, প্লান্নিং অমসুং চাউখৎ-থৌরাং, য়ু.এ.ভি রিমোত সেন্সিং অমসুং দিজাস্তার মেনেজমেন্তগী প্রোজেকশিং পায়খৎকনি।

নোর্থ ইস্তর্ন স্পেস এপ্লিকেসন্স সেন্তরনা অৱাং নোংপোক লমদমদা মখাগী মরুওইবা থবকশিং অসি পায়খৎলে :

 

1. 1. নোর্থ ইস্তর্ন স্পাসিএল দেতা রিপোজিতোরি(এন ই এস দি আর) থবক হৌবা
   2. সেরিকলচর অমসুং হোর্তিকলচর চাউখৎহনবা য়াবা মফমশিং মশক খঙদোকপা
   3. রিমোত সেন্সিংদা য়ুম্ফম ওইবা উমংগী থৌরাংশিং অমসুং রিভর এতলাস পায়খৎপা
   4. দোনর মিনিস্ত্রিগী প্রোজেকশিং অমসুং রেকোর্দ ওফ ফোরেস্ত রাইতস(আর ও এফ আর) য়েংশিন্নবা জিওস্পাসিএল সিস্তেম
   5. অসামগী ফ্লদ আরলি ৱার্নিং সিস্তেম( এফ এল ই দব্লিউ এস)
   6. বিমসতেক লমদমগী মীওইশিং য়াওনা ত্রেনিং পীবা
   7. এম.এম.এগী পাউতাক মতুংইন্না অৱাং নোংপোক রাজ্যশিংগী মরক্তা ঙমখৈগী মুক্নবা লৈরিবশিং লোইশিন্নবা সেতেলাইত ইমেজিংগী মচাকশিং শীজিন্নবা

নোর্থ ইস্তর্ন কাউন্সিল(এন ই সি)গী মতেংগা লোয়ন্না ইং ২০০০দা নোর্থ ইস্তর্ন স্পেস এপ্লিকেসন্স সেন্তর, শিল্লোং লিংখৎখি। নোর্থ ইস্তর্ন স্পেস এপ্লিকেসন্স সেন্তর অসি অৱাং নোংপোক লমদম চাউখৎহন্নবা স্পেস তেক্নোলোজিগী মচাকশিং শীজিন্ননবা স্পেস দিপার্তমেন্তগী মখাদা লৈবা ওতোনোমস ইন্সতিতুৎ অমনি। মহৌশাগী লনশিং থিজিন্নবা, ইনফ্রাস্ত্রকচর শেমগৎনবা, লাইরিক তম্বদা সেতিলাইত কম্মুনিকেসন্দা য়ুম্ফম ওইবা এপ্পশিং শীজিন্ননবা, হকশেল অমসুং দিজাস্তর মেনেজমেন্তদা মতেং পাংনবা অমসুং স্পেস তেক্নোলোজিগী লমদা ত্রেনিং পীনবা হিরমশিংদা রিমোত সেন্সিংগী প্রোজেকশিং পায়খৎপগী থবকশিং নোর্থ ইস্তর্ন স্পেস এপ্লিকেসন্স সেন্তরনা পাংথোক্লি।

****

(Release ID: 1848423) Visitor Counter : 110